(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতনা নোংমখক্তদা খ্বাইদগী চাং ৱাংনা ফগৎলকপগী অতোপ্পা রেকোর্দ য়ৌবা ঙমখ্রে, হৌখিবা পুং ২৪দা ৬২,২৮২ ফগৎপা ঙমখ্রে
• ঙসি অপুনবা ফগৎলকপা লাখ ২১.৫ হেনখ্রে; ফগৎলকপগী চাং চাদা ৭৪ হেনখ্রে
• ঙসি অপুনবা পোজিতিব কেস অসি চাদা ২৩.৮২ ওইদুনা হৌজিক-হৌজিক ওইরিবা এক্তিব কেস (৬,৯২,০২৮) কন্সতিত্যুৎ তৌরি, হৌখিবা পুং ২৪সিদা রেজিস্তর তৌবা অসি মখা তানা হন্থরক্লি

• হৌখিবা পুং ২৪দা সেম্পল ৮,০৫,৯৮৫ তেস্ত তৌখি
• ইলেক্সন কম্মিসন্না কোবিদ-১৯ মতম মনুংদা জেনরেল /বাই ইলেক্সন পাঙথোক্নবগীদমক অচৌবা গাইদলাইনশিং অয়াবা পীখ্রে

ভারতনা নোংমখক্তদা খ্বাইদগী চাং ৱাংনা ফগৎলকপগী অতোপ্পা রেকোর্দ য়ৌবা ঙমখ্রে; হৌখিবা পুং ২৪দা ৬২,২৮২ ফগৎপা ঙমখ্রে; চাদা এক্তিব ওইবগী কেসশিং অসি হন্থরকখ্রে অমসুং চাদা ফগৎলকপগী চাং অসি হেনগৎখ্রে

কোবিদ-১৯ কেসশিং নোংমখক্তদা খ্বাইদগী চাং ৱাংনা ফগৎলকপগী অতোপ্পা রেকোর্দ অমা পন্দোন মতোন লোম্বা ঙমখ্রে। হৌখিবা পুং ২৪দা ৬২,২৮২ ফগৎপা ঙমখ্রে অমসুং দিসচার্জ তৌখ্রে। অনাবশিং হেন্না ফগৎলক্তুনা হোসপিতাল অমদি আইসোলেসন(কেস খজিক্তং লৈবা অমসুং ময়াই ওইবা কেসশিংদা)গী দিসচার্জ তৌখিদুনা অপুনবা ফগৎলকখিবগী চাং অসি ঙসি (২১, ৫৮, ৯৪৬) লাক্ষ ২১.৫ য়ৌখ্রে। কোবিদ-১৯কেসশিংগী ফগৎখিবা অনাবশিং অমসুং এক্তিব ওইবশিং অসিগী লাপ্নবা অসি হেন্না কাখৎখিদুনা ঙসি ১৪,৬৬,৯১৮ য়ৌখ্রে। অনাবশিং মশিং চাং ৱাংনা ফগৎখিদুনা মখোয়গী চাদা ওইবা চাং অসি ঙম্না কাগৎলকপগা লোয়ননা এক্তিব কেসশিং অসি তাথরক্লি। ফগৎলকখিবগী থাক অসি অসুম্না সুম ৱাংখৎলক্তুনা ভারতকী ফগৎলকখিবগী চাং অসি হৌখিবদগী চাদা ৭৪(৭৪.২৮%) ফাওবা য়ৌখ্রে অমসুং অনাবশিং হেন্না-হেন্না ফগৎপা হেনগৎলক্লি হায়বসি অরেপ্পা মওংদা লৈরে। মসি রাজ্য অমসুং য়ুনিয়ন তেরিতোরী ৩৩দগী চাদা ৫০ হেন্না ফগৎপগী চাংগী পাউ পীরকখি। হৌজিক-হৌজিক ওইরিবা এক্তিব কেস(৬,৯২,০২৮)অসিনা লৈবাক অসিগী কেস লোদ অসি ওইরি। হৌখিবা পুং ২৪সিদা রেজিস্তর তৌবা অসি মখা তানা হন্থরক্তুনা অপুনবা পোজিতিব কেস অসি চাদা ২৩.৮২ ওইরে। মখোয়শিং অদু নিংথিনা হকশেলগী ওইবা মওংদা চিংনবা লৈবশিং অদু য়েংশিল্লি। হৌখিবা পুং ২৪সিদা লায়না অসি মশক খংদোক্নবা সেম্পল ৮,০৫,৯৮৫ তেস্ত তৌখ্রে। মসিদা পুল্লপ্না তেস্ত তৌখিবগী মশিং অসি ৩,৩,৪৬৭,২৩৭ য়ৌখ্রে। লৈবাক অসিগী তেস্তিং নেতৱর্ক অসি লেপ্তনা মপাঙ্গল হেনগৎহন্দুনা ঙসি লৈবাক অসিদা লেবোরেতরী ১৫০৪ লৈখ্রে; সরকারগী সেক্তরদা লেবোরেতরী ৯৭৮ অমসুং লন্নাইগী সেক্তরদা লেবোরেতরী ৫২৬নি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647536

দাঃ হর্শ বর্ধননা কোভিদকা চান্নবা মওং উৎপা ইন্তরেক্তিব গেম অমসুং আই.ই.সি. পোৎলম থাগৎখ্রে

হেলথ অমসুং ফেমিলি ৱেলফেয়রগী য়ুনিয়ন মিনিস্তর দাঃ হার্শ বর্ধননা হেলথ অমসুং ফেমিলি ৱেলফেয়রগী স্তেত মিনিস্তর শ্রী আশ্বিনি কুমার চৌবে য়াওনা কোভিদ-১৯গা চান্নগদবা গেম দ কোরোনা ফাইত্তরস (www.thecoronafighters.in) অমসুং কোভিদকা চান্নবা অনৌবা ভিদিও অনি ঙরাং হৌদোকখ্রে। মহাক্না নুঙাইবা ফোংদোক্লদুনা তোপ-তোপ্পা মখলগী শেমগৎলবা গেম অসিদা, দাঃ হার্শ বর্ধননা হায় মদুদি গেম অসিদা “অনৌবা অমসুং ৱাখল পুথোকপা য়াবা মদুনা মীয়াম্বু চপ চাবা খুলায় অমা ওইদুনা অমসুং শাওং শাদা অসিনা কোভিদ-১৯ লায়চৎ অসিবু লান্থেংনবদা মতেং ওই”। মহাক্না হায় মদুদি গেম অসি শান্নরিবা অদুবু পুক্নিং হুনিংঙাই ওই অমসুং অশেংবা মানহসল্লি, মসিনা চপ চাবা খোঙথাং লৌখৎতুনা লায়না অসিদগী ঙাকথোকপা ঙম্মি”। মহাক্না মখা তারদুনা হায়খি মদুদি পুক্নিং থৌগৎনিংঙাই ওইবা ভিদিও অনিসি “ইচম চম্না শেমগৎপা অমসুং নুংঙাইবা য়াবা মওংদা প্রজাদা য়াম্না চাওনা পাওজেল পীবা য়ারবা মওং অমনি”। দাঃ হার্শ বর্ধননা নিংশিংলদুনা হায় মদুদি মহাক্না থেংনবকপদা পোলিও আভিয়াননা জন ভাগিদারি (মীপুম খুদিংমক শরুক য়াবা) প্রজাগী ইহৌ ওন্থোকখিবা অমসুং ফিল্ম ইন্দস্ত্রীনা মীওইশিংনা পীরকখিবা মতেংশিংবু নিংশিংখি। মহাক্না হায় মদুদি, “ পল্স পোলিও প্রোগ্রাম, মসিগী থমখিবা পান্দম অমসুং আই.ই.সি. শিজিন্নবা অমসুং মফম কয়াগী ওইবা খংহনখিবা অসিনা মমা কয়াদা য়ৌদুনা মখোয়গী মচাশিং তিকা থাখি। চপ মান্নবা মওংদা কোভিদ-১৯ অসিসু কোভিদ কা চান্নবা মওংদা মীয়ামদা খংহন্দুনা কোলর ত্যুনগুম্বা নত্ত্রগা অতোপ্পা মওংদা পীবা য়াই। কোভিদ-১৯গী ভেক্সিন পুথোক্ত্রিফাওবা কোভিদকা চান্নবা শাফগদবা মওংদা লৈবা মথৌ তাই” হায়না মহাক্না হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647406

কোবিদ-১৯ মনুংদা জেনরেল ইলেক্সন/বাই ইলেক্সন পাঙথোকপগী গাইদলাইনশিং

ইলেক্সন কম্মিসন ওফ ইন্দিয়ানা কোবিদ-১৯ মনুংদা জেনরেল ইলেক্সন/বাই ইলেক্সন পাঙথোকপগী গাইদলাইনশিং অয়াবা পীখ্রে। কম্মিসন অসিনা নোমিনেসন তৌবা লাকপা মতমদা কেন্দিদেৎকা লোয়নরক্কদবা মীওইশিংগী মশিং অমসুং গারীগী মশিংগী চৎনা কাঙলোন শেমদোকখ্রে। মসিনা অহেনবা খুদোংচাবা পীদুনা নোমিনেসন ফোর্ম অমসুং এফিদেবিৎ মেনশিনবা অমসুং হায়রিবা অসি প্রিন্ত লৌরবা মতুংদা মরী লৈনবা আর.ও.দা ওনলাইনদা পীশিনবা য়াহল্লি। অহানবা ওইনা, কেন্দিদেৎনা ইলেক্সন লেপ্পগী সেক্যুরিতী দিপোজিৎকী শেনফম অসি ওনলাইনদা থিবসু য়াহল্লগনি। কন্তেনমেন্তগী গাইদলাইনশিং অসি ৱাখলদা থমদুনা, কম্মিসন অসিনা য়ুম-য়ুমদা চৎতুনা কেম্পেন তৌবগী মীগী মশিং অসি কেন্দিদেৎ য়াওনা মীওই মঙা খক্তা চৎনবা খঙহনখ্রে। এম.ঐচ.এ./রাজ্যনা পীবা কন্তেনমেন্তকী কাঙলোনশুংগী মতুং ইন্না চান্নবা কাঙলোনশিং লৌখৎতুনা মীয়ামগী মীফমশিং অমসুং রোদ শোগী অয়াবা পীগনি। সোসিএল দিস্তেন্সিং কাঙলোনশিং ঙাক্তুনা ইলেক্তোরেলগী থবক চত্থরিঙৈ মনুংদা ফেস মাস্ক, সেনিতাইজর, থর্মেল স্কেনরশিং, গ্লোবশিং, ফেস শিল্দ অমসুং পি.পি.ই. কিৎশিং শীজিন্নগদবনি। ইলেক্তর খুদিংমক্তা ভোতর রিজিস্তরদা সাইন তৌনবা অমসুং ভোৎ থাদবগী ই.ভি.এম. বত্তন্দা নম্নবা হেন্দ গ্লোবশিং পীরগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647624

আই.আই.তি. বেরহাম্পুরনা কোবিদ-১৯গা মরী লৈনবা ইনোবেসনগীদমক পেতেন্ত ৩ ফাইল তৌখ্রে

কোবিদ-১৯ শন্দোকপা হন্থহন্নবা মশাগী লৈজবা তেক্নিকেলগী হৈ-শিংবা শিজিন্নদুনা থবক কয়া পায়খৎলিবা অসিগী শরুক অমা ওইনা বেরহাম্পুরগী ইন্দস্ত্রিএল ত্রেনিং ইন্সতিত্যুৎ (আই.তি.আই.)না খুদোংচাদবা খুদিং থেংনবা ঙম্বগী মতিক উৎপা ওইনা নোবেল কোরোনাভাইরস্কা লান্থেংননবগীদমক্তা পুথোকখিবা অনৌবা খুৎলায় অহুমগী পেতেন্ত অহুম পেতেন্ত জর্নেলদা থাজিনখ্রে। মসিনা অনৌবা পুথোকপগী হীরমদা ইন্সতিত্যুৎ অসিদা প্রাইওরিতী রাইৎ পীরগনি। ইন্সতিত্যুৎ অসিগী ইনোবোসন অহুম অদুদা মোবাইল স্বাব কল্লেক্সন কিওস্ক, য়ু.ভি.সি. খোঙউপ খুগা (সোল) সেনিতাইজর, অমসুং য়ু.ভি.সি. রোবো ৱারিয়র য়াওরি। আই.তি.আই. অসিগী হোৎনবশিংবু থাগৎপা ওইনা স্কিল দিবেলপমেন্ত অমসুং ওন্তোপ্রিনর্শিপ মন্ত্রী দাঃ মহেন্দ্র নাথ পান্দেনা হায়খি, “  ঐহাক্না থাজৈ অমসুং থৌওংশিং অসিনা অতোপ্পা আই.তি.আই.শিংদসু ভাইরস অসিনা শন্দোকপা থিংবদা তেংবাংগদবা ৱারোইশিন পুরকপা ঙমগদবা অনৌবা থৌওং কয়া পুথোক্লক্কনি হায়বগী থাজবসু লৈ। ঐহাক্না আই.তি.আই. বেরহাম্পুরগী তিম্বু লৈবাক অসিদা লৈরিবা আই.তি.আই.শিংদা অসিগুম্লবা মশক থোকপা খুদম অমা পীদুনা অমত্তা ওইনা পুন্দুনা সরকারনা ভাইরস অসিগা লান্থেংননবা পায়খৎলিবা খোঙথাংশিংদা তেংবাংবগী থাগৎপা ফোঙদোক্লি”।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647607

খুঙ্গংগী মফমশিংদা চেকশিন্না থম্বগী মথৌ থোইনা তাদবা অমদি শেল কয়া চংদবা কোবিদ ১৯ দিতেক্সন কিৎ পুথোক্নবা স্তদী হৌখ্রে

কোবিদ-১৯ লায়চৎ অসিনা ইনফ্রাস্ত্রকচর মরাং কায়না লৈতবা খুঙ্গংগী মফমশিংদা রেপিদ দাইগনোস্তিক ফেসিলিতী লিংখৎনবা অনৌবা খোঙথাং লৌখৎহল্লি। মসিনা য়াম্না চেকশিন্নবা থম্বগী মথৌ তাদবা অমদি শেল চংদবা দিবাইজ পুথোকহল্লি। সাইন্তিস্তশিংনা অথুবদা মথৌ তারিবা অসি ফংবা ঙম্নবা রিসর্স প্লান অমা শেম্লি। সাইন্স অমসুং তেক্নোলোজী বিভাগ (দি.এস.তি.)গী মখাদা লৈবা স্তেৎচুতরী বোদী অমা ওইরিবা সাইন্স এন্দ ইঞ্জিনীয়রিং রিসর্স বোর্দ (এস.ই.আর.বি.)গী মতেংগা লোয়ননা বির্লা ইন্সতিত্যুৎ ওফ তেক্নোলোজী, মেস্রা, রাঞ্চিনা দাইগনোস্তিক কিৎ অসি দেবেলপ তৌনবা বাইওইনফোর্মেতিক্স তুল শীজিন্নদুনা পাম্লিবা পোর্তিন অদু খঙদোক্নবা রিসর্স অমা হৌখ্রে। স্তদী অসিনা অখন্নবা দোমেনগী স্পাইক প্রোতিনগী ওইনা দাইগনোস্তিক কিৎ অসি দিবেলপ তৌরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647531

ই.এস.আই.সি.গী অতল বিমিৎ ব্যক্তি কল্যান য়োজনাগী মখাদা ইলিজিবিলিতী ক্রাইতেরিয়াদা কোমথোকপা অমসুং থবক তৌদবগী তেংবাংগী শেল পীবদা ফগৎহনবা

ই.এস.আই. কোর্পোরেসনগী মেম্বরশিংনা মসিগী সর্বিস পীবগী থৌওং অমসুং কোবিদ-১৯ লায়চৎনা শোকহল্লবা থৌমীশিংগী মতাংদা চাউখৎপা পুরক্নবা মরু ওইবা ৱারেপ খরা লৌখ্রে। ই.এস.আই.সি.না ই.এস.আই. স্কিমশিংগী মখাদা লৈবা থবক তৌবা মীওইশিংদা থবক তৌদবগী খুদোংচাবা ওইনা শেল পীবা অতল বিমিৎ ব্যক্তি কল্যান য়োজনা অসি থবক ওইনা পাঙথোক্লগনি। ই.এস.আই. কোর্পোরেসন্না স্কিম অসি জুন ৩০, ২০২১ ফাওবা চহি অমা শাংদোক্নবা ৱারেপ লৌখ্রে। মসিনা হৌজিক লৈরিবা কাঙলোন অমসুং কোবিদ-১৯গী লায়চৎ মনুংদা থবক মাঙলবা মীওইশিংদা পীবা শেলগী তেংবাংশিংদা কোমথোক্নবা ৱারেপ লৌখ্রে। কোবিদ-১৯গী মনুংসিদা ই.এস.আই.সি. হোস্পিতালশিংগী আই.সি.য়ু./ঐচ.দি.য়ু.গী সর্বিসশিং ফবা হেনগৎহন্নবা হায়দুনা ই.এস.আই.সি. হোস্পিতালশিংগী অপুনবা ফমুংগী ১০%দি আই.সি.য়ু./ঐচ.দি.য়ু. ওন্থোক্নবা ৱারেপ লৌখ্রে। ই.এস.আই. কোর্পোরেসন্না মীফম অসিদা ই.এস.আই.সি.না মীয়ামদা মেদিকেল কেয়রগী ইনফ্রাস্ত্রকচর পীবগী মথক্তা মখোয়গী স্তেকহোলদরশিংদা কোবিদ-১৯না পীবা চৈথেং হন্থহন্নবা থবক পায়খৎপগী থাগৎপা ফোঙদোকখ্রে। হৌজিক ফাওবদা ই.এস.আই.সি. হোস্পিতাল ২৩না লৈবাক পুম্বগী ওইনা আইসোলেসন বেদ ২৬০০ অমসুং ক্বারেন্তাইন বেদ চাউরাক্না ফমুং ১৩৫০ লৈদুনা কোবিদ-১৯ দেদিকেতেদ হোস্পিতাল ওইনা মফমশিংগী মীয়ামদা কোবিদকী মেদিকেল সর্বিস পীরি। মসিগী মথক্তা লৈবাক শিনবা থুংবদা লৈরিবা লেমহৌরিবা ই.এস.আই.সি. হোস্পিতালশিংদা কোবিদ আইসোলেসন বেদ ৯৬১ লৈদুনা তোঙান তোঙানবা ই.এস.আই.সি. হোস্পিতালশিংগী অপুনবা কোবিদ আইসোলেসন বেদ ৩৫৯৭ লৈরি। মসিগী মখা তানা হায়রিবা হোস্পিতালশিং অসিদা বেন্তিলেতর ২১৩ য়াওবা আই.সি.য়ু./ঐচ.দি.য়ু. বেদ ৫৫৫ লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647516

২০২০দা পি.এম.ই.জি.পি.গী প্রোজেক্ত ৪৪% ফংহন্দুনা রেকোর্দ থমখ্রে

লৈবাক অসিদা কোভিদ-১৯গী লোকদাউন্না মরম ওইদুনা শেন্মিৎলোনগী ফিভম শোক্লিঙৈ মরক অসিদা প্রাইম মিনিস্তরগী খনগৎলবা ইম্প্লোইমেন্ত জেনেরেসন প্রোগ্রাম (পি.এম.ই.জি.পি.) খাদি এন্দ ভিলেজ ইন্দস্ত্রীজ কম্মিসন (কে.ভি.আই.সি.)না ফংহল্লিবা অসি য়াম্না য়াংনা চংশিল্লি। পি.এম.ই.জি.পি.গী প্রোজেক্তশিং অয়াবা পীবগী অনৌবা অমসুং অথুবা থৌওং অমা পুথোরকপা হায়বদি ফাইনেন্সিএলগী চহি অসিগী থা মঙা মদুদি ২০২০গী এপ্রিলগী ১দগীনা ২০২০গী ওগস্তকী ১৮ ফাওবদা প্রোজেক্তশিং অয়াবা পীরি অমদি মসি ৪৪% চোংখৎখি।  (কে.ভি.আই.সি.)না প্রোজেক্ত লাখ ১.০৩ অয়াবা পীখ্রে অমসুং শেন্থং পীথগদবা বেঙ্কশিংদা এপ্লিকেসন থাদুনা মমাং চহিদগী ৭১,৫৫৬ প্রোজেক্তশিংগী হেন্দুনা ৪৪%দা চোংখ্র। ২০২০গী এপ্রিলদগী ওগস্ত ফাওবদা, শেন্থং পীগদবা বেঙ্কশিংনা প্রোজেক্ত ১১,১৯১কী এপ্লিকান্তশিংদা লুপা করোর ৩৪৫.৪৩গী শেন্ফম কাইথোকখি অদুবু মমাং চহি হায়বদি ২০১৯গী অহানবা থা মঙাদা প্রোজেক্ত ৯,১৬১কী এপ্লিকান্তশিংদা লুপা করোর ২৭৬.০৯গী শেন্ফম কাইথোক্তুনা হন্দক্কী চহিনা হেন্দুনা বেঙ্কশিংনা শেন্থং পীখ্রবা প্রোজেক্তশিংনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1647366

পি.আই.বি. ফিল্দ ওফিসশিংদগী ফংবা পাউ

• মহারাস্ত্র: ব্রিহনমুম্বাই মুনিসিপাল কোর্পোরেশন (বি.এম.সি.)না মুম্বাইদা চহি ৫০গী মথক্তা লৈবা কোবিদ-১৯ পোজিতিব পেসেন্ত খুদিংমক্কী ওইনা ইনফেক্সন তৌখিবগী মখোয়দা সীমতম লৈরবসু লৈত্রবসু, ইন্সতিত্যুশনেল আইসোলেশন মেন্দেতরী ওইহন্নবা মখোয়গী কোবিদ গাইদলাইনশিং অদু অমুক হন্না শেমদোকখ্রে। গাইদলাইনশিং হৌংদোকখিবা অসি অহল ওইরবশিংগী মরক্তা শিবগী চাং ৱাংখৎলকপনা মরম ওইরগা তঙাইফদনা মথৌ তারকখিবনি হায়না বি.এম.সি.না হায়খি। মহারাস্ত্রদা মীওই৩২৬ শিখিবগী পাউ লৈখি, মসিনা শিখিবশিংগী মশিং অদু ২১,৩৫৯ য়ৌহনখ্রে। রাজ্য অসিদা এক্তিব কোবিদ কেস লাখ ১.২৬ লৈরি।
• গুজরাত: হৌখিবা পুং ২৪দা কোবিদ-১৯গী অনৌবা কেস ১১৭৫ থেংনখি। রাজ্য অসিগী হেল্থ দিপার্তমেন্তকী মতুং ইন্না, রাজ্য অসিদা ফগৎলকখিবগী চাং অসি মখাতানা হেনগৎলক্তুনা চাদা ৭৯.২১ ফাওবা য়ৌখ্রে। রাজ্য অসিদা তেস্ত লাখ ১৫গা লিশিং ৪৭ তৌখ্রে। ঙরাং য়াম্লবা তেস্ত ৬৮,৫৮১ তৌখ্রে। রাজ্য অসিদা এক্তিব কেস ১৪,৪৫৪ লৈরি।
• রাজস্থান: রাজস্থানগী মুখ্য মন্ত্রী, অশোক গেহলোতনা কোবিদ কেয়র হোসপিতালশিংদা থবক তৌরিবা দোক্তরশিং অমসুং নর্সিং স্তাফতা অহেনবা ওনরারিয়ম লাঊথোকখ্রে। রাজস্থানদা হৌজিক ফাওবদা থেংনখিবা কেস ৬৬,৬১৯গী মনুংদা পেসেন্ত ৫১,১৯০দি ফখ্রে অমসুং দিসচার্জ তৌখ্রে।
• ছত্তিসগর: ছত্তিসগরগী হেল্থ দিপার্তমেন্তনা কোবিদকী সীমতমশিং খুদম ওইনা লোক-লাইহৌ, স্বর হোনবদা ৱাবা পেসেন্ত খুদিংমক পুং ২৪গী মনুংদা কোবিদকীদমক্তা তেস্ত তৌথোক্কদবনি হায়না হায়খ্রে। দিপার্তমেন্ত অসিনা কোবিদ-১৯গী ওইথোকপা য়াবা পেসেন্তশিং অদু মশক খঙদোক্নবা জিলা খুদিংমক্তা ইন্তেন্সিভ এক্তিব সর্ভিলেন্স পাংথোক্নবা হান্নদগী হায়খ্রে।
• অরুনাচল প্রদেশ: অরুনাচল প্রদেশতা, হৌখিবা পুং ২৪দা কোবিদ-১৯গী অনৌবা পোজিতিব কেস ১১৬ থেংনখ্রেরাজ্য অসিদা ৭১ ফখ্রে অমসুং এক্তিব কেস ৯৬৮ লৈরি।
• অসাম: অসামদা ঙরাং কোবিদ-১৯গীদমক তেস্ত তৌবদা মীওই ১৭৩৫ অমুক পোজিতিব ওইখ্রে অমসুং ২৭৭২ ফখ্রে। অপুনবা কেসশিং ৮৬০৫২। পুন্না পেসেন্ত ৬৩১২০ দিসচার্জ তৌখ্রে, এক্তিব পেসেন্ত ২২৭০৮ লৈরি অমসুং ২২১ শিখ্রে।
• মনিপুর: মনিপুরদা মীওই ৪৯ অমুক কোবিদ-১৯ পোজিতিব ওইখ্রে, ১১৭ ফক্রে, পুন্না এক্তিব কেস ১৯০৫ লৈরি অমসুং ফগৎলকখিবগী চাং অসি চাদা ৬০নি।
• মঘালয়া: মেঘালয়া সরকারনা সেপ্তেম্বর ২০২০দগী হৌরগা লাক্কদৌরিবা থা অহুমদা, থা খুদিংগী চায়োল অমা রাজ্য অসিদা চংলক্নবগী এন্ত্রী পোইন্তশিং অদু থিংজিন্নবা ৱারেপ লৌখ্রে। হায়রিবশিং অসি কোবিদ-১৯গীদমক্তা ইন্তেন্সিব সর্ভিলেন্সতা শরুক য়ারিবা ঐখোয়গী হেল্থ, ফ্রন্তলাইন ৱার্করশিং অমসুং মশা-মশাগী ওইবা জিলাগী এদমিনদা অৱাবা হন্থনবা তৌখিবনি।
• মিজোরাম: মিজোরামদা ঙসি কোবিদ-১৯গী পেসেন্ত ১৫ ফখ্রে, অপুনবা কেস  ৮৯৫  অমসুং এক্তিব কেসশিংনা ৪৭৮। মিজোরামগী আইজোলদা তৌরিবা তোতল লোকদাউন অদু ওগস্ত ২৪ ফাওবা শাংদোকখ্রে।
• নাগালেন্দ: নাগালেন্দদা, কোবিদ-১৯ পোজিতিব কেসশিং থেংনরকপদগী কোহিমাদা কোলোনী অহুম অমুক সীল তৌখ্রে। মখোয়শিং অদুদি অপ্পর এ.জি., মিদল এ.জি. অমসুং ন্যু মিনিস্তরস হিল কোলীশিংনি। নাগালেন্দদা, মোন জিলাগী এদমিন্না ওগস্ত ২০দগী মখাতাবা ওর্দরশিং থোরক্ত্রিবা ফাওবা মোন জিলাদা অসামদগী পোৎচৈশিং অমসুং তঙাইফদনা চংবা পোৎলমশিং পুশিল্লিক্লিবা গারীশিং চংবদা অথিংবা থমখ্রে।
• সিক্কিম: সিক্কিমদা, কোবিদ-১৯গীদমক্তা তেস্ত তৌবদা মীওই ৪৬ অমুক পোজিতিব ওইখ্রে, ৮৩৪ দিসচার্জ তৌখ্রে অমসুং এক্তিব কেসশিংগী মশিং ৪৯৮।
• কেরলা: রাজ্য অসিদা ঙসি কোবিদনা মরম ওইরগা মরি শিখিবগী পাউ লৈখি, মসিনা শিখিবশিংগী মশিং অদু ১৯৫ য়ৌহনখ্রে। কোবিদ-১৯গী পেসেন্তশিংগী কোল দিতেল রেকোর্দশিং লৌখৎনবা রাজ্য সরকারগী খোংথাং অদুগী ময়োক্তা ওপোজিশনগী লুচিংবা রামেশ চেন্নিথালানা ফাইল তৌরকখিবা পেতিশন অদু কেরলা হাই কোর্তনা ঙসি য়াখিদ্রে। চয়োল অনিগীদমক্তা ওগস্ত ৩দগী কোবিদ-১৯ নোর্মশিং চৎনহন্নবা পুলিসতা স্বীপিং পাৱরশিং পীখ্রে। রাজ্য অসিদা ঙরাং কোবিদ-১৯গী অনৌবা কেস ১,৯৬৮ থেংনখ্রে। পেসেন্ত ১৮,১২৩দি হৌজিক ফাওবা লাইয়েংদুনা লৈরি অমসুং জিলা কয়া অমদা মীওই ১,৭৩,১৮৯দি ওবজার্ভেশন তৌদুনা থম্লি।
• তামিল নাদু: পুদুচেরীনা য়াম্লবা কোবিদ-১৯গী অনৌবা কেস ৩১৩ অমসুং তরুক অমুক শিকিবগী পাউ লৈখি।, পেসেন্ত ৩০০ দিসচার্জ তৌখ্রে; য়ু.তি. অসিদা পুন্না কেস ৯৫৯৪দা হেনগৎলকখ্রে, শিখিবগী মশিং ১৪৩ অমসুং এক্তিব কেসকী মশিনংনা ৩৫১৭দা হেনগৎখ্রে। মদ্রাস হাই কোর্তনা ভিনায়কা চতুর্থিগী মনুংদা মীশিংনা লাইগী  মুর্তিশিং ইশিংদা থাধবগী অয়াবা পীখ্রে। রাজ্য অসিদা ঙরাং অনৌবা কেস ৫৯৮৬, ৫৭৪২ ফখি অমসুং ১১৬ শিখিবগী পাউ লৈখি।  তি.এন.দা লৈরিবা অপুনবা কেসশিং: ৩,৬১,৪৩৫; এক্তিব কেসশিং: ৫৩,২৩৮; শিখিবশিং: ৬২৩৯; দিসচার্জ তৌখিবশিং: ৩,০১,৯১৩; চেন্নাইদা লৈরিবা এক্তিব কেসশিং: ১২,২৮৭।
• কর্নাতকা: কন্তেনমেন্ত জোনশিংগী মতাংদা রাজ্য সরকারগী রিভাইস তৌরবা গাইদলাইনশিং অদুগী মতুং ইন্না বি.বি.এম.পি.না কনতেনমেন্ত জোনশিংদা হার্দ-বেরিকেতিং লৈহল্লরোই হায়না ৱারেপ লৌখ্রে। মরক অসিদা রাজ্য অসিনা কোবিদ-১৯ লৈবগী চাউরাকপা অমা খঙদোক্নবা জিলা খুদিংমক্তা সর্ভে অমা পাংথোক্নবা থৌরাং তৌরি।শগোলশেল নুমিত্তা রাজ্য অসিদা কোবিদ কেস লাখ ২.৫ হেনখ্রে। ঙরাং অনৌবা কেস ৭৩৮৫, দিসচার্জ তৌখিবা ৬২৩১ অমসুং ১০২ শিখিবগী পাউ লৈখি। অপুনবা কেসশিং: ২,৫৬,৯৭৫; এক্তিব কেসশিং: ৮২,১৪৯; শিখিবশিং: ৪৪২৯; দিসচার্জ তৌখিবশিং: ১,৭০,৩৮১।
• অন্ধ্র প্রদেশ: সি.এম. জগন মোহন রেদ্দীনা হায়খি মদুদি রাজ্য অসিদা কোবিদ-১৯ হোসপিতালশিংগী মশিং অদু ১৩৮দগী ২৮৭দা হেনগৎখ্রে। কোবিদ-১৯গী মতাংদা পাংথোকখিবা রিভ্যু মীতিং অমদা ঙসি, সি.এম.না পেসেন্তশিংদা খ্বাইদগী ফবা সার্বিস ফংহন্নবা, অথুবা মতমদা কোবিদ-১৯ হোসপিতালশিংদা স্পিসিয়েলিস্তশিং অমসুং দোক্তরশিং ফংহন্নবা মরী লৈনবা ওফিসিয়েলশিংদা য়াথং পীরকখ্রে। ঙরাং অনৌবা কেস ৯৩৯৩, দিসচার্জ তৌখিবা ৮৮৪৬ অমসুং ৯৫ শিখিবগী পাউ লৈখি। অপুনবা কেসশিং: ৩,২৫,৩৯৬; এক্তিব কেসশিং: ৮৭,১৭৭; শিখিবশিং: ৩০০১।
• তেলঙ্গানা: রাজ্য অসিদা পুং ২৪দা অনৌবা কেস ১৯৬৭, ১৭৮১ ফখি অমসুং ০৮ শিখিবগী পাউ লৈখি; কেস ১৯৬৭গী মনুংদা ৪৭৩দি জি.ঐচ.এম.সি.দগী ওইখি। অপুনবা কেসশিং: ৯৯,৩৯১; এক্তিব কেসশিং: ২১,৬৮৭; শিখিবশিং: ৭৩৭; দিসচার্জ তৌখিবশিং: ৭৬,৯৬৭। অনৌবা কোবিদ-১৯ ইনফেক্সনশিংগী পোৎলমগা লোইননা থোরক্কদবা সীজনেল এলমেন্তশিং অদু লান্ধেংননবা, রাজ্য সরকারনা গ্রেতর হাইদ্রবাদ মুনিসিপাল কোরপোরেশন (জি.ঐচ.এম.সি.)গী মখাদা লৈবা মফমশিংদা লৈবা বস্থি দৱাখানাশিংদা নুমিদাংৱাইরমগী পুং ৪দগী ৭ ফাওবা নুমিদাংৱাইরমগী ক্লিনিকশিং মথৌ তৌহন্নবা ৱারেপ লৌখ্রে।

ফেক্ত চেক

*****