दिल्ली - मुंबई, 21 ऑगस्ट 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

भारतीय निवडणूक आयोगाने कोविड-19 च्या परिस्थितीत सार्वत्रिक निवडणूक/पोटनिवडणुका आयोजित करण्यासंबंधी व्यापक मार्गदर्शक सूचनांना मान्यता दिली आहे. या मार्गदर्शक सूचना https://eci.gov.in/files/file/12167-guidelines-for-conduct-of-general-electionbye-election-during-covid-19/ या संकेतस्थळावर उपलब्ध आहेत.

आरोग्य मंत्रालयाची कोविड-19 घडामोडींवरील माहिती :

• रुग्ण झपाट्याने बरे होण्याचा चढता आलेख अबाधित ठेवत, भारताने गेल्या 24 तासात कोविड-19 मधून बरे होऊन घरी जाणाऱ्या 62,282 रुग्णसंख्येचा नवीन उच्चांक नोंदविला आहे. मोठ्या संख्येने रूग्ण बरे होऊन घरी परतल्यामुळे तसेच गृह विलगीकरण (सौम्य आणि मध्यम लक्षणे ) पूर्ण केल्यामुळे आज 21.5 लाख रुग्ण बरे होण्याचा टप्पा पार झाला आहे (21,58,946). बरे झालेले रुग्ण आणि सक्रीय कोविड -19 चे रुग्ण यातील अंतर वाढून आज 14,66,918 पर्यंत पोहोचले आहे. जास्त संख्येने रुग्ण बरे होत असल्यामुळे, त्यांची टक्केवारी सातत्याने वाढत आहे आणि सक्रिय रुग्ण संख्या हळूहळू घटते आहे.

इतर अपडेट्स:

• 2020 च्या स्वातंत्र्यदिन सोहळ्याचा एक भाग म्हणून, राष्ट्रीय चित्रपट विकास महामंडळा (एनएफडीसी) सह माहिती आणि प्रसारण मंत्रालयाने यंदाच्या स्वातंत्र्य दिनाच्या अनुषंगाने देशभक्तीची भावना निर्माण करण्यासाठी एक ऑनलाइन लघुपट स्पर्धा आयोजित केली होती. केंद्रीय माहिती व प्रसारण मंत्री प्रकाश जावडेकर यांनी एका ट्वीटमध्ये स्पर्धेतील विजेत्यांचे अभिनंदन केले आणि आपल्या प्रवेशिका सादर केल्याबद्दल आणि या लघुपट स्पर्धेत सहभागी होऊन तिला यशस्वी केल्याबद्दल सर्व सहभागींचे आभार मानले.

• कामगार आणि रोजगार राज्यमंत्री संतोष कुमार गंगवार (स्वतंत्र प्रभार) यांच्या अध्यक्षतेखाली ईएसआय महामंडळाच्या काल संध्याकाळी उशिरा झालेल्या 182 व्या बैठकीत कोविड-19 साथीच्या आजारामुळे उद्भवलेल्या परिस्थितीचा विपरीत परिणाम झालेल्या कामगारांना त्यांच्या सेवा वितरण यंत्रणेत सुधारणा आणि कामगारांना दिलासा देण्यासाठी काही महत्वपूर्ण निर्णय घेण्यात आले.
• प्रभावी किंमत देखरेख यंत्रणा शेतकऱ्यांना स्वस्त किंमतीमध्ये खत मिळवून देण्यास मदत करीत आहे: सदानंद गौडा
• नितीन गडकरी यांनी आधुनिक आणि हरित तंत्रज्ञानाचा वापर असलेल्या रस्ते प्रकल्पांचा घेतला आढावा; ‘हरित पथ’ मोबाईल अ‍ॅप सुरू; प्रकल्पांचे ई – टॅगिंग सुनिश्चित करण्यासाठी सूचना.

• या वर्षीच्या खरीप हंगामात गेल्या वर्षीच्या तुलनेत 81.56 टक्के जास्त जमिनीवर पेरणी.
• खादी हे ब्रांड नाव वापरल्या प्रकरणी केव्हीआयसीने “खादी इसेन्शिअल” आणि “खादी ग्लोबल” ला कायदेशीर नोटीस बजावली.
• केंद्रीय आदिवासी कल्याण मंत्री अर्जुन मुंडा यांनी महाराष्ट्रात रायगड येथे आणि छत्तीसगडमधील जगदलपूर येथे ट्रायफेडच्या "ट्रायफूड प्रकल्पाच्या "प्रक्रिया केंद्रांचा ई-शुभारंभ केला.

महाराष्ट्र अपडेट्स:

• महानगरपालिकेने (बीएमसी) मुंबईत 50 वर्षापेक्षा जास्त वयाच्या सर्व कोविड -19 बाधित रूग्णांना, संसर्गाची काही लक्षणे आहेत की नाही याचा विचार न करता त्यांना संस्थात्मक अलगीकरण अनिवार्य करण्यासाठी आपल्या कोविड मार्गदर्शक सूचनांमध्ये बदल केले आहेत. ज्येष्ठ नागरिकांमध्ये मृत्यूचे प्रमाण जास्त असल्यामुळे हा बदल आवश्यक असल्याचे बीएमसीने म्हटले आहे. महाराष्ट्रात 326 मृत्यूंची नोंद झाल्यामुळे एकूण मृत्यू संख्या 21,359 एवढी झाली. राज्यात सध्या 1.62 लाख सक्रीय कोविड रुग्ण आहेत.

FACT CHECK

***

B.Gokhale/ S.Thakur/P.Kor

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com