কেন্দ্রগী কেমিকেলস অমসুং ফর্তিলাইজর্সকী মন্ত্রী শ্রী দি.ভি. সদানন্দা গপোরানা হায় কেমিকেলস অমসুং ফর্তিলাইজর্স মন্ত্রালয়গী ফর্তিলাইজর্স বিভাগনা ন্যুত্রেন্ত বেজ সবসিদী (এন.বি.এস.) স্কিমগী মখাদা লৈবাক অসিদা হার পুম্নমক্কী পুথোকপদা/ইম্পোর্ত তৌবদা চাংবা শেল মপুং ফানা য়েংশিন্নবা খোঙথাং লৌখৎখ্রে।

শ্রী গোরানা হায়, মপুং ফানা য়েংশিন্নবা সিস্তেম থম্নবা বিভাগনা লৌখৎলিবা খোঙথাং অসিনা মরম ওইদুনা হারগী কম্পনীশিংনা মশানা চল্লাইজবা মেকানিজম অমা হৌজিক শীজিন্নখ্রে অমসুং রেগ্যাসিফাইদ লিক্বিফাইদ নেচরেল গ্যাস –আর.এল.এন.জি.গী মালেমগী কৈথেলদা মমল হন্থরকপগী কান্নবা অসি শারিবা কম্পনীশিংনা লৌমীশিংদা ফংহল্লি।

আর.এল.এন.জি. অসি দাইম্মোনিয়ম ফোস্ফেৎ (দি.এ.পি.), এম্মোনিয়ম সল্ফেৎ অমসুং অতোপ্পা পি এন্দ কে ফর্তিলাইজর্সশিং শারিবা কম্পনীশিংনা পি এন্দ কে ফর্তিলাইজর্সশিং পুথোকপাদা ফীদস্তোক ওইনা শীজিন্নৈ।

শ্রী গোরানা মখা তারদুনা হায় ওগস্ত ২০১৯দা দি.এ.পি.গী মমলশিং অসি এম.তি.দা লুপা ২৬৩৯৬ ওইরম্বা অদুগা চাংদম্নবদা ওগস্ত ২০২০দা এম.তি. অমদা লুপা ২৪৬২৬তা হন্থখ্রে। মসিগা মান্ননা এন.পি.কে. ফর্তিলাইজর ফোর্ম্যুলেসন ১৮গী মনুংদা ফোর্ম্যুলেসন ১৫গী এম.আর.পি. অসি ওগস্ত ২০১৯দা লৈরম্বা অদুগা চাংদম্নবদা ওগস্ত ২০২০দদি হন্থখ্রে। এম্মোনিয়ম সল্ফেৎকী মমল অসি ওগস্ত ২০১৯দা এম.তিদা লুপা ১৩২১৩ ওইরম্বদগী ওগস্ত ২০২০দা এম.তি.দা লুপা ১৩১৪৯দা হন্থখ্রে।

ফর্তিলাইজর্স বিভাগনা লৈবাক অসিগী লৌমীশিংদা মতম চানা অহোংবা মমলদা হারশিং ফংহন্নবা হোৎনরি।

******