ا قتصادی امور کی کابینہ کمیٹی

کابینہ نے کووڈ - 19 کی وجہ سے مالی دباؤ میں آئے پاور سیکٹر کے بقایہ جات کے لئے نقد رقم فراہم کرنے کے اقدامات کو منظوری دی

Posted On: 19 AUG 2020 4:26PM by PIB Delhi

 

نئی دلّی ،19 اگست / وزیر اعظم  جناب نریندر مودی کی صدارت میں اقتصادی امور کی کابینہ کمیٹی نے   اجوول  ڈسکوم  ایشورنس یوجنا   ( اودے ) کے تحت پچھلے سال کے مالیہ  کی 25 فی صد  کی حد تک  ورکنگ کیپٹل   کے علاوہ بجلی تقسیم کرنے والی کمپنیوں ( ڈسکوم ) کو  قرض فراہم کرنے کی خاطر  پاور فائنانس کارپوریشن  ( پی ایف سی ) اور  رورل الیکٹریفکیشن کارپوریشن ( آر ای سی ) کو  یکمشت   رعایت  فراہم کرنے کی منظوری دی ہے ۔

          یکمشت رعایت   بجلی کے شعبے  میں نقد رقم کی فراہمی  میں مدد کرے گی  اور ریاستی حکومتوں کے ذریعے ڈسکوم  کو ادائیگی کئے جانے کو یقینی بنائے گی ۔

پس منظر :

          ملک میں کووڈ – 19 عالمی وباء کے پھیلنے اور اُس کے بعد ملک گیر  سطح پر لاک ڈاؤن میں  بجلی کے سیکٹر میں  نقد رقم کے مسئلے  کو اور بڑھا دیا ہے ۔  بجلی تقسیم کرنے والی کمپنیوں  کے مالیہ میں  تیزی  سے کمی آئی ہے  کیونکہ لوگ   استعمال کی گئی بجلی کے لئے ادائیگی کے قابل نہیں  ہیں ، جب کہ بجلی کی سپلائی  ایک  لازمی خدمت  کے طور پر   مسلسل بر قرار رکھی گئی ہے ۔  توانائی کے استعمال میں  قابلِ قدر کمی آئی ہے ۔  بجلی کے شعبے میں  نقد رقم کی صورتِ حال  مختصر مدت میں  بہتر ہونے کی امید  نہیں ہے  کیونکہ  اقتصادی سرگرمیوں  اور  بجلی کی مانگ میں اضافے  میں ابھی  وقت لگ سکتا  ہے ۔ اس لئے  بجلی کی سپلائی کو  جاری رکھنے کے لئے  بجلی کے سیکٹر میں  نقد رقم کی فراہمی کی  فوری ضرورت تھی ۔  

         

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) 

U. No.  4652

 



(Release ID: 1647135) Visitor Counter : 10