অনৌবা কয়া অমা পুথোকনবা হোৎনবদা স্তার্ত-অপগী খোঙথাং লৌখৎলি। থবক ওইনা পাংথোক্কদৌরিবা অসিনা ইচম চম্না অমদি য়াম্না চেকশিন্নবদা পান্দম থম্লি। স্তার্ত-অপকী অতোপ্পা মরুওইবা অমনা  ইন্দস্ত্রী-একাদেমিয়াগী খুৎ্শম্নবা অমসুং ইনক্যুবেসন্নি। মসিগী মওং অসি য়েংলগা নেস্নেল রির্সস দিবলপমেন্ত কোর্পোরেসন (এন.আর.দি.সি.) অমসুং কাউন্সিল ওফ সাইন্তিফিক ইন্দস্ত্রীএল রির্সস-নেস্নেল এরোস্পেস লেবোরেতরিজ (সি.এস.আই.আর.-এন.এ.এল.) অনিনা খুৎশম্নদুনা ইন্নোভেসন কম ইনক্যুবেসন সেন্তর লিংখৎলি অমদি এরোস্পেস তেক্নোলোজিগী মফমদা স্তার্ত-অপ লিংখৎনবা মপালগী ওইবা লনাই ফন্দিংগী পুক্নিং চিংশিল্লি।  

 এরোস্পেস ইঞ্জিনিয়রিংগী স্তার্ত-অপ প্রোগ্রামগী মখাদা চাওখৎনবা অমসুং মতেং পাংনবা অমসুং পোত্থোক, প্রোতোতাইপ অমসুং মখোয়গী ভেলিদেসনসু মতেং পীগনি। “মসিনা পুৱারি ওইহৌরগনি মদুদি এন.আর.দি.সি. অমসুং সি.এস.আই.আর.-এন.এ.এল.না অনৌবা লম্বা অমা শেমদুনা এরোস্পেস ইঞ্জিনিয়রিং স্তার্ত-অপ চিংখৎতুনা  ইন্নোভেসন কম ইনক্যুবেসন সেন্তর লিংখৎলি মসিনা সি.এস.আই.আর.গী লেবোরেতরি মফমসিংদা” হায়না এন.আর.দি.সি.গী চীফ মেনেজিং দাইরেক্তর দাঃ ঐচ. পুরুসোথামনা হায়খি। মহাক্না অমুকসু হায়খি মদুদি মসিগী খুৎশম্নবা অসিনা লৈবাক অসিগী নহাশিংদা থবক পীবগী খুদোংচাবা পীবদা মতেং ওইরগনি।

য়ানচে অসি সি.এস.আই.আর.-এন.এ.এল.গী দাইরেক্তর দাঃ ঐচ. পুরুসুথাম অমসুং দাঃ জিতেন্দ্র জে. জাদব অনিনা শোই তৌখি হায়রিবা অসি নই দিল্লীগী সি.এস.আই.আর.গী হেদক্বাতরদা সাইন্স অমসুং ইন্দস্ত্রীএল রির্সসগী দিপার্তমেন্ত (দি.এস.আই.আর.)গী সেক্রেতরী দাঃ শেখর সি. মান্দে অমসুং সাইন্স অমসুং ইন্দস্ত্রীএল রির্সসগী দিপার্তমেন্ত (দি.এস.আই.আর.)গী জোইন্ত সেক্রেতরী শ্রী আর. ভাইধিশ্বারন অমদি অতৈ সি.এস.আই.আর. অমসুং এন.এ.এল.গী মকোক থোংবা ওফিসিএলশিং য়াওনা য়ানচে  অসি ওন্নখি।

*****