রাজ্য মন্ত্রী (আই./সি.), হাউজিং অমসুং অর্বান এফিয়ার্সকী মন্ত্রী শ্রী হরদীপ শিংহ পুরিনা শহর ১২৫ হেনবগী অর্বান  দিবেলপমেন্তকী মন্ত্রীশিং, চীফ সেক্রেতরীশিং, য়ু.দি. সেক্রেতরীশিং/প্রিন্সিপাল সেক্রেতরীশিং, দি.জি.পি.শিং, কল্লেক্তরশিং/এস.পি.শিং/এস.এস.পি.শিং/ম্যুনিসিপাল কম্মিস্নরশিং/চীফ একজেক্যুতিব কম্মিস্নরশিংদা স্ত্রীৎ বেন্দরশিংবু মখোয়গী কারবার অমুক হৌহনবা য়ানবা তঙাই ফদবা শেনফম পীবগী প্রধান মন্ত্রী স্ত্রীৎ বেন্দর আত্মানির্ভর নিধি (পি.এম. স্বানিধি) স্কিমগা মরী লৈননা ৱারী শাখ্রে।  স্কিম অসিনা স্ত্রীৎ বেন্দরশিংদা শেল পুহনবতা নত্তনা মখোয়বু তাথী তাওই তৌবিদনা নীংথিনা কার্বার তৌহনবা য়ানবা অকোয়বা শেম্নবগী তঙাই ফদবসু লৈহল্লি। মীফম অসিদা এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রাসু শরুক য়াখি।

থৌরম অসিদা মন্ত্রীনা য়ু.এল.বি. ফংস্নরিশিংগী মোবাইল এপ অমসু লোঞ্চ তৌখি। এপ অসিনা য়ু.এল.বি. ফংস্নরিশিংদা স্ত্রীৎ বেন্দরশিংগী লোনগী এপ্লিকেসন য়েংশিন্নবা য়ুজর ফ্রেনলী দিজিতেল ইন্তর্ফেস পীনবা পান্দমসু থম্লি।

মন্ত্রীনা রাজ্য/য়ু.তি.শিংদগী ফীদবেক কয়াসু ফংখি। মহাক্না অর্বান দিবেলপমেন্তকী মন্ত্রীশিং অমসুং সেনিয়র ওফিসারশিংদা মরু ওইবা স্তেক-হোলদর্শিংগা মীফম পাঙথোক্তুনা পি.এম. স্বানিধি মায় পাক্না পাঙথোক্নবা অমসুং স্ত্রীৎ বেন্দরশিংগী পুন্সি মহিংবু তেক্ত কায়দনা থম্নবা খঙহনখ্রে।

অর্বান দিবেলপমেন্ত মন্ত্রীশিংগা ৱারী শাবদা স্কিমগী বেনিফিশরীশিংগী সোসিও-ইকোনোমিক প্রোফাইলিং তৌদুনা পি.এম.এ.ৱাই. (অর্বান), আয়ুশ্মান ভারত, উজ্বালা, জন ধন য়োজনা, সাউভাগ্য, দে-ন্যুলমনচিংবা অতোপ্পা সরকারগী য়াইফ য়ুম্বালগী স্কিমশিংদা য়াওবা য়াহন্নবা পান্দম থমসি হায়বগী ৱারেপ তাখি। ৱারী শাবা অসিদা শ্রী হরদীপ সিংহ পুরিনা হায়খি। “হান্নদগী চৎনরক্লবা থেলাশিংগী মহুত্তা অনৌবা পুশকার্ত লৈনবা মুদ্রা/দে-ন্যুলম ক্রেদিৎ পীদুনা বেন্দরশিংগী চাউখৎনবা হায়দুনা শেন্মীৎলোন চিংখৎপা ঙম্বা অতোপ্পা স্কিমশিং চাউখৎহন্নবা রাজ্যশিংদা পুক্নিং থৌগৎখ্রে। পুলিস/ম্যুনিসিপালগী ওফিসিএলশিংনা মখোয়দা তাথী তাওইনা তৌবগী হীরমশিংগা মরী লৈননা অসিগুম্বা থৌওংশিং অসি পাঙথোকহন্দনবা থৌদাং শেমদোকপগী থৌওং কয়া শিনখ্রে। মখা তাবা ওইনা বেনিফিশরীশিংনা পীরক্লিবা অসিগুম্বা ৱাকৎ অসি য়েংশিন্নবা পুলিস/য়ু.এল.বি.গী মীওইশিং অমসুং অতোপ্পা মরী লৈনবা ওফিসিএলশিং য়াওবা দিস্ত্রিক্ত কল্লেক্তরনা লুচিংবা ফোরম অমাসু শেমগদবনি। হায়রিবা ফোরম অসিনা থা অমদা শোইদনা অমুক্লক উন্নগদবনি”।

পি.এম. স্বানিধি অসি মাইক্রো ফাইনান্স স্কিম অমখক্তা নত্তে হায়রদুনা হাউজিং মন্ত্রীনা প্রধান মন্ত্রী স্বানিধি স্কিম্না স্ত্রীৎ বেন্দরশিংবু তোঙান তোঙানবা সরকারগী স্কিমশিংগী মনুং চনবা য়াহন্দুনা অর্বান ইকোনোমী অমসুং কমপ্লিৎ পোবর্তী এলেবিএসন পেকেজকী মনুংদা শক খঙহনবদা পান্দম থম্বা স্কিম অমনি হায়না ফোঙদোকখি। দি.এফ.এস.কা তান্নদুনা শেল পীবা ইন্সতিত্যুসনশিংগসু মখা তানা মীফম ফমগনি হায়বগী ৱারেপসু তাখি।

জুলাই ২, ২০২০দগী হৌনা পি.এম. স্বানিধিগী পোর্তেলদা ওনলাইন্দা এপ্লিকেসন পীশিনবগী থৌওং হেক হৌখিবগা মীওই লাখ ৫.৬৮ হেনবনা এপ্লিকেসন থাজিল্লকখি অমসুং তোঙান তোঙানবা রাজ্য/য়ু.তি.শিংদা এপ্লিকেসন লাখ ১.৩০ হেনবগী অয়াবসু পীখ্রবনি। মাইক্রোইদিৎ ফেসিলিতী অসিবু বেন্দরশিংগী ময়ুমদা য়ৌহন্নবা হায়দুনা শেল পীবা ইন্সতিত্যুসনশিংগী মোবাইল এপ অমসু লোঞ্চ তৌখ্রবনি অমসুং গুগল প্লে স্তোর্দা হৌজিক ফংহল্লবনি।

পি.এম. স্বানিধি অসি মন্ত্রালয়না জুন ১, ২০২০দা কোবিদ-১৯না শোকহল্লবা স্ত্রীৎ বেন্দরশিংগী পুন্সি মহিংবু নৌহৌননা হৌবা য়াহন্নবা লায়না শিংবা ঙম্বা ৱর্কিং কেপিতেল লোন পীনবা হৌদোকখিবনি। মার্চ ২৪, ২০২০ অমসুং মমাংদগী মনাক নকপা পেরি-অর্বান/খুঙ্গংগী মফমশিং য়াওনা অর্বান মফমশিংদা পোৎ য়োল্লক্লিবা স্ত্রীৎ বেন্দর লাখ ৫০ হেনবদা স্কিম অসিনা খুদোংচাবা পীগনি। স্কিম অসিগী মমাংদা বেন্দর অমনা চহি অমগী মনুংদা থা থাগী ওইবা ইন্সতোলমেন্ত ওইনা শিংবা য়াবা লুপা ১০,০০০ ফাওবগী ৱর্কিং কেপিতেলগী লোন পীগনি। মচাম চানা অমসুং চহিগী মনুংদা লোন শিংবা ঙম্লবদি বেনিফিশরীশিং অসিগী বেঙ্ক একাউন্ততা ক্বারতরগী ওইনা চহিদা @৭%কী ইন্তরেস্ত তাদুনা হকথেংনা পীগনি। লোন অসিবু ঙন্না শিংদোকপগী পেনালতিসু লৈরোই। স্কিম অসিনা থা অমদা লুপা ১০০ কেশবেক ওইনা ফংবা য়াহন্দুনা দিজিতেল ত্রাঞ্জেক্সন শিজিন্নবদা পুক্নিং থৌগৎলি। মতম চানা অমসুং ঙন্না লোন শিংদোকপা মতমদা ক্রেদিৎ লিমিৎ হেনগৎপগী থৌওং অসিনা বেন্দরশিং অসিগী শেন্মিৎলোনগী কৈরাক্তা মথক্তা কাখৎপগী মঙলানবু মঙফাওনহল্লগনি।

***