ইন্দো-য়ু.এস. ভর্চুএল নেৎৱার্ক্কী মখাদা পেথোজেনিসি অমসুং লাইনা লাকশিন্নবগী মরমদা হকচিন্না থিজিন্নবগী রিসর্চ পায়খৎনবগীদমক ভারত অমসুং য়ু.এস.কী লৈবাক অনীগী সাইন্তিস্ত নিপান্না এৱার্দ অমা ফংখ্রে। মখোয়না তৌগদবা রিসর্চ অসিগী হীরমদি এন্তি ভাইরেল কোতিং, ইম্ম্যুন মোদ্যুলেসন, অরেম্বা ঈশিংদা সার্স কোব-২ ত্রেক তৌবা, লাইনা খঙদোক্নবগী মেকানিজম, রিভর্স জেনেতিক স্ত্রেতেজী, অমসুং দ্রগ রিপর্পজিং।

ইন্দো-য়ু.এস. সাইন্স অমসুং তেক্নোলোজী ফোরম (আই.য়ু.এস.এস.তি.এফ.)না ভারত অমসুং য়ু.এস.তগী কোবিদ-১৯ ইন্দো-য়ু.এস. ভর্চুএল নেৎৱার্ক্না মেদিকেল অমসুং সাইন্তিফিক কম্ম্যুনিতীবু কোবিদ-১৯ লাইচৎ অমসুং মালেমগী শিংনবশিং কোকহন্নবগী রিসর্চকী লমদা লৈবাক অনীগী রিসর্চর নিপান্দা এৱার্দ লাউথোকখি। আই.য়ু.এস.এস.তি.এফ. হায়বসি ভারত সরকার অমসুং য়ু.এস.না সাইন্স, তেক্নোলোজী, ইঞ্জিনীয়রিং অমসুং ইন্নোবেসন্দা সরকার, একাদিমিয়া অমসুং ইন্দস্ত্রীগী মখাদা শেল থাদনবা ওতোনোমস ওইবা লৈবাক অনীগী ওর্গনাইজেসন অমনি। দিপার্ত্মেন্ত ওব সাইন্স এন্দ তেক্নোলোজী ভারত সরকার অমসুং য়ু.এস. দিপার্ত্মেন্ত ওব স্তেৎনা মহুৎ শিল্লিবা নোদাল দিপার্ত্মেন্তনি।

মীওই নিপান্না শাবা কাংবু অসিদা ভারত অমসুং য়ু.এস.কী সাইন্স অমসুং তেক্নোলোজী কম্ম্যুনিতীশিংদিগী হৈশিংবশিং শীজিন্নদুনা কোবিদকা মরী লৈনবা থিজিনবগী থবক লৌখৎনবা অমসুং হৌজিক লৈবাক অনীসিদা লৈরিবা ইনফ্রাস্ত্রকচরশিং শীজিন্নদুনা রিসর্চ অমসুং খুমাং চাউশিনবগী চাং হেনগৎহন্নবগীদমক প্রোপোজেল থাজিল্লক্নবা খঙহনখিবদা প্রোপোজেল থাজিনখ্রবশিংনি।

লৈবাক অনীগী ওইবা পীয়র ভ্যু প্রোসেস তৌরবা মতুংদা মীওই নিপান্না শাবা তীম অসিনা পেথোজেনিসিস অমসুং কোবিদ-১৯গী লাইনা লাকশিন্নবগী ওইবা মরম, এন্তিভাইরেল কোতিং, ইম্ম্যুন মোদ্যুলেসন,  অরেম্বা ঈশিংদা সার্স কোব-২ ত্রেক তৌবা, লাইনা খঙদোক্নবগী মেকানিজম, রিভর্স জেনেতিক স্ত্রেতেজী, অমসুং দ্রগ রিপর্পজিংগী মরমদা থিজিনবগী থবক লৌখৎকদবনি।

কাংবু অসিগা হরাউবা ফোংদোক্লদুনা লৈবাক অনীগী আই.য়ু.এস.এস.তি.এফ.কী কো-চীয়রনা য়ু.-এস. ইন্দিয়া পার্তনর্শিপ অসিগী মরুওইবশিং থমখি। প্রোফেসর অশুতোশ শর্ম, সেক্রেতরী, দিপার্ত্মেন্ত ব সাইন্স অমসুং তেক্নোলোজী, ভারত সরকার অমসুং আই.য়ু.এস.এস.তি.এফ. ইন্দিয়া কো চীয়রনা হায়খি, "কোবিদ-১৯গী মরমদা অখন্নবা কোল অমগী পাউখুমনা সার্স কোব ২ ভাইরসকী ওইবা শন্দোকপদগী হৌরগা লাইওং খঙদোকপা অমসুং হিদাক থাবফাওবগী মওং মতৌগী ওইবা তঙাইফদবা ইন্দিয়া অমসুং য়ু.এস.এ. পুন্না হোৎনমিন্নদুনা পুথোকখ্রে। হৌজিক লৈরিবা হকশেলগী মরমদা এস.এন্দ তি., ইনর্জী, আর্তিফিসিএল ইন্তেলিজেন্সগী মতেং পাংনবা অসিনা ভেল্যু অমসুং ইন্দো-য়ু.এস. কোলাবোরেসন্না মরুওইবা সোলুসন কয়া পুথোকপদা মরুওইবা থৌদাং লৌরনি।"

দা. জোনাথন মার্গোলিস, দিপ্যুতি এসেস্তেন্ত সেক্রেতরী ফোর সাইন্স, স্পেস অমসুং হেলথ ব্যুরো ওব ওসিন্স অমসুং ইন্তর্নেসনেল ইনভাইরোন্মেন্ত অমসুং সাইন্তিফিক এফিয়র্স, য়ু.এস. দিপার্ত্মেন্ত ওব স্তেৎ, অমসুং আই.য়ু.এস.এস.তি.এফ. য়ু.এস. কো-চীয়রনা হায়খি, "য়ুনাইতেদ স্তেৎস অমসুং ইন্দিয়ানা কোবিদ-১৯ থেংননবা খোংথাংশিং পুথোক্নবগীদমক আই.য়ু.এস.এস.তি.এফ.কী মখাদা থবক পায়খৎলগনি। ঐখোয়গী প্রজা অমসুং শেন্মিৎলোন অনীমক্না হৌজিক লৈরিবা লাইচৎনা পীরিবা  শিংনবশিং খঙদোকপদা সাইন্স অমসুং তেক্নোলোজীগী মপাল তাংলি।

মালেমগী ওইনা পুনশিনবা অমসুং মপাং ওইবা,  অপুনবা পান্দম থমদুনা খ্বাইদগী ফবা সাইন্তিস্ত, ইঞ্জিনীয়র, অমসুং ওন্ত্রপ্রিনরশিং থবক শুমিন্নদুনা হৌজিক লৈরিবা লাইচৎ অসিবু থেংনবা খক্তা নত্তনা ঐখোয়গী মাংদা তাদুনা লৈরিবা শিংনবশিং হোৎনমিন্নবা তঙাইফদে। "সাইন্তিফিক কম্ম্যুনিতী অমসুং জিওগ্রাফিকেল বাউন্দরীশিংগী মরক্তা লৈবা হৈশিংবশিংবু লান্থোক লানশিন তৌনদুনা ইন্দো-য়ু.এস. ভর্চুএল নেৎৱার্কনা লাইচৎ অসিবু লান্থেংননবা উপাই পীরগনি।" হায়না দা. নন্দিনি কান্নন, একজিক্যুতিব দিরেক্তর আই.য়ু.এস.এস.তি.এফ.না হায়খি।

লৈবাক অনীগী ইন্দো-য়ু.এস. সাইন্স অমসুং তেক্নোলোজী ফোরমগী পান্দম অসি ভারত অমসুং য়ুনাইতেদ স্তেৎসকী ইন্দিবিজুএল সাইন্তিস্ত, সাইন্তিফিক ইন্সতিত্যুসন অমসুং সাইন্তিফিক কম্ম্যুনিতীগী  মরক্তা তুং কোইনা চৎকদবা সাইন্তিফিক কোলাবোরেসন অমা শাগৎনবা হোৎনগনি।  

*****