তুরিজম মন্ত্রালয়
মিনিস্ত্রী ওফ তুরিজম্না ৪শুবা ইন্দিপেন্দেন্স দেগী ৱেবিনার থিম – জালিয়ানৱালা বাঘ: এ তর্নিং পোইন্ত ইন দ ফ্রীদম স্ত্রগল হায়বা অসিদা দেখো অপনা দেশকী সেরিজদা খুদোল তৌখ্রে
Posted On:
17 AUG 2020 4:41PM by PIB Imphal
মিনিস্ত্রী ওফ তুরিজম্না অপুনবগী ওইনা ৪৮শুবা অমসুং ৪শুবা ইন্দিপেন্দেন্স দেগী ৱেবিনার থিম – “জালিয়ানৱালা বাঘ: এ তর্নিং পোইন্ত ইন দ ফ্রীদম স্ত্রগল” হায়বা অসিদা দেখো অপনা দেশকী সেরিজদা ইন্দিপেন্দেন্স দে থৌরমগা মরী লৈননা খুদোল তৌখ্রে।
৪৮শুবা দেখো অপনা দেশকী সেরিজ ৱেবিনার অসি দ পার্তিসন ম্যুজিয়মগী অমসুং দ আর্তস এন্দ কলচরেল হেরিতেজ থর্সগী চেয়রপর্সন অমসুং ‘জালিয়ানৱালা বাঘ ১৯১৯: দ রিএল স্তোরি’লাইরিক্কী অইবি শ্রীমতি কিশ্বার দেসাইনা খুদোল তৌখি। শ্রীমতি দেসাইনা তমথিরবা মীহাৎ অসিদা মীচম চা কয়া হাৎখিবদগী ওইরকপা অমসুং মীহাৎ অসিদগী লৈবাক অসিদা লৈবাক পুম্বনা পুন্সিন্দুনা ব্রিতীশ রাজকী মায়োক্তা লান্থেংনবা হৌখি। দেখো অপনা দেশকী সেরিজ অসিনা এক ভারত শ্রেস্থা ভারত মখাদা ইন্দিয়াগী মখল কয়াদা চাওখৎনবা হোৎনরি।
পীরিবা মতম অসিদা লৈরিবা ফিবমশিং উৎলদুনা, শ্রীমতি দেসাইনা পৃথীবিগী অহানবা লাঞ্জাওদা ইন্দিয়াগী লান্মীশিংনা ব্রিতীশশিংগা মপাল লম্দা অমসুং বেঙ্গালদা লান শোক্নখি অমসুং পঞ্জাবতদি এন্তি কোলোনেল ওইদুনা লৈ। বেঙ্গালদা য়াওলগী লান্দারকপদা পঞ্জাবতা অকাইবা লাকখি। ইন্দিয়াদা ১৯১৮ অমসুং ১৯২০দা ইনফ্লুইজাগী লায়চৎনা মীওই মিলিয়ন অমগী পুন্সি মাংহনখি। লান্মী কয়া অমা প্রজাগী অপাম্বগী ৱাংমদা লৌথৎখি অমদি খরনা নম্ফুদা লৌখৎখি। ১৯১৪গী পৃথীবিগী অহানবা লাঞ্জাওদা ঘদার কাংবু অমদি পঞ্জাবতা হল্লক্তুনা ইন্দিয়াগী নিং-খা তম্বগীদমক লান হৌখি।
শ্রীমতি দেসাইনা জালিয়ানৱালা বাঘকী মীহাৎ অদুগী মতুংদা অম্রিৎসরদা পোলিতিকেলগী মিয়েং অমা উৎখি। মহাক্না রৌলাত এক্ত নত্ত্রগা ব্লেক এক্ত অসিগুম্বা য়াম্না তম্থিরবা এক্ত অদুগুম্বা ব্রিতিশ সরকারনা পীবা মী অমবু মরম শুকলৈ লৈতনা ফা-পুনবা য়াবগী অয়াবা অসিগী মতাংদা উৎখি। এক্ত অসিগী পান্দম্দি লৈবাকনিংবা অসিবু নমথনবনি। গান্ধিনা প্রজাদা সত্যাগ্রহ চংশিন্দুনা “এক্ত” অসিবু নমথনবা হোৎনখি।
মহাক্না জালিয়ানৱালা বাঘ অসিদা মীয়াম্না তোইনা লাক্তুনা শান্তিগী মীফম য়ানিংদবা ফোংদোকপা অদু ৱারি লিখি। মসিদা ব্রিতিশশিংনা অসিগুম্বা হনবা নাইদবা অসি উবদা মকোক ঙাওখি। দাঃ সাইফুদিন অমসুং দাঃ সত্যপাল অম্রিৎসর সহর অসিগী মচিন তুমখৎলক্লিবা জাতিগী লুচিংবনি। মখোয়না সত্যাগ্রহ শিন্দুনা রৌলাত এক্তকী মায়োক্তা লেপখি। মফম কয়াদগী মীওইশিংনা জালিয়ানৱালা বাঘকী শান্তীগী ওইবা মিফম অসিদা মফম কয়াদগী মীওই কয়া য়াওখি। মসিনা ব্রিতিশ সরকারদা মকোক ঙাওদুনা দাঃ সাইফুদিন অমসুং দাঃ সত্যপাল ফানবা হুকুম পীখি। মখোয় অনি ফাখিবগী পাউ অসিনা অম্রিৎসরগী মীয়াম্দা য়াম্না চাওবা থৌদোক অমা থোক্লকখি।
১৯১৯গী এপ্রিলগী ৯দা, মহাত্মা গান্ধিশু ফাজিনখি অদুবু মহাক ফাখিবগী মরমদি মায়াম্না খংবা ঙমখিদে। গান্ধি ফাখিবগী পাউ অসি তারিক ১০দা অম্রিৎসর য়ৌরকপদা মীয়াম্দা য়াম্না চাওবা থৌদোক অমা থোক্লকখি। ব্রিতিশকী বেঙ্কশিং মৈ থাখি অমসুং বেঙ্ক মেনেজর ৩ শিখি। হিংশা অসি ১০শুবা অমসুং ১১শুবা এপ্রিল ফাওবা থোকখি। পুলিসনা লাকশিনবা ঙমখিদে।
মার্সিএল লো অসিনা পঞ্জাবতা য়াম্না অৱাবা নংখি। মন্দির অমসুং মোস্কশিং লাই খুরুম্বা য়াদনা থোং লোনখি। ঈশিং অমসুং মৈ পুম্না চিংনবা মফমদা থাখিদে। পুম্নমক অসি ইন্দিয়নশিংনা নুপী মিসনরিগা এতেক তৌখিবা অসিদগী হৌখি।
১৯১৯গী এপ্রিলগী ১৩, নোংমাইজিং নুমিৎতা অকনবা খোঙজং অমা লাকপগী মমি উবদগী নুমিৎ অদুদা লৈরম্বা মিফম খুদিংমক য়ৈথোকখি। পাউ অসি মফম পুম্বা য়ৌবা ঙম্দবদগী খুঞ্জা কয়া বাঘতা ইন্দিয়ন কুম্হৈ বাইশাখি য়াওনবা লাক্নখি অমসুং মফম অদুদা য়াম্না ইং তপ্না মীফম ফম্দুনা সাইফুদিন অমসুং সত্যপাল অম্রিৎসর অদুগী মিফা অদুবু য়ানিংদবা উৎখি। দাইর অমসুং মহাক্কী খোংবুনা মফম অদুদা চংলকখি অদুগা মপুং ওইবা গেত অদু থিংজিনখি, মখোয়না ফিভম শেম্লগা লৈরিবা মীয়ামগী মথক্তা মিনিত ১০ চুপ্না নোংমৈ কাপ্পা কাপখি, মরুওইনা নান্থোক্কে খন্না চেল্লিবশিংদা মীওইশিংদা তম্দুনা নোংমৈ মরু লোইদ্রিফাওবা কাপখি। নোংমৈ মরু রাউন ১,৬৫০রোম কাপখি। নহা ওইরিবা অঙাং কয়া অমা হাৎখি অমসুং নুপী অনিখককী হকচাং ফংখি। শিখ্রবা মীশি অসি থা ৩গী মতুংদা থীবা হৌখি। মসিগী মীহাৎ অসি ১০০০ হেন্না হাৎতুনা খ্বায়দগী শাথিবা মীহাৎ ওইখি। শোক্লবা মীওইশিংদা হিদাক লাংথক অমত্তা পীবিখিদে, ইন্দিয়াগী মফমদুগী দোক্তর খর নত্তনা।
১৯১৯গী এপ্রিলগী ১৩দা, ব্রিতিশ সরকারনা পঞ্জাবকী মফম অয়াম্বদা মার্সিএল লো থমজিনখ্রে। মীয়ামগী নিং-তম্বদা অথিংবা থমখ্রে, মী পুনবা অমসুং মী মরিদগী হেন্না পুনবা ফাওবা অথিংবা লৈখ্রে। থৌদোক অসি য়েংশিন্নবা ব্রিতিশ সরকারনা কম্মিতি অমা শেমখ্রে অমসুং কম্মিসন অসিনা অম্রিৎসর থৌদোককী পাউ পীগনি। অরোইবা রিপোর্ত অসি ১৯২০গী মার্চ থাদা ফংখি, কম্মিতি অসিনা য়েৎনবা তৌদনা দাইয়রগী থৌওং অসিবু য়ানিংদবা ফোংদোকখি। অদুম ওইনমক হন্তর কম্মিতি অসিনা জেনেরেল দাইয়রগী মথক্তা করিগুম্বা অমত্তগী দিসিপ্লিনেরি এক্সন লৌখ্ৎখিদে।
রবিন্দ্রনাথ তেগোরনা য়ানিংতবা কন্না ফোংদোকপদা নাইতহুদ অমসুং মহাত্মা গান্ধিনা কাইসর-ই-হিন্দ, হায়না ব্রিতিশনা থোনখি।
শ্রীমতি রুপিন্দর ব্রারনা মহাক্না লোশিনলকপদা অম্রিৎসর ফজরবশিংগী মতাংদা উৎখি মদুদি লম্বী থোং, রেল অমদি এরোপ্লেনচিংবা। নুমিদাংৱাইরম খুদিং, নুমিৎ চংদ্রিঙৈগী হেক মমাংদা ইন্দিয়ন অমসুং পাকিস্তানগী লান্মীশিংনা মফম অসিদা লাক্তুনা মিনিত ৩০ য়ান্নবা উৎনবা উনৈ।
তুরিজমগী মিনিস্ত্রীনা মফম অসিদা তুরিজম চাওখৎনবা স্কীম কয়া অমা পীরি। হৌজিক্কী ওইনদি জালিয়ানৱালা বাঘ অসি নৌথোকহল্লে, নিংশিং খুভম ওইনা ম্যুজিয়ম ওইনা মৈ থান্দুনা ফজনা শেমগৎলে।
দেখো অপনা দেশকী সেরিজ ৱেবিনার তেক্নিকেল পার্তনরশিপ অসি নেস্নেল ই গবর্নান্স দিপার্তমেন্ত, মিনিস্ত্রী ওফ ইলেত্রোনিক্স এন্দ ইনফোর্মেসন তেক্নোলোজিনা পুথোক্লি। ৱেবিনারগী সেসন অসি হৌজিক মখাগী অসিদা ফংবিগনি
https://www.youtube.com/channel/UCbzIbBmMvtvH7d6Zo_ZEHDA/featured and also on all social media Handles of Ministry of Tourism, Government of India.
*****
(Release ID: 1646665)
Visitor Counter : 236