ইন্দিয়ন ইন্সতিত্যুৎ ওফ মাস কম্ম্যুনিকেসন (আই.আই.এম.সি.)গী ৫৬শুবা মপোক কুমোন নুমিৎ ঙসি পাল্লন তৌখ্রে। লৈবাক শিনবা থুংনা রিজনেল সেন্তরশিংদা অমসুং দিল্লীগী হেদক্বাতরশিংদসু ওনলাইনগী থৌরম কয়া পাঙথোকখি।

এজুকেসন মন্ত্রালয়গী হায়র এজুকেসন বিভাগকী সেক্রেতরী অমসুং ভারত সরকারগী এম/ও ইনফোর্মেসন অমসুং ব্রোদকাস্তিং অমসুং আই.আই.এম.সি.গী চ্যেরমেন ওইরিবা শ্রী অমিৎ খারেনা মপোক কুমওন নুমিৎকী ৱারোল পীখি।

শ্রী খারেনা ‘নেস্নেল এজুকেসন পোলিসী (এন.ই.পি.) – ফিলোসোফী অমসুং গাইদিং প্রিন্সিপলশিং অমসুং মসিনা লৈবাক অসিদা কম্ম্যুনিকেসন এজুকেসনগীদমক করি তৌরি’ হায়বগী মতাংদা ৱা ঙাংখি।

এন.ই.পি. লাকপা অসিদা, শ্রী খারেনা হায় আই.আই.এম.সি.না কেন্দ্র অমদি রাজ্যগী য়ুনিভর্সিতীশিংগা লোয়ননা খন্নরগা জর্নেলিজম অমসুং মাস কম্ম্যুনিকেসন রিবাইস তৌবদা লুচিংনবা হায়খি।

মহাক্না মখা তারদুনা তেক্নোলোজীনা চল্লাইবা এজুকেসনদা মীৎয়েং থমদুনা অমসুং নেস্নেল এজুকেস্নেল প্লেৎফোর্মশিংগী কন্তেন্ত পুথোক্নবা জর্নেলিজম অমসুং মাস কম্ম্যুনিকেসনগী থোরক্লিবা লমশিংদা ওনলাইন কোর্সশিং হাংদোক্নবা ফোঙদোকখি। মহাক্না “মালেমদা য়েংলিবা মীৎয়েং” অসি হেন্না ফগৎনবা, মিদিয়া তম্লিবা মহৈরোয়শিংগী ইন্দস্ত্রী-ওরিয়েন্তেদ ত্রেনিং পীনবসু পুক্নিং চিংশিনখি।

শ্রী খারেনা হায় আই.আই.এম.সি.না রিসর্চ অমসুং ত্রেনিংগীদমক্তা আই.সি.এস.এস.আর, জে.এন.য়ু.গুম্বা মাংজিল থারিবা লোয়শঙশিংগা লোয়ননা চুংশিন্ননবা ৱাখল্লোন থমখি।

দি.জি., আই.আই.এম.সি., প্রোফেসর সঞ্জে দ্বিবেদিনা হৌদোকপগী ৱারোল পীদুনা থৌরম অসি হৌখী অমসুং লোয়শিনবগী থাগৎ ৱারোলনা এ.দি.জি. শ্রী কে সতিশ নম্বুদ্রিপদনা পীদুনা থৌরম লোয়শিনখি।

*********