হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না নুমিৎ নিনিগী সি.আই.আই. পব্লিক হেল্থ কনফরেন্সকী হোদোকপগী সেসন্দা ভর্চ্যুল ওইনা লেংশিনখি। হকশেল অমসুং য়াইফ য়ুম্বালগী মিনিস্তর ওফ স্তেৎ শ্রী অশ্বিনি কুমার চৌবে অমসুং মেম্বর (হকশেল) নিতি আয়োগকী দা. বিনোদ পোলসু দিজিতেল ওইনা শরুক য়াখি। হেল্থক্যেরগী ভর্চ্যুল একজিবিসন অমা অমসুং “সি.আই.আই. তি.বি. ফ্রী ৱার্কপ্লেসেস কেম্পেন” হৌদোকখি অমসুং মখোয় য়াওদুনা “সি.আই.আই. পব্লিক হেল্থ রিপোর্ত” ফোঙখি।

কোবিদ লায়চৎ মনুং অসিদা সি.আই.আই.না থৌরম অসি শিনখিবা অসিবু থাগৎপা ফোঙদোক্লদুনা, মহাক্না ভাবোকশিংদা হায়, “লায়চৎ অসিনা ঐখোয়গী লৈবাক্কী অচৌবা পব্লিক হেল্থ ইনফ্রাস্ত্রকচর অমা অমুক হন্না য়েংশিন্নবা অমসুং অমুক হন্না স্ত্রকচর অসিগী মতাংদা খনহন্নবা খুদোংচাবা অমা পীরি।” ভারতনা অচৌবা হকশেলগী খুদোংথিবা অসিবু লাকশিনবদা অমসুং লায়েংবদা মায় পাক্লবা ঙমখ্রবা পাম্বৈশিং অসি পল্লদুনা, মহাক্না লৈবাক অসিনা সরকারগী স্কিমশিংবু অচৌবা মীয়াম খোঙজং অমা ওন্থোক্তুনা “ভারতনা মালেমগী পোলিয়োগী কেসশিংগী ৬০% ওইখিবা মতম অমা লৈখি মদুগী মতুংদা হোলিয়োগী কেসশিংগী ৬০% ওইবা মতমদগ্লদুনা, মস্মোল-পোক্স অমসুং পোলিয়ো মপুং ফানা লায়েংখিবা” উবা ফংখিবা অদুবু মহাক্না থাগৎখি। ইন্দস্ত্রীগী লুচিংবশিং অমসুং সি.আই.আই.গী মতেংগা লোয়ননা “প্রধান মন্ত্রীগী ভারত্তা ২০১৫ ফাওবদা ত্যুবর্ক্যুলোসিস মুত্থৎপগী পান্দম অসিসু মসিগা মান্ননা মায় পাক্কনি” হায়না আশা তৌরি হায়না মহাক্না ফোঙদোকখি।

মহাক্না দিল্লী এন.সি.তি.গী হকশেল মন্ত্রী ওইরিঙৈদা মহাক্না ফন্দ খরা খক্কা লোয়ননা পোলিয়ো মুত্থৎনবা কেম্পেন অমা শিনখি অদুবু ইন্দস্ত্রীগী মমিং লৈরবা লুচিংবশিংনা মপুং ফানা অমদি থৱায় য়াওনা মতেং পাংখিবা অদু নীংশিংলদুনা, দা. হর্শ বর্ধন্না হায়খি মদুদি মহাক্না “লৈবাক অসিদগী ত্যুবর‌ক্যুলোসিস বেসিলি মুত্থৎনবা মদুগা মান্ননা থৱায় য়াওবা অমসুং কত্থোকপা” অদু উবা ফংলি।

তি.বি. ৱার্কপ্লেসেস কেম্পেনদা দা. হর্শ বর্ধন্না হায়, মদুদি ‘ভারতনা মালেমগী ওইনা খ্বাইদগী য়াম্না মশিং য়ামদুনা ত্যুবর্ক্যুলোসিস কেস লাখ ২৬.৪গী ময়া লৈরি। পুন্সিশিং, শেল অমসুং মাংলিবা থবক শুবগী নুমিৎ অসিদা য়েংলুবদা তি.বি.না পীরিবা শেন্মীৎলোনগী পোৎলম অসি য়াম্না চাওই মসিনা ফীভম শোক্না হিংলিবা অমসুং চাবা ফংদ্রবা  লায়রবশিংদা চাউনা অকায়বা থোকহল্লি।” মহাক্না সমস্যা অসিদা সরকারনা লৌখৎলিবা খোঙথাংগী মতাংদা পল্লদুনা হায়, “হৌখিবা চহি মঙা অসিদা ভারত্তা তি.বি.গী কায়থরিবা শেন্থং অসি শরুক মরী হেনগৎখ্রে। প্রধান মন্ত্রীনা ২০১৪দা ওফিস পাইরবা মতুংদা তি.বি.কেসশিং খংদোক্নবা অচৌবা সর্ভে অমা হৌদোকখি। তি.বি.গী অনাবা খুদিংমক অমসুং মল্তি দ্রগ রেজিস্তেন্ত লৈবা মীওই ফাওবদা সরকারনা লায়েংবদা চংবা শেল খুদিংমক পুথোক্তুনা লায়েংলি অদুগা তি.বি.কেসশিং রিপোর্ত তৌবা দোক্তরশিংসু ইন্সেসন্তিব পীরি হায়না মহাক্না মখা তাখি।

কেন্দ্রগী হকশেল মন্ত্রীনা অয়ুশমান ভারত স্কিমগী খুত্থাংদা সরকারনা হকশেলগী ইনফ্রাস্ত্রকচর ফগৎহনবা অসিনা কালা-আজার অমসুং লেপ্রোসিগুম্বা লায়না মুত্থৎপা ঙম্লগনি অমসুং মেতর্নেল মোর্তেলিতী রেৎ জিরো ফাওবদা হন্থহনবা ঙমগনি হায়না থাজবা পীখি।

এস.ঐচ. অস্বিনি কুমার চৌবেনা ‘খুঙ্গংগী মফমশিংদা হকশেলগী ইনফ্রাস্ত্রকচর রিভোলুসনরী অমা ওইনা চাওথোকপদা’ প্রধান মন্ত্রীগী গ্রাসরুৎশিংদা মেদিকেল কেয়র পীনবা খোঙথাংশিং করম্না শিজিন্নবগে হায়বগী মতাংদা শন্দোক্না তাকখি। ই-সঞ্জীবনি তেলি-কন্সল্তেসন প্লেৎফোর্মদা হান্ননা রেকোর্দ তৌখ্রবা কন্সল্তেসন ১.৫ লাখতগী তেলিমেদিসিন মপুংফানা শিজিন্নবগী ময়েং শেংনা তাক্লি হায়না মহাক্না মখা তাখি।

ওল ইন্দিবা ইন্সতিত্যুৎ ওফ মেদিকেল সাইন্সেসকী দিরেক্তর দা. রান্দীপ গুলেরিয়ানা সি.আই.আই. পব্লিক হেল্থ কাউন্সিলগী চিয়র্মেন ওইনা অমসুং কনফিদেরেসন ওফ ইন্দিয়ন ইন্দস্ত্রী (সি.আই.আই.)গী দিরেক্তর জেনেরেল শ্রী. চন্দ্রজিৎ বেনর্জীসু থৌরম অদুদা দিজিতেল ওইনা শরুক য়াখি। 

********