(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারত অসি মালেমগী খ্বাইদগী নেম্বা মোর্তালিতীগী মনুংদা অমা ওইরে। ঙসিগী ওইনা চাদা ১.৯৩ ওইখি।
• হৌখিবা পুং ২৪দা অনাবা মীওই ৫৩,৩২২ ফগৎখিবগা লোয়ননা ভারতকী ফগৎলকপগী চাং অসি চাউরাক্না চাদা ৭২ য়ৌরে।
• হৌজিক লৈরিবা এক্তিব কেস (৬,৭৭,৪৪৪) অসি অপুনবা পোজিতিব কেসকী চাদা ২৬.১৬নি।
• হৌজিক ফাওবদা সেম্পল করোর ২.৯৩ তেস্ত তৌখ্রে; হৌখিবা পুং ২৪দা তেস্ত লাখ ৭.৪৬ তৌখি।
• রাস্ত্রপতিনা  হায়খি মদুদি লাইচৎ অসিদগী ফগৎলক্লবা মতুং ঐখোয়না প্রোগ্রেস অমসুং প্রোস্পেরিতীগী লম্বীদা লেপ্পা লৈতনা চংশিনগনি

মালেমসিগী খ্বাইদগী তাবা অমা ওইনা ভারতকী কেস ফেতেলিতী রেৎ অসি চাদা ২গী মখাদা লৈরে অমসুং মখা কুমথরক্লি; ফগৎলকপগী চাং অসি লেপ্তনা হেনগৎলকপনা ঙসি চাদা ৭২ য়ৌখ্রে; কোবিদ তেস্ত তৌখিবনা চাওরাক্না কোতী ৩লোম ওইখ্রে

কোবিদ-১৯গী কেস ফেতেলিতী রেৎ অসি লেপ্তনা অসুম তাথরকপনা মালেমগী ওইনা ভারতনা শিবগী চাং অসি খ্বাইদগী হন্থবা ওইরে। ঙসি অসি চাদা ১.৯৩ ওইরে।

ভারত্তা ফগৎলকপগী চাং অসি চাদা ৭২ ফাওবা য়ৌখিদুনা য়াম্লবদগী য়াম্লবা অনাবশিং ফহনবা ঙম্লে। হৌখিবা পুং ২৪দা মীওই ৫৩,৩২২ ফগৎহনখিদুনা দিসচার্জ তৌখ্রে। মসিগী মশিং অসি থারগা কোবিদ-১৯দগী ফগৎখিবগী চাং অসি লাখ ১৮.৬৯(১৮,৬২,২৫৮) হেনখ্রে। তপ্না-তপ্না ফগৎহল্লক্তুনা লৈবাক অসিগা ফগৎলকপগী চাংচৎ অসি তাথরক্লি। হৌজিক-হৌজিক ওইরিবা এক্তিব কেস (৬,৭৭,৪৪৪) অসিনা লৈবাক অসিগী কেস লোদ অসি ওইরি। হৌখিবা পুং ২৪সিদা রেজিস্তর তৌবা অসি মখা তানা হন্থরক্তুনা অপুনবা পোজিতিব কেস অসি চাদা ২৬.১৬ ওইরে। মখোয়শিং অদু নিংথিনা হকশেলগী ওইবা মওংদা চিংনবা লৈবশিং অদু য়েংশিল্লি। নিংথিনা অমদি হেনগৎনা তেস্ত তৌবনা ভারতকী তেস্ত তৌবা অসি য়াংনা হেনগৎলক্তুনা কোবিদ তেস্ত তৌবা অসি কোতী ৩ শুরে; হৌজিক ফাওবদা সেম্পল ২,৯৩,০৯,৭০৩ তেস্ত তৌখ্রে। হৌখিবা পুং ২৪সিদা তেস্ত ৭,৪৬,৬০৮ তৌখ্রে। মসি দাইগ্নোস্তিক লেবোরেতরীশিং অসি থুনা হেনগৎহল্লক্লিবা নেস্নেল নেতৱর্ক অসিদগী সরকারগী সেক্তরগী লেবোরেতরী ৯৬৯ অমসুং লন্নাইগী লেবোরেতরী ৫০০ য়াওনা অপুনবা লেবোরেতরী ১৪৬৯ ফাওবা লৈহন্দুনা ওইথোকপা ঙমহনখিবনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646259

ইন্দিয়ন রেলৱেজনা স্তেৎ ৬তা গরীব কলয়ান রোজগার অভিয়ানগী মখাদা থবক্কী মেন্দেজ লাখ ৫.৫ হেন্না জেনতরেৎ তৌখ্রে

ইন্দিয়ন রেলৱেজনা স্তেত ৬ হায়বদি – বিহার, ঝরখন্দ, মধ্য প্রদেশ, ওরিশা, রাজস্থান অমসুং উত্তর প্রদেশতা গরীব কলয়ান রোজগার অভিয়ানগী মখাদা মেন্দেজ লাখ ৫.৫ হেনবদা থবক পীখ্রে। রেলৱেজ অমসুং কর্ম্মস অমসুং ইন্দস্ত্রী মিনিস্তর শ্রী পিয়ুশ গোয়ালনা য়াম্না কুপ্না প্রোজেক্ত অমসুং থবকশুবশিংগী পীরিবা খুদোংচাবশিং ফংহনলিবা অসি য়েংশিনগনি। চাওরাক্না লুপা করোর ২৯৮৮ চংবা রেলৱে ইনফ্রাস্ত্রকচর প্রোজেক্ত ১৬৫ স্তেত অসিদা থাধখ্রে। ২০২০গী ওগস্তকী ১৪ ফাওবদা প্রোজেক্ত অসিগী শিজিন্নবা লুপা করোর ১৩৩৬.৮৪ কন্ত্রেক্তরশিংদা থাদোকখ্রে

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646280

ভারতকী রাস্ত্রপতিনা বর্চুএলগী খুত্থাংদা আই.সি.সি.আর.গী ময়ায়লোইশঙদা শ্রী অতল বিহারি বাজপায়গী অয়েকপা শক্তম অমা মায়খুম হাঙদোকখ্রে

ভারতকী রাস্ত্রপতি শ্রী রাম নাথ কোবিন্দনা ঙসি (ওগস্ত ১৬, ২০২০) বর্চুএলগী খুত্থাংদা ভারতকী হান্না প্রধান মন্ত্রী ওইরম্বা শ্রী অতল বিহারি বাজপায়না লৈখিদবগী চহি ২শুবগী কুমওন্দা ইন্দিয়ন কাউন্সিল ফোর কলচরেল রিলেসন্স (আই.সি.সি.আর.)গী ময়ায়লোইশঙদা মহাক্কী অয়েকপা শক্তম অমা হাঙদোকখ্রে। থৌরম অসিদা ৱা ঙাংবদা রাস্ত্রপতিনা ভারতকী রাজনিতীগী লমদা মশক থোকপা তাঙ্কক কয়া শেম্লম্বা মশক নাইরবা লৈবাক নিংবা মীওই অসিদা ঐখোয়না ঙসি ইকায় খুম্নবা উৎলি হায়খি। অতলজীনা মীওই পুম্নক্না য়ানগদবা অমসুং গনতন্ত্রগী ওইবা ৱাখল্লোন কয়াদা অচেৎপা থাজবা থমখি হায়না মহাক্না ফোঙদোকখি। ঙসিদি মালেম অসি কোবিদ-১৯না মরম ওইদুনা চরাংনহল্লে হায়না রাস্ত্রপতিনা হায়খি। অদুবু লায়চৎ অসিদগী মায় পাক্না থোক্লক্লবা তুংদদি ঐখোয়না চাউখৎপা অমসুং নুংঙাই য়াইফবগী মাইকৈদা খোঙজেল থুনা চংশিল্লগনি অমসুং অতলজীনা ২১শুবা চহি চা অসিগী ভারতকী চহি চা ওইবগী মঙলানবুসু মঙফাওনবা ঙম্লগনি হায়না হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646266

ফিল্দ ওফিসশিংদগী ইনপুৎশিং

• পঞ্জাব: মুখ্য মন্ত্রীগী পাউতাক মতুং ইন্না বেনেফিসরী লাখ ২৫.২৫গীদমক লুপা করোর ১৯০গী সোসিয়েল সেক্যুরিতী পেন্সন্স রিলিজ তৌখ্রে।
• হিমাচল প্রদেশ: মুখ্য মন্ত্রীনা হায়খি মদুদি প্রধান মন্ত্রী গরীব কল্যান য়োজনাগী মখাদা লৈবাক অসিগী লাইরবা ইমুংশিংনা ২০২০গী নবেম্বর ফাওবা লেম্না রাসন ফংলগনি। মহাক্না হায়খি মদুদি হিমাচল প্রদেশ রাজ্যদা প্রধান মন্ত্রী জন ধনগী মখাদা নুপীগী একাউন্ত লাখ ৫.৯০দা থাগী ওইনা লুপা ৫০০গী শেলগী তেঙবাং ফংহনখ্রে অমদি প্রধান মন্ত্রী কিসান সম্মান নিধিগী মখাদা লৌমী লাখ ৮.৭৪দা থাগী ওইনা লুপা ২০০০ ফংহনখ্রে।
• মহারাস্ত্র: রাজ্যগী হকশেল মন্ত্রী রাজেশ তোপেনা মুম্বাইদগী মাইগ্রেন্তশিংগী ইনফ্লক্সনা মরম ওইদুনা রাজ্যগী খুঙ্গং লমদমশিংদা কোবিদ-১৯ হেঙ্গৎলক্লিবা অদুদা নুংনাংবা ফোংদোকখ্রে। মহারাস্ত্রদা কেস লাখ ৫.৮৪ রিপোর্ত তৌরকখ্রে মদুগী মনুংদা এক্তিব কেস লাখ ১.৫৬ লৈরি।
• গুজরাত: গুজরাতকী রাজকোৎ সেন্ত্রেল জেলদা লৈরিবা ফাদোক ২৩ কোরোভাইরস পোজিতিব ওইখ্রে।  থাজগী নুমিদাংদা ফাদোক ৯৪দা রেপিদ এন্তিজেন্ত তেস্তশিং তৌখিবগী মনুংদা মখোয় ২৩গী রিজল্ত পোজিতিব ওইখি। রাজ্য অসিদা কোবিদ এক্তিব কেস পুন্না ১৪,৩৫৯ লৈরি।
• রাজস্থান: জয়পুরদা রাজস্থান হায় কোর্তকী চীফ জস্তিজ, জস্তিজ ইন্দ্রজিৎ মহন্তী কোবিদ পোজিতিব ওইরে।  থাংজ নুমীৎতা রাজ্য অসিনা নোংমা খক্তদা অনৌবা কোবিদ কেস ১,২৮৭ হেঙ্গৎতুনা খ্বাইদগী ৱাংবা ওইনা রেকোর্দ তৌখি অমদি ১৬ শিখি। অপুনবা ইনফেক্সন তেল্লী অসি ৫৯,৯৭৯ য়ৌরে। এক্তিব কেসনা ১৪,২৬৫নি।
• মধ্য প্রদেশ: কোবিদ-১৯গী এক্তিব কেসকী মশিং লিশিং তরাগী মখাদা লৈরে। অদুম ওইনমক থাংজ নুমীৎতা অনৌবা কেস ১,০৯৮ রিপোর্ত তৌরকখি, এক্তিব কেসনা ৯,৯৮৬নি।
• ছত্তিসগর: অনৌবা কোবিদ-১৯ কেস ৪২৮ অমসুং মরি শিখিবগা লোয়ননা থাংজ নুমীৎতা ছত্তিসগরগী কেস মশিং ১৪,৯৮৭তা হেঙ্গৎলে অমসুং শিখিবা মশিং ১৩৪ য়ৌরে। নুমীৎ অসিদা মীওই ১৮৯ নাবদগী ফগৎলকখি। রাজ্য অসিদা হৌজিক এক্তিব কেস ৪,৮০৭ লৈরি।
• গোৱা: হৌখিবা পুং ২৪দা রাজ্য অসিদা অনৌবা  কোবিদ ইনফেক্সন ৩৬৯ রিপোর্ত তৌরকখি। বি.জে.পি.গী লুচিংবা হান্নগী গোৱাগী মুখ্য মন্ত্রী মনোহর পরিকরগী মচানুপা উতপল পরিকর পোজিতিব ওইরে। গোৱাদা এক্তিব কেসকী মশিং ৩,৭৫৩নি।
• কেরলা: নুমীৎ য়ুংবা ফাওবদা রাজ্য অসিদা কোবিদ-১৯ কুজুএলতী ১২ রিপোর্ত তৌরকখি।  থিরুবনান্থপুরমদা লৈরিবা সেন্ত্রেল প্রিজনগী অহেনবা ফাদোক ১৪৫সু পোজিতিব ওইরে। ঙরাং কেরলাদা অনৌবা কোবিদ-১৯ কেস ১,৬০৮ কনফার্ম তৌখি। রাজ্য পুম্বদা হৌজিক অনাবা মীওই ১৪,৮৯১ লাইয়েং চত্থরি অমদি মীওই ১,৬০,১৬৯না ওবজার্বেসন্দা থম্লি।
• তমিল নাদু: আই.এম.এ. তমিল নাদু ব্রান্সনা ফোংদোক্লি মদুদি হৌজিক ফাওবদা তমিল নাদুদা কোবিদ-১৯না মরম ওইদুনা দোক্তর ৩২ লৈখিদ্রে অমদি কোবিদ-১৯গী লাইওংনা শিখিবা অতোপ্পা দোক্তর ১৫দি তেস্ত তৌবদা নেগতিব ওইখি।  ঙরাং অনৌবা কেস ৫৮৬০, নাবা ফগৎলকখিবা ৫২৩৬ অমসুং ১২৭ শিখিবগী রিপোর্ত তৌরকখ্রে।  তমিল নাদুদা অপুনবা কেস মশিং ৩,৩২,১০৫, এক্তিব কেসনা ৫৪,২১৩, শিখিবনা ৫৬৪১নি।
• কর্নাতকা: স্তেত হেল্থ দিপার্তমেন্তনা কর্নাতকাগী লেবশিংদা অহেনবা ওতোমেতেদ মেছিনশিং সপ্লাই তৌরগনি মদুনা পুং অনি খক্তদা আর.তি.-পি.সি.আর. রিজল্তশিং ফংবা ঙম্লগনি। মীওই ৯৭৬কা লোয়ননা ঙরাং বেঙ্গলুরুদগী গুৱাহাতীগীদমক শ্রমিক ত্রেন অমা থাদোকখ্রে। রাজ্য অসিদা ঙরাং অনৌবা কেস ৭৯০৮, দিসচার্জ ৬৯৪০ অমসুং ১০৪ শিখিবগী রিপোর্ত তৌরকখি। অপুনবা কেস: ২,১১,১০৮; এক্তিব কেস: ৭৯,২০১; শিখিবা: ৩৭১৭; দিসচার্জ: ১,২৮,১৮২নি।
• আন্ধ্র প্রদেশ: ঙরাং রাজ্য অসিদা অনৌবা কেস ৮৭৩২ অমসুং ৮৭ শিখিবগী রিপোর্ত তৌরকখি। রাজ্য অসিদা শিখিবা মশিং ২৫৬২ য়ৌরে অমদি এক্তিব কেস  ৮৮,১৩৮ লৈরি।
• তেলঙ্গনা: রাজ্যগী কোবিদ-১৯ মশিং ৯০,০০০ হেল্লে। রাজ্য অসিদা হৌখিবা পুং ২৪দা অনৌবা কেস ১১০২, নাবা ফগৎখিবা ১৯৩০ অমসুং ৯ শিখিবগী রিপোর্ত তৌরকখি; কেস ১১০২ অদুগী মনুংদা ২৩৪দি জি.ঐচ.এম.সি.দগী রিপোর্ত তৌরকখি।  হৌজিক ফাওবদা অপুনবা কেস: ৯১,৩৬১; এক্তিব কেস: ২২,৫৪২; শিখিবা: ৬৮৪; দিসচার্জ: ৬৮,১২৬নি।  নাবা ফগৎলকপগী চাং অসি লৈবা অসিগী ওিনা চাদা ৭১.৬ ওইবা মতমদা চাদা ৭৪.৫৬ ওইরি।
• অরুনাচল প্রদেশ : অরুনাচল প্রদেশতা অনৌবা কোভিদ কেস ৫১ থেংনরে।  ফখিবা কেস ২৩ থারগা স্তেত অসিদা হৌজিক পুন্না এক্তিব কেস ৮৮২ শুরে।
• আসাম : আসামদা কোভিদ-১৯গী অনাবা ১৫৯৩ ফদুনা  ঙরাং ময়ুমদা হনখ্রে। মসিগা লোয়ননা হৌজিক ফাওবদা স্তেত অসিদা অনাবা ৫৩২৮৬ ময়ুম্দা হনখ্রে অমসুং স্তেত অসিদা এক্তিব কেস ২২০৮৭ লৈরি।
• মনিপুর : মনিপুরদা অনৌবা কোভিদ কেস ১৯২ থেংনরে।  মসিগী মনুংদা ১৩১ অমদি সেন্ত্রেল সেক্যুরিতি ফোর্স পর্সোনেলনি। হৌজিক মনিপুর স্তেততা কোভিদ-১৯ কেস ১৯৮৯ লৈবগা লোয়ননা ফবগী চাং ৫৫%নি।
• মিজোরাম : মিজোরামদা, খ্বায়দগী ৱাংবা কোভিদ-১৯ নোংমদা পোজিতিব ওইবসি অসি ঙরাংগী অনৌবা কেস ৬৪ অসিনা ওইরি। স্তেত অসিদা কোভিদ-১৯ পুন্না ৭৭৭ ওইরি। মসিগী মনুংদা ৪২১ অমনা এক্তিব কেসনি অমসুং ৩৫৬ অমনা ফখ্রে।
• মেঘালয়: মেঘালয়দা কোভিদ-১৯ অনৌবা ৬৪ থেংনরে, অয়াম্বনা মীচম্নি, অদুগা অনাবা ১৫ অমনা ঙরাং ফখ্রে।
• নাগালেন্দ:নাগালেন্দদা থাংজ ফাওবদা পোজিতিব কেস ১৮ থেংনদুনা খ্বায়দগী নেম্বা ওইখ্রে। ফখিবা মশিং ১৩২১নি। নাগালেন্দগী সি.এম.না খংহনখ্রে মদুদি লুপা করোর ৬.৮ অমা  জুন ফাওবদা কোভিদ -১৯গী তেক্স ওইনা খোমগৎখি অমসুং হায়রিবা শেন্ফম অসি কোভিদ-১৯গা মরী লৈনবশিংদা শিজিননবা স্তেত গবর্নমেন্ত ফন্দদা থমখ্রে।
•  সিক্কিম: সিক্কিমদা ঙসি কোভিদ-১৯ অনৌবা ১৯ থেংনরে। মসিগা স্তেত অসিদা এক্তিব কেস ৪৯৩ শুরে অমসুং ৬৭১ অমনা অনাবা ফদুনা ময়ুমদা হনখ্রে।

*****