ইন্দিয়ন রেলৱেজনা স্তেৎ ৬ হায়বদি – বিহার, ঝারখন্দ, মধ্য প্রদেশ, ওরিশা, রাজস্থান অমসুং উত্তর প্রদেশতা গরীব কলয়ান রোজগার অভিয়ানগী মখাদা থবক্কী মেন্দেজ লাখ ৫.৫ হেন্না জেনতরেৎ তৌখ্রে।

রেলৱেজ অমসুং কর্ম্মস অমসুং ইন্দস্ত্রী মিনিস্তর শ্রী পিয়ুশ গোয়ালনা য়াম্না কুপ্না প্রোজেক্ত অমসুং থবকশুবশিংগী পীরিবা খুদোংচাবশিং ফংহনলিবা অসি য়েংশিনগনি। চাওরাক্না লুপা করোর ২৯৮৮ চংবা রেলৱে ইনফ্রাস্ত্রকচর প্রোজেক্ত ১৬৫ স্তেত অসিদা থাধখ্রে। ২০২০গী ওগস্তকী ১৪ ফাওবদা প্রোজেক্ত অসিগী শিজিন্নবা লুপা করোর ১৩৩৬.৮৪ কন্ত্রেক্তরশিংদা থাদোকখ্রে

রেলৱেনা দিস্ত্রীক্ত খুদিংদা লোয়ননা স্তেতশিংদা স্তেত গবর্নমেন্তগা খুৎশম্নরগা চৎমিন্নবা য়ানবা নোদাল ওফিসরশিং হাপখ্রে। রেলৱেজ অমসুং কর্ম্মস অমসুং ইন্দস্ত্রী মিনিস্তর শ্রী পিয়ুশ গোয়ালনা রেলৱেগী এদমিনিস্ত্রেসনশিংদা জোনেল লেবেলদা প্রোজেক্ত অসিদা থবক শুরিবশিংদা মতিক চানা খুৎশুমল পীনবা হায়খ্রে।

রেলৱেনা স্কীম অসিগী মখাদা লৈরিবা রেলৱেগী থবক কয়া অমবু মশক খংদোকখ্রে। থবকশিং অদুদি (i) কন্সত্ত্রকসন অমসুং শেমজিনবা লান্থোক লানশিন তৌবগী লম্বীদা, (ii) ত্রেক অসিগী ঈশিং লম্বী, লাংখোংনচিংবা শেংদোকপা অমসুং শেমগৎপা (iii) রেলৱেগী লম্বীশিং শেমগৎপা (iv) রেলৱেগী হান্না লৈরম্বা শেমজিনবা, (v) রেলৱেগী অকোইবদা উ থাবা অমসুং (iv) হান্না লৈরম্বা পোৎ চৈ ঙাক শেন্বা ।

খংজিন্বা য়াই মদুদি ইকাই খুম্নরবা প্রধান মন্ত্রী শ্রী নরেন্দ্র মোদীনা ২০২০গী জুনগী ২০দা কোভিদ-১৯গী চৈথেং ফংলবা থবকশুবশিংবু হিংননবগী খুদোংচাবা পীদুনা গরীব কলয়ান রোজগার অভিয়ানগী মখাদা থবক কয়া লিংখৎখি।  প্রধান মন্ত্রী লুপা করোর ৫০,০০০ অমা গরীব কলয়ান রোজগার অভিয়ানগী মখাদা কুইনা চৎলগদবা বিল্দিং শারগনি।

নুমিৎ ১২৫কী অভিয়ান অসি পান্দম অমা ওইনা তৌবনি, অমসুং লোয়ননা থবক মখল ২৫ থোক্না শেমদুনা দিস্ত্রীক্ত ১১৬, স্তেত ৬তা লৈরিবা হায়বদি বিহার, ঝরখন্দ, মধ্য প্রদেশ, ওরিশা, রাজস্থান অমসুং উত্তর প্রদেশতা ফংহনগনি। মসিগী মনুংদা প্রজাগী ওইবা থবক্তা লুপা করোর ৫০,০০০গী রিসোর্স লৈগনি।

অভিয়ান অসি তোঙানবা মিনিস্ত্রী/দিপার্তমেন্ত ১২না পুন্না হোৎনমিন্নবনি, মিং ওইনা পল্লবদা; রুরেল দিবলপমেন্ত, পনচায়তি রাজ, রোদ ত্রান্সপোর্ত এন্দ হাইৱেজ, মাইন্স, দ্রিঙ্কিং ৱাতর, এনভাইরোন্মেম্ত, রেলৱেজ, পেত্রোলিয়ম এন্দ নেচুরেল গ্যাস, ন্যু এন্দ রিনেৱেবল ইনর্জি, বোর্দর রোদ, তেলেকোম এন্দ এগ্রিকলচর হায়রিবশিং অসি পব্লিক ইনফ্রাস্ত্রকচরশিংগী থবক্তা অমসুং হিংনবগী খুদোংচাবা হেন্না ফংনবগা মরী লৈনৈ।  

***