ভারতকী উপ-রাস্ত্রপতি শ্রী এম. বেঙ্কয়া নাইদুনা ঙসি ৱারোল অমগী খুত্থাংদা নবরোজ থৌরমগা মরী লৈননা মীয়ামদা য়াইফ পাউজেল পীরক্লি।

মখাদা মহাক্কী ৱারোলগী অকুপ্পা মরোল পীরিঃ

ঐহাক্না লৈবাক মীয়ামদা পারসিগী অনৌবা চহি, নবরোজকী শেংলবা নুমিৎসিদা য়াইফ পায়জেল পীজরি।

পারসি খুন্নাইনা ভারতকী নাৎকী অপুনবা মশক থোকহনবদা মরু ওইবা মফম অমা কল্লি। ভারতকী পারসি খুন্নাইগী অখাং কনবা অমসুং হোৎনবা লেপ্তবা অসিনা লৈবাক অসিবু শেমগৎপদা মরু ওইবা থৌদাং লৌরি। বসন্তা ঋতু হৌরক্লে তাকপা পারসিগী অনৌবা চহি হৌবা অসিনা ইনৌ-নৌবা অমগী অহৌবগী হরাওবা ফোঙদোকপনি। নবরোজকী হরাওবা ফোঙদোকপগী তসেংবা ৱাহন্থোক্তি অফবা ৱাখল খনবা, অফবা থবক তৌবা, পুকচেল শেংনা হিংবা অমসুং অচুম্বগী লম্বীদা চৎপা হায়বনি। 

ভারত অমসুং মালেম্না কোবিদ-১৯ শন্দোকপা থিংনবা লেপ্পা লৈতনা লান্থেংনরি। নবরোজ অসি ইমুং-মনুং অমসুং মরুপ-মপাংশিং পুন্দুনা লাই-নিংদুনা অমসুং অনৌবা চহিগী হরাওবা ফোঙদোকপা ওইরবসু হন্দক্তি ঐখোয়না য়ুম-য়ুমদা লৈদুনা ইচম চম্না হরাওবা ফোঙদোক্তুনা লৈবদা পেঞ্জবা তারে। ঐখোয়না হরাওবা ফোঙদোকপা মতমদা সোসিএল দিস্তেন্সিং অমসুং পর্সনেল হাইজিনগী কাঙলোনশিং নীংথিনা ইনগদবনি।

কুমহৈ অসিনা ঐখোয়গী পুন্সিদা মরুপ-মপাং নুংশিনবা, য়াইফবা অমসুং নুংঙাইবা পুরকপা ওইরসনু।

********