ঙাকশেল মন্ত্রালয়
এন.সি.সি.না অপুনবা ঙমখৈ অমসুং সমুদ্র মপানগী জিলা ১৭৩দা অচৌবা মওংদা পাকথোক চাউথোক্নবা শেম শাখ্রে
Posted On:
16 AUG 2020 9:47AM by PIB Imphal
ঙাকশেল মন্ত্রী শ্রী রাজনাথ সিংহনা নেস্নেল কেদেৎ কোর্প্না ঙমখৈদা লৈবা অমসুং সমুদ্র তোর্বান্দা লৈবা নহাশিংগী অপাম্বা ফংহন্নবা হায়দুনা অচৌবা মওংদা পাকথোক চাউথোক্নবা হৌদোকপা স্কিমগী অয়াবা পীখ্রে।
স্কিম অসি হৌদোকপগী ৱারোল অসি প্রধান মন্ত্রী শ্রী নরেন্দ্র মোদীনা মহাক্কী ওগস্ত ১৫গী নিংতম্বা ফংবা নুমিৎকী ৱা ঙাংবদা লাউথোকখিবনি।
ঙমখৈ অমসুং সমুদ্র মপানগী জিলা ১৭৩দা লৈবা অপুনবা কেদেৎ লাখ ১বু এন.সি.সি.দা য়াওহল্লগনি। অপুনবা মশিং অসিগী শরুক অহুম থোকপগী অমদি নুপীমচা ওইগনি। ঙমখৈ অমসুং সমুদ্র মপান্দা লৈবা জিলাশিংগী এন.সি.সি.দা য়াওহনগদবা স্কুল অমসুং কোলেজ ১০০০ হেনববু মশক খঙদোকখ্রে।
চাউথোকপগী থৌরাং অমা ওইনা ঙমখৈ অমসুং সমুদ্র মপানগী মফমশিংদা এন.সি.সি.গী ত্রেনিং পীনবা হায়দুনা অপুনবা এন.সি.সি. য়ুনিৎ ৮৩ (আর্মীগী ৫৩, নেভীগী ২০ অমসুং এয়র ফোর্সকী ১০) অপগ্রেদ তৌরগনি।
ঙমখৈগী মফমশিংদা লৈবা এন.সি.সি. য়ুনিৎশিংদা আর্মীনা ত্রেনিং অমসুং এদমিনিস্ত্রেসনগী ঙাক্লৌ পীগনি, নেভীনা সমুদ্র মপানগী এন.সি.সি. য়ুনিত্তা অমসুং এয়র ফোর্স্না এয়র ফোর্স স্তেসনগী মনাক্তা লৈবা এন.সি.সি. য়ুনিৎশিংবু শৌগৎকনি।
থৌওং অসিনা ঙমখৈ অমসুং সমুদ্র মপান্দা লৈবা নহাশিংদা মিলিতরী ত্রেনিং অমসুং থকশি-খাশি তম্বিবতা নত্তনা মখোয়বু আর্ম্দ ফোর্স্তা য়াওনিংনবা ইথিলসু পীগনি।
এন.সি.সি. পাকথোক চাউথোকপগী থৌরাং অসি রাজ্যশিংগা খুৎশম্ননা পাঙথোক্কনি।
******
(Release ID: 1646242)
Visitor Counter : 169