(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারত্তা নোংমখক্তদা খ্বাইদগী চাং ৱাংনা ফগৎলকপগী অতোপ্পা রেকোর্দ অমগা অমুক য়ৌখ্রে; হৌখিবা পুং ২৪দা ৫৭,৩৮১ ফগৎলকখ্রে
• রাজ্য অমসুং য়ুনিয়ন তেরিতোরী ৩২গী ফগৎলকখিবগী চাং অসি চাদা ৫০ হেন্না ৱাংলে হায়বগী রিপোর্ত ফংখ্রে
• ভারত্তা নোংমখক্তদা খ্বাইদগী চাং ৱাংনা সেম্পল লাক্ষ ৮.৬ তেস্ত তৌখ্রে
• ভারতকী নাবা ফগৎলকপগী চাং অসি চাদা ৭০ য়ৌরে
• হৌজিক এক্তিব ওইবা কেসশিং(৬,৬৮,২২০) অসিনা লৈবাক অসিগা অশেংবা কেস লোদ ওইহল্লি
• প্রধান মন্ত্রীনা মহাক্কী নীংখা তমখিবা নুমিত্তা লৈবাক মীয়ামদা ৱারোল পীবদা লৈবাক অসিনা কোবিদ-১৯গা থৌনা ফনা লান্থেংনরিবসিগীদমক ইকাই খুম্নবা ফোংদোকখ্রে; নেস্নেল দিজিতেল হেলথ মিসন হৌদোকখ্রে
• ঐখোয়না মাংজিল থানা চৎপদা কোরোনানা থিংবা ঙম্লোই

ভারত্তা নোংমখক্তদা খ্বাইদগী চাং ৱাংনা ফগৎলকপগী অতোপ্পা রেকোর্দ অমগা অমুক য়ৌখ্রে; হৌখিবা পুং ২৪দা ৫৭,৩৮১ ফগৎলকখ্রে; রাজ্য অমসুং য়ুনিয়ন তেরিতোরী ৩২গী ফগৎলকখিবগী চাং অসি চাদা ৫০ হেন্না ৱাংলে হায়বগী রিপোর্ত ফংখ্রে; ভারত্তা নোংমখক্তদা খ্বাইদগী চাং ৱাংনা সেম্পল লাক্ষ ৮.৬ তেস্ত তৌখ্রে

নোংমখক্তদাভারত্তা কোবিদ-১৯গী খ্বাইদগী চাং ৱাংনা ফগৎলকপা ঙমখ্রে। হৌখিবা পুং ২৪সিদী ৫৭,৩৮১ ফগৎলকখ্রে। অসিগুম্না অৱাংবা থাক্তা ফগৎলক্তুনা ভারতকী ফগৎলকপগী চাং অসি হৌখিবশিংদগী চাদা ৭০দগী হেন্না শোইদবা মওংদা হেনগৎলক্লি অমসুং অনাবা অসি হেন্না-হেন্না ফগৎলক্লি। মসিগী মায় পাকপা অসি মখা তানা লৈহনবা ঙম্নবা রাজ্য/য়ুনিয়ন তেরিতোরী ৩২দা চাদা ৫০ হেনখ্রে। রাজ্য/য়ুনিয়ন তেরিতোরী ১২দা ফগৎলকপগী চাং অসি নেস্নেল রিকোভরী রেত্তগী হেনখ্রে। নারবা মীওইশিং হেন্না ফগৎলক্তুনা হোসপিতাল অমসুং য়ুমদা আইসোলেসন(খজিক্তং অমসুং ময়ায় ওইবা কেসতা) অপুনবা ফগৎলকপগী চাং অসি ঙসি(১৮,০৮,৯৩৬) লাক্ষ ১৮ হেনখ্রে। অনাবা ফগৎলকপা অমসুং কোবিদ-১৯ এক্তিব ওইবগী কেসশিংগী লৈনরিবা অরাপ্পা অসি হেনগৎখ্রে অমসুং লাক্ষ ১১(ঙসি ১১,৪০,৭১৬ য়ৌখৎখ্রে)হেনখ্রে। হৌজিক এক্তিব ওইবা কেসশিং(৬,৬৮,২২০) অসিনা লৈবাক অসিগা অশেংবা কেস লোদ ওইহল্লি। হৌখিবা পুং ২৪সিদা মখা তানা রেজিস্তর তৌবা হন্থরক্তুনা ঙসিগী অপুনবা পোজিতিব কেসকী চাদা ২৬,৪৫নি। মখোয়শিং অসি নিংথিজনা হকশেলগী ওইবা মওংদা য়েংশিল্লি। মসি নিংথিজনা লেপ্তনা তাথরক্লি অমসুং হৌজিক্কী ওইনা চাদা ১.৯৪ ওইরে। ভারতকী তেস্ত, ত্রেক, ত্রীতকী লাল্লোং অসিদগী হৌকিবা পুং ২৪সিদা খ্বাইদগী চাং ৱাংনা তেস্ত ৮,৬৮,৬৭৯ তৌখ্রে। কোতী ২.৮৫ হেন্না পুন্না-পুন্না তেস্ত তৌখ্রে। লৈবাক অসিদা তেস্তিং নেত অসি তপ্না-তপ্না পাকথোক-চাউথোকহন্দুনা তেস্ত তৌবগী লাল্লোং অসি থাক ৱাংখৎহনখ্রে অমদি ফগৎহনখ্রে। তেস্তিং তৌবগী লাল্লোং অসি ফগৎহনবগা লোয়ননা ঙসি ফাওবদা লৈবাক অসিদা লেব ১৪৬৫, সরকারগী সেক্তরদা লেব ৯৬8 অমসুং লন্নাইগী লেব ৪৯৭ য়াওনা লৈবাক অসিগী তেস্তিং লেবগী নেতৱর্ক অসি লেপ্তনা কনখৎহল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1646037

প্রধান মন্ত্রীনা মহাক্কী নীংখা তমখিবা নুমিত্তা লৈবাক মীয়ামদা ৱারোল পীবদা লৈবাক অসিনা কোবিদ-১৯গা থৌনা ফনা লান্থেংনরিবসিগীদমক ইকাই খুম্নবা ফোংদোকখ্রে; নেস্নেল দিজিতেল হেলথ মিসন হৌদোকখ্রে

হৌজিক হৌজিক লৈরিবা কোবিদ-১৯ লাইচৎ অমসুং ভারতনা অমুক্তদা অমসুং থৌনা ফনা লৈবাক অসিবু "আত্মনির্ভর" ওইনবা হোৎনরিবা অসিনা লৈবাক অসিনা মনীং তমখিবগী চহী ৭৪শুবা পালন থৌরমগী ৱারোলদা হকশেলগী লমদা কেন্দ্র সরকার অসিনা মাই পাক্না পাঙথোকখিবা থবকশিং পল্লদুনা ফোংদোকখি। লাইনা অসিনা মরম ওইদুনা লৈখিদ্রবশিংগী ইমুং মনুংগী অৱাবদা শরুক য়ারদুনা মহাক্না হায়খি মদুদি ভারতকী কোরোনা লান্মীশিং অসি "সেবা পর্মো ধর্ম" হায়বসিমক খুদম ওইনা উৎপীবগীদমক থাগৎফম থোকই। প্রধান মন্ত্রীনা লৈবাক মীয়ামদা থাজবা পীরদুনা হায়খি মদুদি "ঐখোয়না কোরোনাদগী শোইদনা মাই পাক্কনি। 'অচেৎপা ৱাখল্লোন'না মাই পাকপগী লম্বীদা শোইদনা পুগনি।" কোবিদ-১৯গী মরকসিদা মরোমদোম লেপ্পা ঙম্না হোৎনবগী ৱাখল্লোন মাই পাক্না শাগৎপা ঙমখিবা লৈবাক অসিগী 'আত্মনির্ভর ভারত'কী থৌনাবু মহাক্না পনখি। মহাক্না হায়খি মদুদি লৈবাক অসিনা পি.পি.ই. কিৎ, এন.৯৫ মাস্ক, ভেন্তিলেতর অসিনচিংবা কয়া শাজবা ঙম্লে, হায়রিবশিং অসি মমাংদদি লমদম অসিদা শারমদবনি। অসিগুম্বা মালেমগী থাক্তা লৈবা পোত্থোকশিং পুথোকপা ঙম্বগী কেপাসিতী হেনগৎলক্লিবসি মহাক্কী "ভোকেল ফোর লোকেল"দা নিন্দুনা লৈখি। নেস্নেল দিজিতেল হেলথ মিসন লাউথোক্লদুনা প্রধান মন্ত্রীনা হায়খি মদুদি অখন্নবা হেলথ আই.দি. অমা লৈবাক মীয়াম পুম্নমক্তা পীগনি মসিনা লাইনা, দাইগ্নোস্তিক্স, রিপোর্ত, মেদিকেসন অসিনচিংবগী ঈ পাউশিং আই.দি. অমখক্তদা কম্মন দেতাবেজ অমগী খুথাংদা য়াওগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1646049

ওগস্ত ১৫, ২০২০গী ৭৪শুবা নীং-খা তম্বা ফংবা নুমিত্তা লাল কিলাগী ফম্বাক্তগী প্রধান মন্ত্রী শ্রী নরেন্দ্র মোদীনা লৈবাক মীয়ামদা ৱা ঙাংখি; মহাক্কী ৱারোলদুগী মরুওইবশিং

অকুপ্পা ৱারোলগীদমক, https://pib.gov.in/PressReleseDetail.aspx?PRID=1646044

ওগস্ত ১৫, ২০২০গী ৭৪শুবা নীং-খা তম্বা ফংবা নুমিত্তা লাল কিলাগী ফম্বাক্তগী প্রধান মন্ত্রী শ্রী নরেন্দ্র মোদীনা লৈবাক মীয়ামদা ঙাংখিবা ৱারোলগী মনিপুরী ৱাহন্থোক

কোরোনাগী মতম অসিদা লাইচৎ অসিনা মীওই কয়া, ইমুং কয়াদা চৈথেং কয়া পীবতা নত্তনা পুন্সি কয়া অমসু মাংনরে। মখোয় পুম্নমকী অৱাবদা ঐহাক্না শরুক য়ারি অমসুং ঐখোয়গী লৈবাক মচা কোতি ১৩০গী শক্তি অমসুং খাংবা কনবা অসিনা মরম ওইদুনা ঐখোয়বু কোরোনাগী মায়োক্তা শোইদনা মায় পাকহনগনি হায়বগী ঐঙোন্দা থাজবা লৈ... কোরোনাগী লাইচৎ মনুংদসু ভারত মচা কোতি ১৩০না মরোমদোম লেপচবা ঙম্নবা ৱারেপ লৌখ্রে অমসুং মসি ভারত মচা খুদিংগী পুক্নীংদা হক্তুনা লৈখ্রবনি... মমাং চহিদা ভারত্তা এফ.দি.আই. চাদা ১৮ হেনগৎলে। কোরোনা লাইচৎকী মনুংদফাওবদা, অফাওবা কম্পেনী কয়ানা ভারত্তা চঙলক্লি... ঙসিদি কোরোনা লাইচৎ অসিদগী মীপুম খুদিংমক অমসুং শেন্মিৎলোন চিংথোক্লকপা হায়বসি ঐখোয়গী পান্দম্নি। নেসনেল ইনফ্রাস্ত্রকচর পাইপ্লাইন প্রোজেক্তনা খোংচৎ অসিদা মরুওই ওইবা থৌদাং লৌরি... মসিগী ইন্সত্রুমেন্তশিং অসিনা কোরোনাগী মনুংদা থবক কয়া পায়খৎহল্লে। মতম অসিগী মনুংদা, ঐখোয়না লাইরবা ইমুং কয়াদা গ্যাস সিলিন্দর লেম্না পীরি, রাসন কার্দ লৈত্রবসু ইমুং কোতি ৮০দা চানবা পোৎলম পীদুনা চাখুম মৈ মুৎহন্দ্রি; চাউরাক্না লুপা কোতি লিশিং ৯০ বেঙ্ক একাউন্তশিংদা হকথেংননা হাপখ্রে। হৌখিবা চহি খরগী মমাংদা থাদখিবা লুপা চাম্মদো লাইরবা অমগী একাউন্ততা য়ৌহনগনি হায়বসি থাজবা পোক্লম্লোই... ভারত সরকারনা কোরোনা লাইচৎ মনুংদা লুপা কোতি ১,০০,০০০ লৌউ-শিংউগী ইনফ্রাস্ত্রকচরগীদমক কাইথখ্রে হায়বসি অদোমসু খঙলম্লনি... কোরোনা মনুংদা, হায়রিবা ইচলশিং অসিনা একাউন্তশিংদা লুপা করোর লিশিং ৩০ থমজিনখি... কোরোনা লাইচৎ মনুংদা হকশেলগী থবকশিং পুক্নীং চঙলে। মসিগী অৱাবা মনুং অসিদা হকশেলগী থবকশিংনা ঐখোয়দা ইশাগী ওক্নবা পুথোক্নবগী অচৌবা পারা অমা তম্বীরে। মসিগী পান্দম অসি ফংবা ঙম্নবা ঐখোয় মাঙলোমদা চঙশিনগদবনি... কোরোনাগী তিকা থৌরাং তৌরগনি হায়বদা মীয়ামগী মরক্তা হরাওনরে। মসি মহৌশানি। মসিগী লাংতক্নবা অসি মী খুদিংমক্কীনি অমসুং মালেমগী মফম পুম্নমক্তনি। ঐখোয়গী সাইন্তিস্তশিং লেবশিংদা মথৌ মশক খঙনা থবক তৌরি হায়না ঐগী ইরৈচাশিং হায়বা ঐনা পাম্মি। হৌজিক লৈবাক অসিদা তিকা অহুম চাংয়েংগী তোঙান-তোঙানবা তাঙ্ককশিংদা লৈরে। ঐখোয়গী সাইন্তিস্তশিংদগী অয়াবা হেক ফংবগা ঐখোয়না তিকা পাক-শন্না পুথোক্কনি। ঐখোয়না থৌরাং তৌবা লোইরে। তিকা য়াম্না পুথোক্নবা অমসুং অতেনবা মতমগী মনুংদা মী খুদিংমক ফংহন্নবা ঐখোয়না লম্বী অমা শেম্লে...

অকুপ্পা ৱারোলগীদমক, https://pib.gov.in/PressReleseDetail.aspx?PRID=1646045

ভারতকী ৭৪শুবা নীং খা তম্বা নুমিৎকী মাংওইননা ভারতকী রাস্ত্রপতি শ্রী রাম নাথ কোবিন্দনা মীয়ামদা পীবা পাউজেল

"ঐখোয়গী থৌনাদা থাজবা লৈবদগী, অতোপ্পা লৈবাকশিংনা কোবিদ-১৯ থেংনবদা ঐখোয়না মতেং পাংলি। হিদাক-লাংথকশিং পীনবা হায়জরকপদগী, অৱাবা তারবা মতমদা লৈবাক অসিনা মালেমগী মীয়ামগীদমক লৈরি হায়বা ভারতনা অমুক হন্না উৎখি। লাইচৎ অসি মপুংফানা লাকশিন্নবা মফম অমগী ওইবা অমসুং মালেমগী ওইবা লাল্লোংশিং পুথোকপদা ভারতনা মাংজিল থারি...

কোবিদ-১৯ থেংনবা মতমদা পুন্সি অমসুং হিংনবা লম্বী অনিমক মরুওই হায়বা ঐনা থাজৈ। হৌজিক থেংনরিবা অৱাবা অসি লৌমীশিং অমসুং অপীকপা ওন্ত্রপ্রিনরশিং কান্নবা ফংনবা শেন-থুমগী ফিবম অমুক ফগৎলক্নবা অওনবশিং পুরক্নবা খুদোংচাবা অমনি হায়না ঐখোয়না থাজৈ...

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645888

প্রধান মন্ত্রী অমসুং নেপালগী প্রধান মন্ত্রীগী মরক্তা তেলিফোন্দা ৱারী শাবা

প্রধান মন্ত্রীনা ঙসি নেপালগী প্রধান মন্ত্রী হিস এক্সেলেন্সী শ্রী কে.পি. শর্মা ওলি, আর.তি.দগী ফোন কোল অমা ওকখি। নেপালগী প্রধান মন্ত্রীনা ভারতকী সরকার অমসুং মীয়ামদা মসিগী ৭৪শুবা নিং-খা তম্বা নুমিৎকী য়াইফ পাউজেল পীরকখি অমসুং য়ু.এন. সেক্যুরিতী কাউন্সিলগী নন-পর্মানেন্ত মেম্বর ওইনা হন্দক্তা খল্লকখিবা অদুগীসু থাগৎপা ফোঙদোরকখি। লুচিংবা অসিনা লৈবাক অনি অসিদা কোবিদ-১৯না শোকহল্লিবা অসি হন্থহন্নবা পায়খৎলিবা খোঙথাংশিংদা অমত্তা ওইনা চৎমিন্ননিংবগী ৱাফমসু ফোঙদোরকখি। হীরম অসিগী মতাংদা প্রধান মন্ত্রীনা ভারত্তা লেপ্তনা মতেং পাংগনি হায়নসু হায়রকখি। প্রধান মন্ত্রীনা নেপালগী প্রধান মন্ত্রীবু তেলিফোন তৌরকপগীদমক থাগৎপা ফোঙদোকখি অমসুং ভারত অমসুং নেপালগী মরক্তা চাউখৎপগী অমসুং নাৎকী ওইবা মরী কয়া লৈনরিবা অসিগী মতাংদসু নীংশিংখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1646051

ফিল্দ ওফিসশিংদগী ফংবা পাউ

• মহারাস্ত্রাঃ স্তেৎ কোওপরেসন মন্ত্রী বলাসাহেব পতিল কোরোনাভাইরস পোজিতিব ওইদুনা করাদকী হোস্পিতাল অমদা লাইয়েংলি। মহাক্না এম.ভি.এ. সরকারদগী হৌখিবা থা অহুম অসিদা কোবিদ পোজিতিব ওইখিবা তরেৎশুবা মন্ত্রীনি। মহারাস্ত্রদা কোবিদ কেস ৫.৭৩ লাখ লৈখ্রে অমসুং এক্তিব কেসনা লাখ ১.৫১নি।
• গুজরাৎঃ রাজ্য অসিগী নাবা ফগৎলকপগী চাং ৭৭.৭২ ওইজরবসু ইরাই নুমিত্তা গুজরাত্তা তেস্ত ৫১,২২৫ তৌখি। প্রধান মন্ত্রীনা মহাক্কী য়েংশিন মীফমদা গুজরাৎকী মুখ্য মন্ত্রী বিজয় রুপানিদা রাজ্য অসিদা তেস্ত তৌবগী চাং ৱাংখৎহন্নবা খঙহনখিবনি। গুজরাত্তা লাকপা কেস মশীং ৭৬,৫৬৯নি মসিগী মনুংদগী এক্তিব কেস মশীংনা ১৪২৯৯ নি।
• ছতিশগরঃ রাজ্য অসিদা মমাংগীশিংদগী হেন্না ৱাংবা ওইনা হৌখিবা পুং ২৪ অসিদা মীওই ১৩ লৈখিদ্রে, অদুগা অনৌবা কেস ৪৫১ অমসু ইরাই নুমিত্তা লাকখ্রে। কেস ৪৫১ অসিগী মনুংদগী ১৪২দি রাইপুরদগী লাকখিবনি অমসুং ৫৯না দুর্গদগীনি। মরক অসিদা অনাবা ১৯৯ তোঙান-তোঙানবা হোস্পিতালশিংদগী দিসচার্জ তৌখি।
• অরুনাচল প্রদেশঃ অরুনাচল প্রদেশতা কোবিদ-১৯না মরম ওইদুনা মীওই অমা লৈখিদ্রে অমসুং রাজ্য অসিদা হৌখিবা পুং ২৪ অসিদা পোজিতিব কেস ৯৫ অমগা লাকখি, এক্তিব কেস ৮৫২ অমসুং দিসচার্জনা ১৭৫০।
• মনিপুরঃ মনিপুরদা মীওই ১৩০ কোবিদ-১৯ পোজিতিব ওইখ্রে, মীওই অমগা লাইচৎ অসিদগী লৈখিদবগা লোইননা পুল্লপনা মীওই ১৩ শুখ্রে। মনিপুর সরকারনা রাজ্য অসিদা কোবিদ-১৯ কেস হেনগৎলক্লিবা অসি য়েংদুনা চলাইরিবা কমপ্লীৎ লোকদাউন ওগস্ত ৩১ ফাওবা শাংথখ্রে।
• মেঘালয়ঃ মেঘালয়দা অপীকপা করবার অমসুং ওন্ত্রপ্রিনরশিংগী ওইবা মুখ্য মন্ত্রীগী তেংবাংগী থৌরাং হৌখ্রে। অমুক্তদা পীগদবা লুপা ১০,০০০ ফাওবগী শেনফম অনৌবা অপীকপা করবার তৌবশিংদা পীগনি, হায়রিবসি লুপা ৫০,০০০ ফাওবা পীবা য়াই। লুপা কোতি ১৫গী কোর্পস ফন্দসু হায়রিবসিগীদমক শেমখ্রে।
• মিজোরমঃ মিজোরমদা ঙরাং অনৌবা কোবিদ-১৯ কেস ৫৬ লাকখি। অপুনবা কেসঃ ৭১৩, এক্তিব কেস মশীংনা ৩৬৫ য়ৌখ্রে।
• নাগালেন্দঃ নাগালেন্দা ইরাই নুমিত্তা কোবিদ-১৯ পোজিতিব ১৫৪ লাকখ্রে। অপুনবা কেস মশীং ৩৩২২ য়ৌখ্রে।
• পঞ্জাবঃ লাক্কদবা চয়োল খরসিদা নৌনা কোবিদ কেস ৱাংখৎলক্কদ্রা হায়বগী চিংনবা লৈবদগী পঞ্জাবকী মুখ্য মন্ত্রী কেপতেন অমরিন্দর সিংহনা নুমিদাংগী কর্ফ্যু অদু নুমিদাং পুং ৯দগী নুংথিল পুং ৫ ফাওবা শহর খুদিংমক্তা অতোপ্পা লাইচৎ অসিবু লাকশিন্নবগী পাম্বৈশিংগা লোইননা শাংদোকখ্রে।
• হরিয়ানাঃ কোবিদ-১৯ লাইচৎ অসিনা পীরিবা অৱাবা কয়া অসি য়েংদুনা হরিয়ানাগী সরকারনা ধর্মগী ওইবা মফমশিংদা হায়বদি লাইশঙশিং (বুদ্ধিস্ত অমসুং জৈনগী লাইশঙশিং য়াওনা), গুরুদ্বারা, চর্চ অমসুং মসজিদশিংগী মৈগী খজনা এপ্রিল ২০২০দগী জুন ২০২০ ফাওবগী ওইনা মার্চ ২০২০ ফাওবা অমসুং ওক্তোবর ৩১, ২০২০ ফাওবগী খজনা থিদোকহন্দুনা কোকপীরগনি।  
• কেরলাঃ কোবিদ-১৯না মরম ওইদুনা মীওই মরি অমগা লৈখিদবগা লোইননা অপুনবা ওইনা মীওই ১৪৩ লৈখিদ্রে। কোনুং ওইরিবা থিরুবনন্থপুরমনা রাজ্য অসিদা খ্বাইদগী ফিবম শোকপা জিল্লা ওইরি। সেন্ত্রেল জেলদা মীওই ৫৩ অমগা পোজিতিব ওইরকখ্রে। মরক অসিদা কে.এস.আর.তি.সি.না লোকদাউন্না মরম ওইদুনা চেল্লুদ্রবা ইন্তর-দিস্ত্রিক্ত বস সর্বিস মখা তানা চেলহন্নবা ৱারেপ লৌখ্রে। ঙরাং কোবিদ-১৯গী অনৌবা কেস ১৫৬৯ লাক্তুনা রাজ্য অসিগী খ্বাইদগী ৱাংবা ওইনা লাকখ্রে। হৌজিক্কী ওইনা, অনাবা মীওই ১৪,০৯৪না হৌজিক লাইয়েংদুনা লৈরি অমসুং রাজ্য অসিদা মীওই ২৬,৯৯৬ নাবা ফখ্রে। মীওই ১,৫৫,০২৫না তোঙান-তোঙানবা জিল্লাশিংদা ওবজর্বেসন তৌদুনা লৈরি।
• তমিল নাদুঃ কোবিদ-১৯ লাইচৎ লান্থেংনবদা মীয়ামগী মতেং য়াম্না তঙাই ফদেঃ নীংখা তম্বগী ৱারোল পীবদা পুদুচেরীগী মুখ্য মন্ত্রী। কোইম্বেতোরগী কোবিদ কেস ৮০০০ য়ৌখ্রে; লাইচৎ লান্নবগী মশীংনা ইরাই নুমিত্তা অনৌবা কেস ৩৮৫ লাকপগা লোইননা ৮,২৭৪ লৈরি, অমসুং মীওই নিপান অমগা লৈখিদবগা লোইননা অপুনবা মীওই ১৬৪ শুখ্রে। তমিল নাদুগী গবর্নর বানৱারিলাল পুরোহিৎ কোবিদ-১৯দগী নেগেতি ওইরক্তুনা নাবা ফখ্রে। তমিল নাদুদা কেস ৫৮৯০, অমসুং লৈখিদ্রবা ১১৭ রিপোর্ত তৌরকখ্রে। অপুনবা কেসঃ ৩,২৬,৩৪৫, এক্তিব কেসঃ ৫৩,৭১৬, লৈখিদ্রবাঃ ৫৫১৪, চেন্নইদা লৈবা এক্তিব কেসঃ ১১,২০৯।
• করনাতাকাঃ কোবিদ-১৯ তাস্ক ফোর্সনা ৱারেপ লৌরকখিবগী মতুং ইন্না রাজ্য সরকারনা রেপিদ এন্তিজেন দিতেক্সন কিৎ লাখ ১০ লৈরগনি।  বি.বি.এম.পি.না আর.দব্ল্যু.এ.দা আই.এল.আই. অমসুং সারি কেস লৈবা মীওইশিং খঙদোক্নবা হায়খ্রে। মসিনা কোবিদকী মরমদা মীয়াম ভাপ তাহন্নবা ভোলুন্তীয়র খোম্নবগীদমক ৱেবসাইৎ অমা হাংদোকখ্রে। মরকসিদা ইরাই নুমিত্তা ওর্দর অমা থোক্তুনা মীয়াম্না মী তিনবা মফমদা গনেশকী মীতম খিন্দুনা পুজা তৌবা লেপ্নবা খঙহনখ্রে অমসুং মীয়ামদা গনেশ চতুরিতিবু ইমুংদা পাংথোক্নবা খঙহনখ্রে।
• অন্ধ্র প্রদেশঃ গবর্নর বিস্বাবুসন হরিচন্দন্না নীংতম্বগী নুমিৎ থৌরমদা কোবিদ-১৯দগী মপুং ফানা নাবা ফখ্রবা মীওইশিংনা চোংথোকপীরক্তুনা প্লাজমা দোনেৎ তৌবীদুনা লান্থেং অসিদা মতেং পাংবীনবা খঙহনখ্রে। কোবিদ-১৯ লাইচৎ অসিবু লান্থেংননবা হোৎনবদা তঙাইফদবা হিদাক লাংথক্কী অৱাৎপা অমসুং ভেন্তিলেতর সপ্লাই তৌনবগীদমক য়ু.কে. সরকার অমসুং অন্ধ্র প্রদেশ মেদ তেক জোন পুন্না চৎমিন্নগদৌরি। খল্লবা ইন্দিয়ন মেদ তেক স্তার্ত অপশিংনা মেদ তেক ভেল্লী ইঙ্ক্যুবেসন সেন্তর বিশাখাপত্নমদা শেল, তেক্নিকে অমসুং ইনফ্রাস্ত্রকচরগী মতেং পীদুনা হোস্ত ওইগদৌরি। কোবিদ-১৯গী থবক তৌরিবা জুনিয়র দোক্তরশিংনা ওগস্ত ১৭তগী হৌদুনা সেফতী অমসুং প্রোতেক্সন পীবীদবগীদমক বোইকোৎ তৌগনি হায়না কিহনখ্রে।
• তেলঙ্গানাঃ তেলঙ্গানাদা লৈবা হকশেলগী এক্সপর্তশিং অমসুং দোক্তরশিংনা কোবিদ-১৯ অনাবশিংবু মীওই কয়া হকচাং ফগৎলকপা অমসুং লাইনা অসিগা মরী লৈননা থেংনা হোস্পিতালদা পুখৎলকপা থেংবনা অতোপ্পা লাইন্দগী লৈতবসু লৈরক্ত্রে। অনৌবা কেস ১৮৬৪, নাবা ফখ্রবা ১৯১২, অমসুং মীওই ১০ হৌখিবা পুং ২৪ অসিদা রিপোর্ত তৌরকখ্রে, অপুনবা কেস ১৮৬৪গী মনুংদগী ৩৯৪দি জি.ঐচ.এম.সি.দগী লাকখিবনি। অপুনবা কেসঃ ৯০,২৫৯, এক্তিব কেসঃ ২৩,৩৭৯, লৈখিদ্রবাঃ ৬৮৪ দিসচার্জঃ ৬৬,১৯৬।

******