दिल्ली-मुंबई, 15 ऑगस्ट 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

देशाच्या 74 व्या स्वातंत्र्यदिनी दिल्लीच्या ऐतिहासिक लाल किल्ल्यावरून पंतप्रधान नरेंद्र मोदी यांनी जनतेला केलेले संबोधन.

पंतप्रधान नरेंद्र मोदी यांनी आरोग्य क्षेत्रातली केंद्र सरकारची कामगिरी, ठळकपणे मांडत, सध्या सुरु असलेली कोविड- 19 महामारी आणि त्या संदर्भात भारताच्या श्रेणीबद्ध आणि तत्पर दृष्टीकोनामुळे देश आत्मनिर्भर झाला या बाबींना, 74 व्या स्वातंत्र्य दिनी राष्ट्राला उद्देशून केलेल्या संबोधनात स्थान दिले. या आजारात बळी पडलेल्या व्यक्तींच्या कुटुंबियांच्या दुखाःत आपण सहभागी असल्याचे सांगून भारताच्या कोरोना योद्ध्यांनी ‘सेवा परमो धर्म’ याचे उदाहरणच दर्शवले आहे असे सांगून या योध्यांची त्यांनी प्रशंसा केली. कोरोना विरोधातला लढा आपण नक्कीच जिंकू याचा पुनरुच्चार त्यांनी केला. प्रबळ इच्छा आणि संकल्प आपल्याला विजयाकडे नेतो असे त्यांनी सांगितले.

पंतप्रधान नरेंद्र मोदी यांना आज नेपाळचे पंतप्रधान के. पी. शर्मा ओली यांनी दूरध्वनीवरुन संवाद साधला. नेपाळच्या पंतप्रधानांनी सरकार आणि भारतीय नागरिकांना 74 व्या स्वातंत्र्यदिनाच्या शुभेच्छा दिल्या, आणि भारताची नुकतीच संयुक्त राष्ट्रसंघाच्या सुरक्षा परिषदेत अस्थायी सभासद म्हणून निवड झाल्याबद्दल अभिनंदन केले. दोन्ही नेत्यांनी कोविड-19 संक्रमणाचा परिणाम कमी करण्यासंदर्भात परस्पर एकवाक्यता व्यक्त केली. याबाबतीत पंतप्रधानांनी नेपाळला भारताचे निरंतर सहकार्य जाहीर केले.

आरोग्य मंत्रालयाची कोविड-19 घडामोडींवरील माहिती :

• एका दिवसात बरे होणाऱ्या रुग्णांच्या संख्येत सातत्याने वाढ होत आहे, भारतात एका दिवसात बरे होणाऱ्या कोविड-19 रुग्णांच्या संख्येने नवा उच्चांक गाठला आहे. गेल्या 24 तासांत 57,381 रुग्ण बरे झाले असून त्यांना सुट्टी देण्यात आली आहे. एवढ्या मोठ्या प्रमाणात रुग्ण बरे होत असल्यामुळे, रुग्ण बरे होण्याचा दर 70% च्या वर गेला आहे. तसेच 32 राज्य/केंद्रशासित प्रदेशांमध्ये रुग्ण बरे होण्याचा दर 50% पेक्षा अधिक आहे. 12 राज्य/केंद्रशासित प्रदेशांमध्ये रुग्ण बरे होण्याच्या दराचे प्रमाण राष्ट्रीय प्रमाणापेक्षा अधिक आहे. रुग्ण बरे होण्याचे प्रमाण वाढत आहे, त्यामुळे त्यांना रुग्णालयातून सुट्टी देण्यात येत आहे आणि गृह अलगीकरण (सौम्य आणि मध्यम स्वरुपाचे रुग्ण), त्यामुळे बरे झालेल्या रुग्णांची एकूण संख्या 18 लाखांपेक्षा (18,08,936). अधिक झाली. बरे झालेले रुग्ण आणि सक्रीय कोविड-19 रुग्ण यांच्यातील अंतर वाढले आहे, सध्या ते 11 लाखांहून अधिक आहे (आजची संख्या 11,40,716 एवढी आहे).

• आयुष मंत्रालयाने “ रोगप्रतिकारक्षमतेसाठी आयुष” या तीन महिन्यांच्या मोहिमेची वेबिनारच्या माध्यमातून सुरुवात केली. या वेबिनारमध्ये 50 हजारांहून जास्त लोक सहभागी झाले होते. आध्यात्मिक गुरू श्री श्री रवीशंकर यांनी उद्घाटनाचे भाषण केले. ‘आयुष’ चे उपाय संपूर्ण जगाला निरोगी आणि आनंदी जीवनाचा मार्ग दाखवतील असे त्यांनी सांगितले. या कार्यक्रमाचे हे ठळक वैशिष्ट्य होते.

इतर अपडेट्स:

• केंद्रीय गृह मंत्री अमित शहा यांनी स्वातंत्र्य दिनानिमित्त शुभेच्छा दिल्या आहेत.
• जैवतंत्रज्ञान विभागाच्यावतीने पुण्याच्या ‘व्हेंचर सेंटर’येथे आता राष्ट्रीय सुविधा. जैवतंत्रज्ञान विभागाच्या जैवतंत्रज्ञान उद्योग संशोधन सहाय्य परिषद (बीआयआरएसी) च्यावतीने एनबीएम म्हणजेच नॅशनल बायोफार्मा मिशनच्या सहकार्याने सीबीए म्हणजेच द सेंटर फॉर बायोफार्मा अॅनालिसच्या, जैवऔषध विकासक आणि उत्पादकांसाठी उच्च गुणवत्तेची विश्लेषणात्मक सेवा प्रदान करण्यात येणार आहे. या सीबीएचे आभासी उद्घाटन जैवतंत्रज्ञान विभागाच्या सचिव डॉ. रेणू स्वरूप यांच्या हस्ते करण्यात आले.

महाराष्ट्र अपडेट्स :

राज्याचे सहकारमंत्री बाळासाहेब पाटील कोरोना चाचणीत पॉझिटीव्ह आढळले असून त्यांच्यावर कराड येथील रुग्णालयात उपचार सुरु आहेत. महाविकास आघाडीतील गेल्या तीन महिन्यात कोरोना पॉझिटीव्ह आढळलेले ते सातवे मंत्री आहेत. महाराष्ट्रात 5.73 लाख कोविड रुग्ण आहेत आणि त्यापैकी 1.51 लाख सक्रीय रुग्ण आहेत.

***

B.Gokhale/ S.Thakur/P.Kor

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com