ভারত সরকারগী য়ুথ এফেয়ার্স অমসুং স্পোর্তসনা হৌদোকপা অনৌবা থবক ‘ফিত ইন্দিয়া ফ্রিদম রন’ মপুংফানা শৌগৎনবা ভারত রেলৱেজনা ৱারেপ লৌরে। মসিগী থৌরম অসি ওগস্ত ১৫দগী ২০২০গী ওক্তোবর ২ ফাওবা চৎথগনি। থবক অসি ফিত ইন্দিয়া মুভমেন্তগী মখাদা পায়খৎপনি।

মীয়ামদগী থাপ্না লৈদুনা তঙাইফদনা ঐখোয় হকচাং ফনা লৈনবা পান্দমদা ‘ফিত ইন্দিয়া ফ্রিদম রন’ পায়খৎপনি। মসিগী লমজেল অসিদা কনাগুম্বা অমনা মহাক্কী খুদোংচাগদবা মতমদা অপাম্বা লম্বীদা চেনবা/খোঙনা চৎপা য়াগনি। চেনবা/চৎপা মতমদা কনাগুম্বা অমনা পোথাবা য়াগনি। মরুওইনা কনাগুম্বা অমনা মশাগী অশঙবা মতমদা অঙম্বা মওংদা চেনবা য়াগনি।

য়ুথ এফেয়ার্স অমসুং স্পোর্তসকী রাজ্য মন্ত্রী(মনিংতম্বা)অমসুং মাইনোরিতি এফেয়ার্সকী রাজ্য মন্ত্রী কিরেন রিজিজু অমসুং রেলৱেজ বোর্দকী চেয়রমেন ভি.কে য়াদবনা ইরাই নুমিৎতা ‘ফিত ইন্দিয়া ফ্রিদম রন’ হৌদোকখ্রে। মশিং য়াম্লবা রেলৱেজ ওফিসিএলশিং, মখোয়গী ইমুং-মনুংশিং অমসুং মরী-মতাশিং ‘ফিত ইন্দিয়া ফ্রিদম রন’ শরুক য়ানবা অমসুং থৌরাং অসি চাউনা মাইপাকপা অমা ওইনবা, মশিং য়াম্না শরুক য়ানবা রেলৱেজগী মীওইশিং পাকচাউনা খঙহন্নবা জেনরেল মেনেজরশিংদা খঙহনখ্রে। মীয়াম হকচাং ফনা লৈনবা অচম্বা থবকশিং পায়খৎনবা চৎন-পথাপশিং ভারত সরকারগী য়ুথ এফেয়ার্স অমসুং স্পোর্তসনা পীরে অমসুং মিনিস্ত্রিগী ৱেবসাইত : www.fitindia.gov.in দা য়েংবা য়াগনি।

চহি কয়াগী মমাংদগী হৌনা ভারত রেলৱেননা ভারত্ত শান্নবা য়োকখৎতুনা লাক্লি। রেলৱেজনা চহি খুদিংগী শান্নরোই ৩০০-৪০০ থবক পীদুনা ভারত্তা খ্বাইদগী চাউবা শান্নবা য়োকৎপা অমা ওইরি অমসুং লৈবাক অসিগী মিংচৎ পুরক্নবা শান্নবদা মাংজিল থানবা মখোয়দা খুদোংচাবা কয়া পীরি। ভারত রেলৱেজনা মশান্না ২৯দা শান্নরোই ১০,০০০ অমসুং কোচ ৩০০ লৈরি । ২০১৯-২০গী নেসনেল স্পোর্তস এৱার্দ ৩২ লাউথোকপদা ভারত রেলৱেজগী শান্নরোইশিংনা এৱার্দ ৬ ফংখি।

অফবা মখলগী শান্নবগী মচাক-মথুমশিং শেমগৎনবা অমসুং ত্রেনিংগী খুদোংচাবা ফংহন্নবা ইস্তিমেত খুদিংমক্তা ‘স্পোর্তস দিবলপমেন্ত’গী চাদা ০.৫গী দি অমসুং জি চার্জশিং লৌনবা থৌরাং অমা লৈরে। মসি শান্নবা য়োকখৎনবা অমসুং ফিত ইন্দিয়াগী শরুক অমা  ওইনা ভারত রেলৱেজনা পায়খৎপা অখন্নবা থৌরাং অমনি।

‘ফিত ইন্দিয়া ফ্রিদম রন’ চাউনা মাইপাক্নবা, মশিং য়াম্না শরুক য়ানবা রেলৱেজগী মীওইশিং পাকচাউনা খঙহন্নবা জেনরেল মেনেজরশিংদা খঙহনখ্রে।

*****