হয়েং লাল কিলাদা প্রধান মন্ত্রী নরেন্দ্র মোদীনা লৈবাক অসি লুচিংদুনা ৭৪শুবা নিংতম্বা নুমিৎ পাংথোক্কনি। মহাক্না জাতিগী ফিরাল পাইহনগনি অমসুং মমিং লৈরবা মোনুমেন্ত অসিদগী মীয়ামদা ৱা ঙাংগনি।

অয়ুক্কী পুং ৭.১৮দা লাল কিলাগী লাহোর গেৎ মমাংদা মহাক থুংলবদা, দিফেন্স মিনিস্তর রাজনাথ সিংহ অমসুং দিফেন্স সেক্রেতরি দোক্তর অজয় কুমারনা প্রধান মন্ত্রী নরেন্দ্র মোদী ওক্কনি।

দিফেন্স সেক্রেতরিনা দিল্লি এরিয়াগী জেনেরেল ওফিসার কমান্দিং(জি ও সি), লেপ্তনেন্ত জেনেরেল বিজয় কুমার মিশ্রা প্রধান মন্ত্রীদা শক তাক্কনি । দিল্লি এরিয়াগী জি.ও.সিনা প্রধান মন্ত্রী সেলুতিং বেজ ফাওবা পুশিনগনি অমসুং মফম অদুদা ইন্তর সর্বিসেস অমসুং পুলিসকী অপুনবা কন্তিনজেন্ত অমনা প্রধান মন্ত্রী নরেন্দ্র মোদীদা জেনরেল সেলুত পীগনি। তুংদা প্রধান মন্ত্রীনা গার্দ ওফ ওনর য়েংগনি।

প্রধান মন্ত্রীগী গার্দ ওফ ওনরগী কন্তিনজেন্ত অদুদা ওফিসার অমা অমসুং লান্মী, নেভি অমসুং এয়র ফোর্স অমসুং দিল্লি পুলিসতগী মীওই ২৪/২৪ য়াওগনি। রেম্পাৎকী মখাদা লৈবা মোত পরিংদা লৈরিবা জাতিগী ফিরাল হেক মমাংদা গার্দ ওনর লৈগনি ।

চহি অসিদা, আর্মিনা কোওর্দিনেতিং সর্বিস ওইবনা, গার্দ ওফ ওনর অসি লেপ্তনেন্ত কর্নেল গৌরব য়েৱালকারনা লুচিংগনি । প্রধান মন্ত্রীগী গার্দকী আর্মি কন্তিনজেন্ত অদু মেজর পালবিন্দর গ্রেৱালনা লুচিংগনি, নেভিগী কন্তিনজেন্ত লেপ্তনেন্ত কমান্দর কে ভি আর রেদ্দি অমসুং এয়র ফোর্স কন্তিনজেন্ত ইসক্বাদ্রোন লিদর বিকাস কুমারনা লুচিংগনি অমসুং দিল্লি পুলিস কন্তিনজেন্ত এদিসনেল দিপুতি কমিসন্নর জিতেন্দ্র কুমার মিনানা লুচিংগনি ।

লেপ্তনেন্ত কর্নেল জে.তি ইভাতকী লমজিং মখাদা ১৯০১গী মার্চ ১দা লান্সদাউনদা গরহৱাল রাইফলসকী অনিসুবা বত্তালিয়ন লিংখৎখি। মসি ভারত লান্মীগী খ্বাইদগী ফবা বত্তালিয়নশিংগী মনুংদা অমনি অমসুং চহি ১০০ হেন্না মিংচৎ কয়া পুরকখ্রে অমসুং মশক থোকপা থবক কয়া পাংথোকখ্রে। বত্তালিয়ন অসি মালেমগী অহানবা লাঞ্জাউ অমসুং মালেমগী অনিসুবা লাঞ্জাউদা বেত্তল ওনর ১১ ফংখি।

নিংতম্লবা মতুংদা, বত্তালিয়ন অসি ১৯৬৫গী লানদা শরুক য়াখি। বত্তালিয়ন অসি ১৯৯৪দগী ১৯৯৮ ফাওবা অমসুং ২০০৫ অমসুং ২০০৭গী মরক্তা ওপরেসন রাকসক শরুক য়াবগী খুদোংচাবা ফংখি। বত্তালিয়ন অসিনা তেরোরিস্ত ৮০ হেন্না হাৎখ্রে।

গার্দ ওনর য়েংলবা মতুংদা প্রধান মন্ত্রী নরেন্দ্র মোদীনা লাল কিলাদা চৎকনি অমসুং মফম অদুদা মহাক দিফেন্স মিনিস্তর রাজনাথ সিংহ, চীফ ওফ দিফেন্স স্তাফ জেনেরেল বিপিন রৱাত, চীফ ওফ আর্মি স্তাফ জেনেরেল এম.এম নারাবানে, চীফ ওফ নেভেল স্তাফ এদমিরেল করামবির সিংহ অমসুং চীফ ওফ এয়র স্তাফ এয়র চীফ মার্সেল আর.কে.এস বাদৌরিয়ানা তরাম্না ওক্কনি। জাতিগী ফিরাল চিংখৎনবা প্রধান মন্ত্রী দাইজ ফাওবা দিল্লি এরিয়াগী জি.ও.সিনা পুশিনগনি।

প্রধান মন্ত্রী নরেন্দ্র মোদীনা জাতিগী ফিরাল চিংখৎলবা মতুংদা, নেসনেল গার্দনা জাতিগী ফিরালদা ‘রাস্ত্রিয়া সেলুত’ পীগনি । জাতিগী ফিরাল চিংখৎলিঙৈ অমসুং ‘রাস্ত্রিয়া সেলুত’ পীরিঙৈদা আর্মি গ্রেনেদিয়র্স রেজিমেন্তেল সেন্তর মিলিতরি বেন্দনা নেসনেল এন্থেম খোঙগনি । য়ুনিফোর্ম শেৎপা সর্বিস পর্সোনেলশিং লেপকনি অমসুং সেলুত পীগনি , অতৈনা লেপকনি অমসুং জাতিগী ফিরালদা ইকায়খুম্নবা উৎকনি। বেন্দ অদু সুবেদার মেজর অবদুল গানিনা লুচিংগনি ।

প্রধান মন্ত্রীনা জাতিগী ফিরাল চিংখৎপদা মেজর শ্বেতা পান্দেনা মতেং পাংগনি । মচু অহুমগী ফিরাল চিংখৎপা মতমগা চাননা ২২৩৩ ফিল্দ বেত্তরিগী গন্নরশিংনা গন সেলুত ২১ পীগনি। সেরিমোনিয়েল বেত্তরি অসি লেপ্তনেন্ত কর্নেল জিতেন্দ্র সিংহ মেহতানা লুচিংগনি অমসুং নাইক সুবেদার অনিল চান্দনা গন পোজিসন ওফিসার ওইগনি।

নেসনেল ফ্লেগ গার্দ মীওই ৩২না শাবনি অমসুং আর্মি, নেতি, এয়র ফোর্স অমসুং দিল্লি পুলিসতগী ওফিসার অমমমনা প্রধান মন্ত্রীনা জাতিগী ফিরাল পাইহনবা মতমদা রাস্ত্রিয়া সেলুত পীগনি ।মসিগী ইন্তর-সর্বিসেস গার্দ অমসুং পুলিস গার্দ অসি আর্মিগী মেজর সুরয়া প্রকাসনা লুচিংগনি। নেসনেল ফ্লেগ গার্দকী নেভিগী কন্তিনজেন্ত অদু লেপ্তনেন্ত কমান্দর বিবেক তিঙ্গুলু, এয়র ফোর্স কন্তিনজেন্তনা ইসক্বাদ্রোন লিদর মায়ানক অবিশেক অমসুং দিল্লি পুলিস কন্তিনজেন্তনা পুলিসকী এদিসনেল দপুতি কমিসন্নর সুধানসু ধর্মনা লুচিংগনি।

নেসনেল ফ্লেগ গার্দকী আর্মি কন্তিনজেন্ত অসি অহানবা গোর্খা রাইফলসকী ৫সুবা বত্তালিয়নদগী লৌখৎপনি। অসি অহানবা গোর্খা রাইফলসকী ৫সুবা বত্তালিয়ন অসি ১৯৪২গী জনুৱারিদা ধরমসালাদা লিংখৎখি অমসুং তুংদা ১৯৪৬গী দিশেম্বরদা মুৎথৎখি। মসি ১৯৮৫দা হিমাচল প্রদেসকী সোলানদা ১৯৬৫গী জনুৱারিদা ১দা অমুক হিঙ্গৎহনখি।

১৯৭১দা নোংপোক পাকিস্থানদ চৎথখিবা ‘ওপরেসন কেকতস লিতি’ মনুংদা বত্তালিয়ন অসিগী থৌনা উৎখি অমসুং মদুগীদমক বির চক্র অনি ফংখি। বত্তালিয়ন অসিনা ২০০৮দগী ২০০৯ ফাওবা সুদান্দা য়ুনাইতেদ নেসন মিসন শরুক য়াখি। বত্তালিয়ন অসি হৌজিক ভারতকী রাস্ত্রপতিগী সেরিমোনিএল আর্মি গার্দ ওইনা মথৌ পাংথোক্লি।

জাতিগী ফিরাল পাইহল্লবা মতুংদা, প্রধান মন্ত্রী নরেন্দ্র মোদীনা লৈবাক্কী মীয়ামদা ৱা ঙাংগনি। প্রধান মন্ত্রীনা ৱা ঙাংবা লোইরবা মতুংদা, নেসনেল কেদেৎ কোরনা নেসনেল এন্থেম শক্কনি । শরুক য়ারিবা খুদিংমক মখোয়গী ফমফমদগী লেপকনি অমসুং নেসনেল এন্থেম শকপা শরুক য়াগনি । য়ুনিফোর্ম শেৎপা সর্বিসকী মীওইশিং মসিগী মতম অসিদা সেলুত পীবা দরকার ওইদে।

লৈবাক্কী কুম্মৈ অসিদা, তোঙান-তোঙানবা স্কুলশিংদগী লাকপা এন.সি.সি কেদেৎ ৫০০ শরুক য়াগনি।

*******