উপ-রাস্ত্রপতিগী লোইশঙ
নিংতম্বা নুমিৎনা লাকপদা উপ-রাস্ত্রপতিনা মীয়ামদা য়াইফ-পাউজেল পীবা
Posted On:
14 AUG 2020 4:28PM by PIB Imphal
নিংতম্বা নুমিৎনা লাকপদা উপ-রাস্ত্রপতি শ্রী ভেঙ্কয়া নায়দুনা মেসেজ অমদগী মীয়ামদা য়াইফ-পাউজেল পীখ্রে।
মখাদা পীরিবা অসি পাউজেল অদুগী মপুং ফাবা ৱারোলনি:
নিংতম্বা ফংখিবা নুংঙাইরবা নুমিৎ অসিনা লাকপদা ঐহাক্না লৈবাক অসিদা লৈবিরিবা ইরৈচা খুদিংমক্তা য়াইফ-পাউজেল পীজরি।
ঙসি ঐখোয়না ইরৈবাক্কী ৭৪ শুবা নিংতম্বা ফংখিবা নুমিৎ অসি পাংথোক্লি। ঐহাক্না ইরৈবাক অসি মনিং তমহন্নবগীদমক্তা অমদি মদু তুংদা নিংথিনা শোই-ঙামদবা অমা ওইহন্নবা মশিং থিঙমদ্রবা মওংদা কত্থোকপিখিবা নিংতম লান্মিশিং অদুগী মফমদা ইকাই খুম্নবা উৎচরি। ঐখোয়নসু নিংতম্বা ফংহন্নবগীদমক্তা মথ্বায় কত্থোকখ্রবা লান্থেংনখিবা অথৌবশিং অদুগী মফমদা তৌবিমল খংবা উত্তুনা নিংশিংমিন্নসি।
খ্বাইদগী ৱাহন্থোক লৈবা মওংদা ঐখোয়না মরিবাক নিংবশিং অসিগী মফমদা ইকাই খুম্নবা উৎপদি মখোয়না পামজরম্বা লৈবাক অমা ওইহনবনি। নিংতম্বা নুমিৎ অসিদা বিলিয়ন কয়াগী মংলান অসি ফোংদোকপা অমদি মপুং ফাহনবা ঙম্বা অপুনবা, মপাঙ্গল কনবা, খুঞ্জাউ-লৈচাউবা, শুনা য়াওবা অমদি ইং-তপ্পা লৈবাক অমা ওইহন্নবগী অচেৎপা ৱাশক অদু অমুক নৌথোকহল্লসি।
নিংতম্বা ফংখিবা নুমিৎ অসিদা লৈবাক অসিদা অফবা ৱাখল্লোন, ৱাখল তিন্নবা অমদি খুঞ্জাউ-লৈচাউবা পুরকপা ওইরসনু।
*****
(Release ID: 1645858)
Visitor Counter : 148