কেন্দ্রনা রাজ্য/য়ু.তি. সরকারশিংগা লোয়ননা গ্রেদেদ ওইবা, প্রি-এম্পতিব ওইবা অমসুং পুন্না হোৎন্দুনা কোবিদ-১৯ লাকশিন্নবা হোৎনরি। লৈবাক শিনবা থুংনা মেদিকেল ইনফ্রাস্ত্রকচর চাউথোক্নবা অমসুং কনখৎনবা লেপ্তনা হোৎনবগী শরুক ওইনা, তোঙান তোঙানবা পোলিসীগী ৱারেপশিং চাং নায়না লৌখৎলি।

লায়চৎ অসি হৌরকপদা, এন৯৫ মাস্কশিং, পি.পি.ই. কিৎশিং, ভেন্তিলেতরশিং য়াওনা মালেম পুম্বদা মখল পুম্নমক্কী মেদিকেলগী খুশু খুলাইগী অৱাৎপা লৈখি। হৌরকপদা অয়াম্বা প্রদক্তশিং অসি লৈবাক অসিদা শারমখিদে, মথৌ তাবা মচাক অয়াম্বা অতোপ্পা লৈবাকশিংদগী প্রোক্যুর তৌবা তারমখি। মালেম পুম্বদা লায়চৎ অসিনা মরম ওইদুনা দিমান্দ হেনগৎলকপনা মপালগী কৈথেলশিংদা ফংবা ৱারকখি।

লায়চৎ অসিনা ঐখোয়গী লমদম অসিগী কৈথেলদা মেদিকেলগী খুশু খুলাই পুথোক্নবা খুদোংচাবা অমা ওন্থোক্তুনা, হকশেল অমসুং য়াইফ য়ুম্বাল মন্ত্রালয়, তেক্সতাইলস মন্ত্রালয়, ফার্মাকোতিকেলস মন্ত্রালয়, দিপার্মেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.), দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.) অমসুং অতোপ্পশিংনা পুন্না হোৎন্দুনা ভারতনা মশাগী পোৎ পুথোকচাবা চাউনা হেনগৎলকখি।

অসিদা পোৎ পুথোকপা ঙম্বগী চাং হেনগৎহন্দুনা অমসুং লৈবাক অসিদা মথৌ তারিবা পি.পি.ই.শিং পীবা ঙম্লবগা লোয়ননা, জুলাই ২০২০দা থোকখিবা দিরেক্তর জেনরেল ওফ ফোরেন ত্রেদ (দি.জি.এফ.তি.)গী রিভাইস নোতিফিকেসন (নোতিফিকেসন নম্বর ১৬/২০১৫-২০, তাং জুন ২৯, ২০২০) অসিনা পি.পি.ই.শিং এক্সপোর্ত তৌবদা অবাবা পীখ্রে। কোমথোরকপা অসিনা মরম ওইরগা, জুলাই থা অসিমক্তদা ভারতনা লৈবাক মঙাদা পি.পি.ই. লাখ ২৩ এক্সপোর্ত তৌখ্রে।মসিদা য়ু.এস.এ., য়ু.কে., য়ু.এ.ই., সেনেগেল অমসুং স্লোভেনিবানি। মসিনা ভারতপু মালেমগী পি.পি.ই.শিং এক্সপোর্তকী তৌবগী কৈথেলদা মশাগী মফম অমা কনবদা মতেং পাংখ্রে

অত্মানির্ভার ভারত অভিয়ানদা য়াওরিনা “মেক ইন ইন্দিয়া”গী ৱাখল্লোন অসিনা মরম ওইরগা পি.পি.ই.শিং বাওনা মখল কয়াগী মেদিকেলগী খুশু খুলাইশিং লৈবাক অসিদা পুথোকচদুনা মীপাল তাংদবা ঙমহনখ্রে।অমরোমদা কেন্দ্র সরকারনা রাজ্য/য়ু.তি. সরকারশিংদা পি.পি.ই.শিং., এন৯৫মাস্কশিং, ভেন্তিলেতরশিংনচিংবা  সপ্লাই তৌরবসু রাজ্যশিং অসিনা মখোয় মশানা হকথেংননা পোৎলমশিং অসি প্রোক্যুর তৌরি। মখোয় মশাগী বজেৎতরী রিসোর্সশিংদগী ২০২০গী মার্চতগী ওগস্তকী মরক্তা মখোয়না লমদম অসিদা শাজবা পি.পি.ই. কোতি ১.৪০ প্রোক্যুর তৌখ্রে। মতম অসিমক্তদা, কেন্দ্রনা রাজ্যশিং/য়ু.তি.শিং/ কেন্দ্রগী লোয়শঙশিংদা লেম্না পি.পি.ই. কোতি ১.২৮ য়েন্থোকখি।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

***********