প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা “ত্রান্সপেরেন্স তেক্সেসন – মপুকচেল শেংবশিংবু ইকায়খুম্নবা” ফম্পাক হৌদোকখ্রে‍।

থৌরমদুদা ৱা ঙাঙলদুনা মহাক্না হায়খিবদা লৈবাকসিদা লৈরম্লিবা মওং মতৌদা অহোংবা পুরকপগী থৌওং অসি ঙসিদি ফনা য়াম্না খুমাঙ চাওশিল্লে‍। প্রধান মন্ত্রীনা হায়খিবদা “ত্রান্সপেরেন্স তেক্সেসন – মপুকচেল শেংবশিংবু ইকায়খুম্নবা” ফম্পাক অসি ২১শুবা চহীচাগী খাজনাগী মওং মতৌগী মথৌ তাবশিং চুননবা হৌদোকখিবনি‍। ফম্পাক অসিদা ফেসলেস এসেসমেন্ত, ফেসলেস অপিল অমদি তেক্সপেয়র চার্তরনচিংবা অচৌবা অহোংবা কয়া য়াওরি হায়না মহাক্না শন্দোক্না তাকখি‍।

ফেসলেস এসেসমেন্ত অমসুং তেক্সপেয়র চার্তর ঙসিদগী চৎনবা হৌরে অদুগা ফেসলেস অপিলগী খুদোংচাবদি দীন দয়াও উপধ্যায়গী মপোক কুমওন নুমিৎসু ওইরিবা সেপ্তেম্বর ২৫দগী লৈবাক শীনবা থুংনা চৎনবা হৌরগনি‍ হায়না মহাক্না হায়খি‍। অনৌবা ফম্পাক অসি ফেসলেস ওইবতা নত্তনা খাজনা থীরিবশিংগী মশাবু থাজবা হেনগৎহন্নবা অমদি মখোয়বু অকিবা লৈহন্দনবা পান্দম থম্লি‍।

পি.এম.না হায়খিবদা হৌখিবা চহী তরুকসিদা লৈঙাক অসিনা থমখিবা পান্দমদি “বেঙ্কিং তৌদ্রিবশিংবু বেঙ্কিং তৌহনবা, সিক্যুর ওইদ্রিবশিংবু সিক্যুর ওইহনবা, শেন থাদদ্রিবশিংদা শেন থাদবা অমদি মপুকচেল শেংবশিংবু ইকায়খুম্নবা” হায়বসিনি অদুগা “মপুকচেল শেংবশিংবু ইকায়খুম্নবা” হায়রিবা ফম্পাক অসি মায়কৈ অসিদা চঙশিল্লক্লি‍।

লৈবাক শেমগৎপদা পুকচেল শেংবা খাজনা থীরিবশিংগী থৌদাংবু থাগৎলদুনা প্রধান মন্ত্রীনা হায়খিবদা অসিগুমবা খাজনা থীবশিংগী পুন্সিবু নুংঙাইহনবা হায়বসি লৈঙাকসিগী থৌদাংনি‍। “মপুকচেল শেংবা খাজনা থীবা মীওই অমগী পুন্সিনা নুংঙাইরবা মতমদা মহাক্না মাঙদা চৎখত্তুনা চাওখৎপা ওইরক্কনি, অদুগা লৈবাকসিসু চাওখৎলক্তুনা খুমাঙ চাওশিল্লক্কদৌরিবনি,” হায়না পি.এম.না মখা তাখি‍।

প্রধান মন্ত্রীনা হায়খিবদা ঙসি হৌদোক্লিবা অনৌবা ফেসিলিতীশিং অসি লৈঙাক্কী খুৎ য়াম্না য়াওদনা লৈঙাক্লোন মরাং কায়হনবা ফীভম ফংহন্নবা লৈঙাক অসিগী পান্দমগী শরুকশিংনি‍। চৎন-কাংলোন, আইন অমদি থৌশিল খুদিংমক শক্তিদা য়ুম্ফম ওইহনবগী মহুৎ মীয়ামদা য়ুম্ফম ওইহনবা অমদি মীয়ামগা চুনবা ওইহন্নবা পুক্নীং চঙলি‍ হায়না মহাক্না হায়খি‍। অনৌবা লৈঙাক্লোনগী মওং মতৌ অসি শীজিন্নবনা অফবা মহৈ পুরক্লি হায়না মহাক্না হায়খি‍।

প্রধান মন্ত্রীনা হায়খিবদা থবক থৌরম খুদিংমক পাঙথোক্নবা থৌদাংদা অহেনবা মীৎয়েং পীবা অকোয়বগী ফীভম অমা শেমগৎলি‍। মসি নম্ফু অমদি চৈরাক কিবনা মরম ওইগা পুরকপা মহৈ নত্তে, লৈঙাকসিনা পায়খৎলিবা মরম চাবা লম্বী অসিবু খঙবদগী ওইরকপনি‍। লৈঙাকসিনা হৌদোক্লিবা অহোংবশিং অসি মচিৎ মচিৎ তৌবা থবক নত্তে, মরম চাবা মীৎয়েংদা পান্দম ফংননবা পায়খৎপা থৌরাংনি হায়না মহাক্না হায়খি‍।

প্রধান মন্ত্রীনা হায়খিবদা লৈবাকসিগী হান্না চৎনরম্লিবা খাজনাগী মওং মতৌ অসি নীংখা তমদ্রিঙৈ মমাঙদা শেম্লমবা মরম্না মরূদগী অহোংবা পুরকপা মথৌ তাই‍। নীংখা তম্লবা মতুংদা পুরকখিবা অহোংবশিং অসিনসু মসিগী নুংগী ওইবা মশক মওং হোংদোকপা ঙমখিদে হায়না মহাক্না হায়খি‍।

প্রধান মন্ত্রীনা হায়খিবদা হান্না লৈরম্লিবা মওং মতৌ অসিগী অরুবা মওং মতৌ কয়াসিনা চৎনবদা খুদোংচাদবা কয়া মায়োক্নহল্লি‍।

লায়থোকহল্লবা আইন অমসুং থৌওংনা ইনবদা হেন্না লায়হল্লি‍। খুদম অমা হায়রগদি খাজনা মখল কয়াগী মহুৎ শিনখিবা জি.এস.তি. অসিনি হায়না মহাক্না হায়খি‍।

প্রধান মন্ত্রীনা হায়খিবদা খ্বাইদগী নৌবা আইন অসিনা হায় কোর্ততা কেস ফাইল তৌবগী লিমিত লুপা করোর ১ ফাওবা অমদি সুপ্রিম কোর্ততা কেস ফাইল তৌবগীনা লুপা করোর ২ ফাওবগী লিমিত থমদুনা লিগেলগী ওইবা পোৎলুম হন্থহল্লে‍। ‘বিবাদ সে বিস্বাস’ স্কিমগুম্বা থৌরাংশিংনা কেস অয়ামবা কোর্তকী মপান্দা লোইশিন্নবা লম্বী য়াৎলে‍।

প্রধান মন্ত্রীনা হায়খিবদা হৌজিক অহোংবা পুরক্লিবা অসিগী শরুক অমা ওইনা তেক্স স্লেবশিং রেসনেলাইজ তৌবগা লোয়ননা লুপা লাখ ৫ ফাওবগী শেন লাকপদা তেক্স অমত্তা লৈহন্দ্রে, অদুগা অতৈ তেক্স স্লেবশিংদসু খাজনাগী চাং হন্থহল্লে‍। ভারত অসি মালেমগী ওইনা কোর্পোরেত তেক্স খ্বায়দগী নেমবা লৈবাকশিংগী মনুংদা অমা ওইরি হায়না মহাক্না ফোঙদোকখি‍।

পি .এম.না ফোঙদোকখিবদা হৌজিক অহোংবা পুরক্লিবা অসিনা তেক্স সিস্তেম অসিবু অপনবা লৈহন্দবা, চৈথেং লৈহন্দবা অমদি মায়থোঙ নাইদবা মওং অমা ওইহন্নবা পান্দম থম্লি‍। অপনবা লৈহন্দবা থৌওং অসিনা খাজনা থীরিবশিংবু মখা তানা খোঙলৌ পল্লৌদুনা থমবগী মহুত্তা মখোয়গী ৱায়েৎশিং লোইশিন্নবা থবক তৌরি‍ হায়না মহাক্না হায়খি। চৈথেং লৈতবা হায়বসিনা তেক্নোলোজীদগী হৌরগা চৎন-কাঙলোনশিং পুম্নমক লায়থোকহনবনি‍ হায়না মহাক্না হায়খি‍। মায়থোঙ নাইদবা হায়বসিগী মতাংদা পল্লদুনা মহাক্না হায়খিবদা স্ক্রুতিনী, নোতিস, সর্ভে নৎত্রগা এসেসমেন্তকী হীরম খুদিংদা খাজনা থীরিবশিংগা ইনকম তেক্স ওফিসরশিংগগী মরক্তা হকথেংননা থেংনবগী মথৌ তাররোই‍।

তেক্সপেয়র চার্তর হৌদোকপগী মতাংদা পল্লদুনা প্রধান মন্ত্রীনা হায়খিবদা খাজনা থীরিবশিংদা অচুমবা, চীং লেমবা অমদি মরম চাবা হৌন-লোনচৎ ফংহনগদবা মশক নাইবা খোঙথাঙ অমনি‍। চার্তর অসিনা খাজনা থীরিবশিংগী ইকায়খুম্নবা অমদি সেন্সিতিভিতীবু মাঙহন্দে অমদি মসি থাজনবা হায়বসিদা য়ুম্ফম ওইবা অমদি এসেসীশিংবু মরম অমা লৈতনা চীংনবা লৈহল্লরোই‍।

হৌখিবা চহী তরুকসিদা কেসশিংগী স্ক্রুতিনী ইং ২০১২-১৩দা চাদা ০.৯৪ ওইরমবদগী ইং ২০১৮-১৯দা চাদা ০.২৬ ওইরক্তুনা শরুক মরী হন্থরকপগী মতাংদা পল্লদুনা প্রধান মন্ত্রীনা হায়খিবদা মসিমক লৈঙাক অসিনা রিতর্নীশিংদা থম্লিবা থাজবা অদুগী মমিনি‍। হৌখিবা চহী ৬সিদা ভারত্তা তেক্স এদমিনিস্ত্রেসনদা অনৌবা লৈঙাক্লোন মওং অমা উবা ফংলি‍। হায়রিবা থৌরাং ময়ামসিগী মরকসিদা হৌখিবা চহী ৬-৭সিদা ইনকম তেক্স রিতর্ন ফাইল তৌরকপা মীশিং করোর ২.৫রোম হেনগৎলে হায়না মহাক্না হায়খি‍।

অদুম ওইনমক মীশিং করোর ১৩০ লৈবা লৈবাকসিদা তেক্স থীবা মীওই করোর ১.৫ খক্তমক লৈরিবা অসি নাথৈদুনা থমবা য়ারোইদবা ৱাফম অমনি হায়না প্রধান মন্ত্রীনা ফোঙদোকখি‍। শ্রী মোদীনা মীয়ামবু মখোয় মশাগী ফীভম অমুক হন্না য়েংশিঞ্জনবা অমদি মাঙদা থোরক্তুনা মখোয়গী অতোনবা তেক্স থীদোক্নবা ৱাফম থমখি‍।

অসুম্না তৌবনা ইরোমদোম লেপচবা ভারত, আত্মনিরভরভারত শেমবদা মতেং ওইগনি হায়না প্রধান মন্ত্রীনা হায়খি‍।

***