রোদ ত্রান্সপোর্ত, হাইৱেজ অমসুং এম.এস.এম.ই.গী য়ুনিয়ন মিনিস্তর শ্রী নিতিন গদকরীনা ইন্তর্নেসনেল ইন্সতিত্যুসনস অমসুং ইন্দিয়ন হাইৱেজ অমসুং এম.এস.এম.ই.গী মফমশিং শেন্থং পীথবা হেনগৎনবা নিংশিংখ্রে। মহাক্না হায়খি মদুদি, ওতোমোবাইল অমসুং এম.এস.এম.ই. অসি ইন্দিয়ন ইকোনোমীগী ইনখৎলক্লিবা ইঞ্জিন অমনি।   

ইন্দো-ওস্ত্রেলিয়ান চেম্বর ওফ কর্ম্মস অমসুং ৱুমেনোভেতর ওন ত্রেদ ইনভেস্তমেম্ত অমসুং কোলাবোরেসন ইন রোদ ইনফ্রাস্ত্রকচর অমসুং এম.এস.এম.ই.দা ঙসি ৱা ঙাংবদা মিনিস্তরনা হায়খি মদুদি, ইন্দিয়া অমসুং ওস্ত্রেলিয়া অসি হান্ননা লম্বীগী খুদোংখিবা থোক্তনবা অমগা অমগা মরী লৈনৈ। মহাক্না হায় মদুদি, মসিগী খুৎশম্নবা অসিনা মীয়াম্দা লম্বীদা চৎকদবা কাংলোনশিং পীবগী খুদোংচাবা ফংহল্লি। ইন্দিয়ন রোদ সেফতি এসেসমেন্ত প্রোগ্রামগী মখাদা লৈবা কিলোমিতর ২১০০০ লম্বী অসিদা  কিলোমিতর ৩০০০ শাংবা লম্বী অসি তেক্নোলোজিকেল ওইনা শেমগৎখ্রে। মহাক্না হায় মদুদি, হেন্না ফবা লম্বীগী ইঞ্জিন্যারিং অমসুং মীয়াম্বু খঙহন্নবা অসি চাওখৎনা হোৎনগনি। মহাক্না মখা তানা হায় মদুদি অপগ্রেত তৌরিবা প্রোগ্রাম অসিনা ৫০% অমদি লম্বীগী খুদোংথিবদগী হন্থরগনি। শ্রী গদকরীনা খঙহনখি মদুদি, ঐখোয়গী পান্দম অসি ২০৩০দা লম্বীদা মী শিবগী চাং অসি জেরো ওইহনবনি।

শ্রী গদকরীনা খংহনখি মদুদি মহাক্কী মিনিস্ত্রীনা লম্বীগী খুদোংথীবা থোক্তনবা খোঙথাং কয়া লৌখৎলি। মালেমগী বেঙ্ক অমসুং এ.দি.বি.না লুপা করোর ৭০০০ মসিগী পাওজেল অসিদা পীখি। মহাক্না হায় মদুদি মীয়ামগী খঙন্নবা অমসুং ইজুকেসন্না, খুদক্কী ওইবা মতেং পাংই, হিদাক লাংথক্তা হেন্না শাফু পীবা, হোস্পিতাল হেন্না শেমগৎপা অসিনা চিংবনা লৈবাক অসিগী লম্বগী খুদোংথিনিঙাই ওইদনবা মাইকৈরোম্দা চংশিল্লি।  মহাক্না এম.ভি. এক্ত ওফ ২০১৯, ইন্দিয়াগী ত্রান্সর্পোত সেক্তরদা আইনগী ওইবা অয়াম্বা শিন্নখ্রে।   

মিনিস্তরনা হায়খি মদুদি, সরকার অসি খুঙ্গং, লৌউ-শিংউবা অমসুং ত্রাইবেলগী মফমশিংদা মখোয়দা থবক্কী খুদোংচাবা পীনবা মিয়েং চংলি। মহাক্না হায়খি মদুদি, এম.এস.এম.ই.না লাকদৌরিবা চহী খর অসিদা ইন্দিয়াগী ইকোনোমি ফগৎহনগনি।  মহাক্না হায়খি মদুদি ইনফ্রা অমসুং ইন্সুরেন্স মফমশিংদা শেন থাধনবগী হাংদোক্লে হায়বদি মফম অসিদা ইম্সুরেন্স, পেন্সন অমসুং ইকোনোমি খাইদোক্নবগী অচৌবা খুদোংচাবা লৈ। মহাক্না হায়খি মদুদি এম.এস.এম.ই.না অথুবদা অচৌবা বজার অমা ওইরগনি। 

ওস্ত্রেলিয়াগী দিপুতি প্রাইম মিনিস্তরনসু মহাক্না মখোয়গী লৈবাক্কী লম্বীগীদমক মখল কয়াগী খোঙথাং লৌখৎতুনা লম্বীদা শোই ঙাম্দনবা শিনখ্রে। মহাক্না মখা তানা হায়খি মদুদি ইন্দিয়া অমসুং ওস্ত্রেলিয়া অনিগী মরক্তা অমুক্তা লৈখিদ্রবা মওংদা য়াম্না ফবা মরী লৈরে। মহাক্না থাজবগা লোয়ন্না ফোংদোকখি মদুদি লৈবাক অনিসিগী মরী অসি মখা তানা অসুম লৈখিগনি লোয়ননা ত্রেদ অমসুং কর্ম্মসকী লমদসু য়াওশিল্লক্নি। মহাক্না বিল্দিং মওং মতৌ শানবগী অপাম্বা ফোংদোকখি অমসুং মসি কোভিদ ১৯ লায়চৎপু লান্দুনা চৎপগী লম্বী অমনি।   

***