অপুনবা স্তেন্দর্দ কেয়র এপ্রোচতা য়ুম্ফম ওইবা অরুবা অনবা লায়েংবগী স্তেন্দর্দাইজ ক্লিনিকেল মেনেজমেন্তগা লোয়ননা লাকশিন্নবা মপুং ফাবা লালোং লৌখৎপা, তেস্ত তৌবা কনশিনবা অমদি পাকশন্না তৌবদা মায় পাকপনা মরম ওইরগা হৌখিবা পুং ২৪দা ৫৬,১১০ রেজিস্তর তৌদুনা খ্বাইদগী য়াম্না নোংমদা ফগৎখিবগী রেকোর্দ তৌখ্রে।

কেন্দ্র অমদি রাজ্য/য়ু.তি. সরকারশিংনা পুন্না হোৎনরিবশিং অসিনা নোংমদা ফগৎলকপগী চাং অসি লেপ্তনা হেনগৎলকপা ঙমহল্লি। জুলাইগী অহানবা চয়োলদা নোংমদা ফগৎলকপা কেসশিংগী চাং অসি ১৫০০০ ওইরমখিবা অদু ওগস্তকী অহানবা চয়োলদা ৫০০০০ হেন্না হেনগৎখি।

মীওই কয়া ফগৎলকপা অমসুং হোস্পিতালশিং অমসুং হোম আইসোলেসন্দগী (ফীভম লুদবা অমদি মায়াই ওইরপ তৌবা কেসশিংদা) দিসচার্জ তৌবগা লোয়ননা অপুনবা ফগৎখিবশিং অসি লাখ ১৬ হেন্দুনা ১৬,৩৯,৫৯৯ য়ৌখ্রে। ফগৎলকপগী চাং অসি ৭০.৩৮% ওইদুনা হেন্না ৱাংখৎখ্রে।

লৈবাক অসিগী অশেংবা কেস লোদ অসিনা এক্তিব কেসশিং (৬,৪৩,৯৪৮) ওইরি মসি অপুনবা পোজিতিব কেসশিংগী ২৭.৬৪% খক্তা ওইরি। মখোয় অসি হোস্পিতালশিংদা নত্রগা হোম আইসোলেসন তৌদুনা লায়েং চত্থরি। ফগৎলকপশিং লেপ্তনা অমসুং চাং ৱাংনা হেনগৎলপগা লোয়ননা, কোবিদ-১৯দগী ফগৎখ্রবা অনাবশিং অমসুং এক্তিব কেসশিংগী মরক্তা লৈরিবা খেৎনবা অসি লাখ ১০গী ময় য়ৌখ্রে।

হোস্পিতালশিংদা অফবা অমদি কান্নবা ক্লিনিকেল ত্রীৎমেন্ত পীবা, অনাবা মীওইশিং খুদক্তা অমসুং মতম চানা লায়েং পীনবা এম্বুলেন্সতা পুবদা নন-ইনবেসিব, অফবা অমসুং পুন্না হোৎনমিন্নবদা মীৎয়েং থম্বনা মরম ওইরগা কোবিদ-১৯ নাবা মীওইশিং লেপ্তানা মপুং ফানা য়েংশিনবা ঙমহলি।। মরম অসিনা কেস ফেতেলিতী রেৎ (সি.এফ.আর.) অসি মালেমগী ওইরিবা ফীভম অসিগা চাংদম্নবদা নেম্লি । ঙসি কেস ফেতেলিতী রেৎ অসি ১.৯৮% ওইরি।

ভারতকী তেস্ত, ত্রেক্ত, ত্রীৎকী লালোং অসিনা হৌখিবা পুং ২৪দা তেস্ত ৭,৩৩,৪৪৯ তৌদুনা খ্বাইদগী ৱাংনা তৌবা ঙমখ্রে। মসিনা তেস্ত তৌখিবগী অপুনবা মশিং কোতি ২.৬ হেন্না হেনখ্রে। তি.পি.এম.না ১৮,৮৫২ য়ৌখ্রে।

গ্রেদেদ ওইবা খোঙথাং লৌখৎপা অসিনা মরম ওইরগা লৈবাক অসিদা তেস্তিং নেৎ হেনগৎহন্নবা তেস্তিং লালোং অমা লৈহল্লি। লালোং অসি লেপ্তনা লৌখৎপগা লোয়ননা তেস্তিং লেবকী নেৎৱার্ক লেপ্পা লৈতনা হেনগৎলক্তুনা ঙসি লৈবাক অসিদা লেব ১৩৪৮ লৈরে; লৈঙাক্কী লেব ৯৪৪ অমদি লন্নাইগী লেব ৪৭৭গা লৈরে। মসিদা য়াওরিবশিং অদুদি:

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৭২৪ (লৈঙাক্কী: ৪৩১ + লন্নাইগী: ২৯৩)
• ত্রুনেতদা বেজ তেস্তিং লেব: ৫৮৪ (লৈঙাক্কী: ৪৮১ + লন্নাইগী ১০৩)
• সি.বি.এন.এ.এ.তি.দা বেজ তেস্তিং লেব: ১‌১৩ (লৈঙাক্কী ৩২ + লন্নাইগী ৮১)

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*****