অকোইবগী ফিভম অমসুং ঊমংগী মন্ত্রালয়
মীওইবা-শামু মুক্নবা লোইশিন্নবা তুংকোইনা চৎনগদবা, অফবা পাম্বৈ অমা পুথোক্নবা সরকারনা থবক পায়খৎলে: য়ুনিয়ন এনভাইরনমেন্ত মিনিস্তর
মালেমগী শামু নুমিৎ লাকপদা ভারত্তা মীওইবা-শামু মুক্নবা লোইশিন্নবা খ্বাইদগী ফবা থবকশিংগী লাইরিক ফোঙলে
Posted On:
10 AUG 2020 3:34PM by PIB Imphal
ঙসি নই দিল্লীদা মালেমগী শামুগী নুমিৎ মাংওইন্না য়ুনিয়ন এনভাইরনমেন্ত মিনিস্তর প্রকাস জাবরেকারনা হায়খি মীওইবা-শামু মুক্নবা হেনগৎলক্লিবা অসি কোকহন্নবা উমংদা লৈরিবা শাশিংদা চিঞ্জাক অমসুং ঈশিং পীনবা থবকশিং পায়খৎলে।
हम "Fodder and Water Augmentation in Jungle Area" कार्यक्रम में LIDAR टेक्नोलॉजी से सर्वे कर रहे हैं। जिसके तहत दिसंबर के बाद जो काम होगा, उसके सहारे अगले साल से जंगलों में पानी, घास और खाद्य बहुत अच्छी मात्रा में पैदा होगा, #HumanAnimalConflict कम होगा यह मुझे पूरा विश्वास है | pic.twitter.com/GV3mLAes7t
— Prakash Javadekar (@PrakashJavdekar) August 10, 2020
মিনিস্তরনা হায়খি শামুশিং অমসুং অতোপ্পা শাশিং কন্নবা ভারতনা থবক পায়খৎলে অমসুং মীওইবা অমসুং লম্লক্কী শা মুক্নবা লোইশিন্নবা শেন চঙদবা অমসুং খ্বাইদগী অফবা থবকশিং পায়খৎলে। ঐখোয়না ফোরেস্তকী স্তাফশিং ত্রেনিং পীবা দরকার ওই।
![](http://static.pib.gov.in/WriteReadData/userfiles/image/image001H61M.jpg)
থৌরম অদুদা “ভারত্তা মীওইবা-শামু মুক্নবা লোইশিন্নবা খ্বাইদগী ফবা থবকশিং” হায়বা লাইরিমচা অমা মিনিস্তরনা ফোঙখি অমসুং মহাক্না হায়খি মুক্না লোইশিন্নবা অমসুং মমল য়াম্লবা মীওইবগী পুন্সি কয়া অমসুং শামুশিং কন্নবা মীওইবা-শামু পুন্না হিংমিন্নবগী থবক হেনগৎহনবা অসি য়াম্না মরুওই।
![](http://static.pib.gov.in/WriteReadData/userfiles/image/image002G8EH.jpg)
শামু লৈবা রাজ্যশিংনা মাইপাক্না পায়খৎলিবা থবকশিংগী মতাংদা ফোতোশিং লাইরিকমচা অসিদা য়াওরি অমসুং মীওইবা-শামু মুক্নবা হন্থহন্নবা পায়খৎপা য়াবা থবকশিং পায়খৎনবা মেনুএল অমা ওইনা শীজিন্নবা য়াগনি।
থৌরম অদুদা এনভাইরনমেন্ত মিনিস্ত্রিগী রাজ্য মন্ত্রী বাবুল সুপ্রিয়োনা হায়খি, লৈবাক অসিদা শামু মশিং হেনগৎপা অসি অপেনবা পোকই। শামুশিং কনবা দরকার ওই অমসুং মীওইবা অমসুং শামু মুক্নবা লোইশিনগদবনি। মরাল লৈতবা শাশিং হাৎপদা সরকারনা তুমিন্না লৈথোক্লোই অমসুং মীওইবা অমসুং শা মুক্নবা লাকশিন্নবা কেন্দ্র সরকারনা খ্বাইদগী ফবা থবকশিং পায়খৎলি।
থৌরম অদুদা, মীওইবা-শামু মুক্নবগী মতাংদা বেতা ভর্জনগী পোর্তেল অমা জাবরেকার অমসুং সুপ্রিয়ো অমসুং মিনিস্ত্রিগী অতৈ ওফিসিএলশিংগা লোয়ননা ফোঙখি। “সুরক্ষ” কৌবা মীওইবা-শামু মুক্নবগী নেসনেল পোর্তেল অসিদা মতম চপ চাবা ই-পাউ অমসুং মুক্নবা লোইশিন্নবা মতেং পাংনবা দেতা খোমজিনবগী প্রোতোগোলশিং অমসুং থবক ওইনা পায়খৎনবা থৌরাংশিংগী মতাংদা অকুপ্পা মরোলশিং য়াওরি। রাজ্যশিং থবক ওইনা পায়খৎনবা ভারত শীনবা থুংনা চৎনদ্রিঙৈ মমাংদা দেতা চাংয়েং তৌনবা হৌজিক পোর্তেল অসিগী বেতা ভর্জন হৌদোক্লে।
Environment Minister @PrakashJavdekar releases document on Best Practices on Human #Elephant Conflict#WorldElephantDay2020 @moefcc pic.twitter.com/JqafXpfFau
— PIB India (@PIB_India) August 10, 2020
মালেমগী শামুশিং কন্নবা অমসুং ঙাক্নবা চহি খুদিংগী অগস্ত ১২ অসি মালেমগী শামুগী নুমিৎ হায়না থৌরম পাংথোকলি। মালেমগী শামু নুমিৎকী পান্দমদি শামু কন্নবগী মতাংদা মীয়ামদা ৱাখল তাহনবা অমসুং লম্লক্কী অমসুং ফাজিন্দুনা থম্লিবা শামুশিং কন্নবা অমসুং শেন্ননবা লৌশিং অমসুং অফবা পাম্বৈশিং শরুক য়ামিন্নবনি।
আই.য়ু.সি.এন রেদ লিস্ততা এসিয়াগী শামশিং অসি “মুৎখিকদৌরবা” শাশিংগী মনুংদা য়াওরে। লৈফম মাঙশিল্লকপা অমসুং শা তানবদগী ভারত খক নত্তনা শামু লৈবা লৈবাক কয়াদা শামু মশিং হন্থরক্লে। হৌজিক মালেম অসিদা এসিয়াগী শামু ৫০,০০০দগী ৬০,০০০ ফাওবা লৈরি হায়না পানরি। মালেমগী অপুনবা শামু মশিংগী চাদা ৬০ হেন্না ভারত্তা ফংলি।
২০২০গী ফেবুৱারিদা গুজরাতকী গান্ধী নাগরদা পাংথোকখিবা সি.এম.এস ১৩গী কনফরেন্স ওফ পার্তিদা ভারতকী শামুশিং অসি কনভেন্স ওন মাইগ্রেতরি স্পেসিসকী এপেনদিক্স ১দা য়াওরে। শামু অসি ভারতকী নেচরেল হেরিতেচ এনিমেলনি অমসুং শামু কন্নবা মীয়াম ৱাখল তাহন্নবা নুমিৎ অসি ভারত্তসু পাংথোক্লি।
থৌরম অদুদা এনভাইরনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিগী স্পিসিএল সেক্রেতরি অমসুং দি.জি(ফোরেস্ত)দোক্তর সঞ্জয় কুমার; এ.দি.জি(ৱাইল্দলাইফ)সৌমিত্রা দাসগুপ্তা; আই.জি.এফ অমসুং দাইরেক্ত প্রোজেক ইলিফেন্ত নোয়াল থোমাস অমসুং মিনিস্ত্রিগী সেনিয়র ওফিসিএলশিং শরুক য়াখি। ভর্চুএল ওইনা রাজ্যশিংগী ফোরেস্ত দিপার্তমেন্তশিং অমসুং অতোপ্পা লুপশিংগী ওফিসিএলশিংসু শরুক য়াখি।
*******
(Release ID: 1644866)
Visitor Counter : 223