কেমিকেল অমসুং ফর্তিলাইজরগী য়ুনিয়ন মিনিস্তর শ্রী দি.ভি. সদানন্দা গৌদানা হায়খি মদুদি এন.দি.এ. সরকারনা লৌমীগী থবকশিংদা পুক্নিং চংদুনা হারগী লমদা ফবা হেনগৎনবা মখল কয়াগী খোঙথাং লৌখৎলি হায়না। শ্রী গৌদানা হায়খি মদুদি লৌউ-শিংউবগী পোত্থোক হেনগৎনবা হোৎনবদা হার শিজিন্নবগী লৌশিং মখল কয়া পিনবা অমসুং লৌমীশিংদা মতৌ করম্না হার শিজিন্নগনি হায়বগী অনৌবা চাওখৎ থৌরাংশিং হায়বদি হার শিজিন্নবগী হিরম্দা লৈরিবাশিং মদুদি দিপার্তমেন্ত ওফ ফর্তিলাইজর, দিপার্তমেন্ত ওফ এগ্রিকলচর কোওপরেসন অমসুং ফার্মস ৱেলফেয়র অমসুং দিপার্তমেন্ত ওফ এগ্রিকলচরেল রির্সস অমসুং ইজুকেসন পুন্না খুৎশম্নদুনা লৌমীশিংগীদমক ফর্তিলাইজর এপ্লিকেসন এৱ্যারনেস প্রোগ্রাম অমা পাংথোকখ্রে।

শ্রী গৌদানা হায়খি মদুদি হারগীদমক থি-হুম্বা অমসুং অনৌবা পুথোক্নবা হোৎনরিবশিং অমসুং ফর্তিলাইজর তেক্নোলোজি, সি.পি.এস.ই.শিংনা “ইন্দিয়ন কাউন্সিল ফোর ফর্তিলাইজর অমসুং ফর্তিলাইজর তোক্নোলোজি রির্সস (আই.সি.এফ.এফ.তি.আর.) কৌবা দিপার্তমেন্ত ওফ ফর্তিলাইজরনা পুক্নিং থৌগৎখ্রে। কাউল্সিল অসিনা ২০১৯গী ওগস্তকী ১৯দা সোসাইতিস রেজিস্ত্রেসন এক্ত, ১৮৬০গী মখাদা সোসাইতি অমা ওইনা মিং চনখ্রে। কাউল্সিল অসিনা আর.এন্দ.দি.দা থৌদাং লৌগনি অমসুং চাওখৎনবা অমসুং থি-হুম্বগী লমদা অমদি ফর্তিলাইজর মেনুফেকচুরিং তেক্নোলোজি, মখল কয়াগী রির্সস ইন্সতিত্যুসনশিংগা খুৎশম্নরগা শুংদোক্ত্রিবা অমসুং অনৌবা পোৎলমশিংবু পুথোক্নবা হোৎনগনি। হৌজিক ফাওবদা, জেনেরেল কাউন্সিলনা মিতিং অনি অমসুং ইজুক্যুতিব কম্মিতিনা মিতিং অহুম পাংথোকখ্রে। 

****