এগ্রিকলচর মেকানাইজেসন অসিনা মতম চন্না থবকশিং পায়খৎতুনা পোত্থোক পুথোকপা হেনগৎহনবা, অমাং অতা থোকপা হন্থহনবা, অতাংবা ইনপুৎশিং ফজনা শীজিন্নদুনা থবক তৌবদা চংবা শেল হন্থহন্দুনা লৌউ শিংউগী সেক্তরদা সস্তেনেবল দিবেলপমেন্ত পুরকপদা মতেং পংদুনা মরু ওইবা পাম্বৈ অমা ওইরি। মেকানাইজেসন্না নেসচরেল রিসোর্সশিং পূধোকপা হেনগৎহল্লি অমদি তোঙান তোঙানবা লৌবুক্কী থবক্কা মরী লৈনবা থবক অৱাবা হন্থহল্লি। ভারত সরকারগী লৌউ-শিংউ অমসুং লৌমীশিংগী য়াইফ থৌরাং মন্ত্রালয়না শেমখিবা হেস-তেগ #অত্মানির্ভারক্রিশি  মখাদা এগ্রিকলচর মেকানাইজেসন এন্দ তেক্নোলোজী দিবিজন্না লৌখৎখিবা খোঙথাংশিং অদুদি:

লৈবাক অসিদা এগ্রিকলচর মেকানাইজেসন চাউখৎনবা অমসুং পুম্নমক কোনশিনবা ঙমহন্নবা অখন্নবা মীৎয়েং চংনবা এপ্রিল ২০১৪দগী হৌ্রদুনা সব-মিসন ওন এগ্রিকলচর মেকানাইজেসন (এস.এম.এ.এম) হৌদোকখি। ইং ২০২০-২১গী চহিদা স্কিম অসিগীদমক বজেৎ লুপা কোতি ১০৩৩ কায়থখি, মসিগী মনুংদা রাজ্য সরকারশিংদা লুপা কোতি ৫৫৩ কায়থোকখি।

লৈবাক অসিগী অৱাং থংবা লমদমদা চরু মৈ থাবনা এনভাইর্নমেন্ত পোলুসন থোকহল্লিবা অচৌবা সমস্যা অমনি। পঞ্জাব অমসুং হরিয়ানাদা ইংথমগী মহৈ মরোংশিংগীদমক লৌবুক শেংদোক্নবা চরুশিং মৈ থাবগী থবক অসি হৌজিক চত্থরি মরমদি লৌলোকপা অমদি মথংগী মহৈ মরোংগী মরু হুনবগী মরক্তা লৈরিবা মতম অসি য়াম্না তেল্লি (চয়োল ২-৩)। লমদম অসিদা লৌমীশিংনা মহৈ মরোংগী মকুমশিং মৈ থাবা অসি তোকহন্নবা মপুং ওইবা পান্দমগা লোয়ননা লৌউ-শিংউ অমসুং লৌমীশিংগী য়াইফ থৌরাং মন্ত্রালয়না ২০১৮দগী হৌদোকখিবা সি.আর.এম. (ক্রোপ রেসিদ্যু মেনেজমেন্ত) স্কিম অসিনা সি.ঐচ.সি.শিং (কস্তম হায়রিং সেন্তরশিং) লিংখৎতুনা মফম অদু মক্তদা লৈহৌরিবা মহৈ মরোংগী মকুমশিং অদু শেংদোক্নবা লৌমীশিংদা খুশু-খুলাই  ফংহল্লি।  লৌমী খুদিংমক্তা খুশু-খুলাই অসি লৌনবা সবসিদীসু পীরি। পঞ্জাব, হরিয়ানা, য়ু.পি. অমসুং এন.সি.তি.গী রাজ্যশিং অসিদা চহি ২০১৮-১৯ অমসুং ২০১৯-২০গী অপুনবা শেন্থং লুপা কোতি ১১৭৮.৪৭ কায়থখি। স্কিম অসিগীদমক ২০২০-২১গী চহিগী বজেৎতা লুপা কোতি ৬০০ হাপখি অমসুং রাজ্যশিংদা থবক থৌরমশিং মাংজৌন্ননা লৌখৎনবা লুপা কোতি ৫৪৮.২০ মাংজৌননা কায়থখি।

লৌউ-শিংউ অমসুং লৌমীশিংগী য়াইফ থৌরাং মন্ত্রালয়না লৌমীশিংবু মখোয়গী লৈকাইদা লৈরিবা কস্তম হায়রিং সেন্তরশিংগা লোয়ননা ই-পাউ পীন্ননবা লোল কয়া য়াওরবা মোবাই এপ “সি.ঐচ.সি.-ফার্ম মেছিনরী” দিবেলপ তৌখ্রে। অতাংবা মেছিনশিং লৈদ্রবসু অপিকপা অমদি শোথরবা লৌমীশিংনা লৌউ শিংউগী থবক থোরমগীদমক শেল পীরগা মেছিনশিং ৱাইবা য়াহন্দুনা এপ অসিনা লৈবাক অসিগী এগ্রিকলচর মেকানাইজেসন্দা খুদোংচাবা পীরি। এপ অস মখা তানা শেমদোক্তুনা হৌজিক মসিগী মমিং অসি (ফার্ম মেছেনরী সোলুসন এপস)কী অহৌবা ময়েক লৌথোক্তুনা “ফার্মস-এপ” হায়না থোনখ্রে। শেমদোক্লবা ভর্জন অসি হেন্না শীজিন্নবা নুংঙাই অমসুং হিরম কয়াদা হেন্না ফগৎহল্লে।

কোবিদকী লায়চৎ অসি মালেম শিনবা থুংনা মীওই কয়াগী পুন্সিদা অৱাবা পীরি অমসুং ইন্দিয়াদসু মসি থোক্লি। লৌউ-শিংউগী থবক থৌরমশিং অমসুং লৌমীশিংদা লায়চৎ অসিনা শাফু পীরি মরমদি কোবিদকী লোকদাউন অসিনা লৌউ-শিংউগী খুশু খুলাই য়াওনা লৌ উবদা শীজিন্নবা ইনপুৎশিং মফম অমদগী অমদা পুবদা অপনবা থোকখি। ইংথমগী মহৈ মরোং লোকপগী থবক হৌবা মতমদা খঙহৌদনা লোকদাউন তৌশিনখিবনা লৌমীশিংদা অৱাবা অমা ওইখি। লৌ উবদা শীজিন্নবা শিন্মীশিং মখোয়গী মরমদা হনখিবনা লোকদাউন মনুংদা শিন্মীগী অৱাৎপা মায়োক্নখি। লৌ উবদা শীজিন্নবা শিন্মীশিংগী অৱাৎপা অসি হন্থহন্নবা অমসুং ইংথমগী মহৈ মরোং মতম চানা লোকনবা অমসুং এগ্রিকলচরেল মেছিনরীশিং সপ্লাই লেপ্তনবা, লৌউ শিংউ অমসুং লৌমীগী য়াইফ থৌরাং মন্ত্রালয়না ভারত সরকারগী হোম পুবা মন্ত্রালয়গা লোয়ননা এগ্রিকলচর মেছিনরী সেক্তরগী হীরম কয়াদা অথিংবা লৌথোকখি, মখোয় অদুদি:

• লৌমীশিং অমসুং লৌবুক্তা থবক শুবা মীওইশিং লোকদাউন মনুংদা থবক শুবা য়ানবা সরকারগী গাইদলাইনশিংদা প্রোবিজন অমা হাপ্পা।
• ফার্ম মেছিনরীগা মরী লৈনবা কস্তম হায়রিং সেন্তরশিং (সি.ঐচ.সি.শিং) চল্লাইহনবা।
• এগ্রিকলচররেল মেছীনরী অমসুং মখোয়গী স্পিয়র পার্তশিং য়োনবা দুকানশিং (সপ্লাই চেন য়াওনা) অমসুং শেম্নবা দুকানশিং হাংহনবা।
• লৌ লোকপা অমসুং মরু হুনবদা শীজিন্নবা কমবাইন হর্বেস্তরশিং অমসুং অতোপ্পা এগ্রিকলচর/হোর্তিকলচর ইমপ্লিমেন্তশিংগুম্বা মেছিনশিং ফংহন্নবা লেপ্তনা ইন্ত্রা অমসুং ইন্তর স্তেৎকী চত্থোক চৎশিন য়াহনবা।
• সরকারগী সবসিদী প্রোগ্রামশিংগী মখাদা, লৌউ শিংউগী ওইবা মেন্যুফেকচরশিংদা ৩১.১২.২০২০ ফাওবা তেস্ত সেম্পলশিং খনগৎপা, তেস্ত রিপোর্তশিংগী চৎনবগী মতম লোইরবা মতুংদা বেচশিং মথং মথং তেস্ত তৌবা, ত্রেক্তরশিংগী ওইবা সি.এম.ভি.আর., সি.ও.পি. অমসুং মখলগী অয়াবা পীবগী অপদেৎ তৌবা, পাৱর তিলরশিং, কমবাইন হর্বেস্তরশিং অমসুং সেল্ফ-প্রোপেল এগ্রিকলচররেল মেছিনরী অসিগুম্বা তঙাই ফদবা তেস্তিংগা মরী লৈনবা থবক থৌরমশিংদা কোমথোকপীবা। ৩১.১২.২০২০ ফাওবা রিভাইস বি.আই.এস স্তেন্দর্দ আই.এস. ১২২০৭-২০১৯গী মতুং ইন্না ত্রেক্তরশিং তেস্ত তৌবা অমসুং লৌউবগী খুশু খুলাই ৫১গী অনৌবা তেক্নিকেল ক্রিতিকেল স্পেসিফিকেসনশিং ইমপ্লিমেন্ত তৌবসু দেফর তৌখ্রে।
• লোকদাউন্না মরম ওইরগা ঙমখৈ থিংজিনখিবা অমসুং ক্বারেন্তিন তৌবগী খোঙথাংশিং অসিনা জিলাশিং অমসুং রাজ্যশিংদা ঙমখৈ লান্না কমবাইন হর্বেস্তরশিং অমসুং অতোপ্পা এগ্রিকলচরেল মেছিনরী পুথোক পুশিন তৌবদা অকায়বা থোকহনখি। লৌউ-শিংউ অমসুং লৌমীশিংগী য়াইফ থৌরাং মন্ত্রালয়গী এম এন্দ তি দিবিজন্না মতম চান্না থবক লৌখৎতুনা অমসুং এগ্রিকলচরেল মেছিনরীসকী স্তেৎ নোদেল ওফিসরশিং, দিস্ত্রিক্ত এদমিনিস্ত্রেতর অমসুং এগ্রিকলচর মেছিনরী মেন্যুফেকচররশিংগা লোয়ননা পুন্না হোৎন্দুনা ঙমখৈশিংদা এগ্রিকলচরেল মেছিনরী পুথোক পুশিন তৌবা য়াহনখি।

সহরগী মফমশিংদা মতম খরগী ওইনা থবক থিবা চৎলিবা মাইগ্রেন্ত শিন্মীশিংগী পুন্সিদা কোবিদকী লায়চৎ অসিনা চাউনা অকায়বা পীরি। লোকদাউন অমদি করি থোক্লক্কনি খনবদা কিবনা অসিনা মরম ওইরগা মশিং য়াম্লবা মাইগ্রেন্ত শিন্মীশিংনা মখোয়গী মরমদমদা হনখি। অসিগুম্বা মাইগ্রেন্ত শিন্মীশিং অসিবু মতেং পাংনবা লৌউ-শিংউ অমসুং লৌমীশিংগী য়াইফ থৌরাং মন্ত্রালয়না হোৎনরি। মখোয়না লৈরিবা মফমশিংদা থবক পীনবা পান্দমদা, অত্মা নির্ভার ভারত অভিয়ান/ক্রিশিগী মখাদা এগ্রিলচরেল মেছিনরীগী লম অসিদা মাইগ্রেন্ত শিন্মীশিংবু স্কিল লৈনবা অখন্নবা খোঙথাং অমা লৌখৎপা হৌখি। কেম্পেন অসিগী মখাদা, মধ্য প্রদেশকী বুদনি অমসুং হরিয়ানাগী হিসরগী ফার্ম মেছিনরী ত্রেনিং এন্দ তস্তিং ইন্সতিত্যুৎশিং (এফ.এম.তি.তি.আই.শিং)দা খনগৎলবা জোব রোল/ক্বালিফিকেসন পেক ৮গী ইন-হাউস স্কলিং ত্রেনিং প্রোগ্রামশং পাঙথোকখি। ত্রেনিং অসিগী অহানবা বেচ অসি মধ্য প্রদেশতগী ত্রেনী ৫৬কা লোয়ননা সি.এফ.এম.তি.তি.আই., বুদনিদা অমসুং রাজাস্থান অমসুং উত্তর প্রদেশতগী ত্রেনী ৬৮না হিসরগী এন.আর.এফ.এম.তি.তি.আই.দা পাঙথোকখি। অসিগুম্বা খোঙথাং অসি লৌখৎপা তঙাই ফদবনা মরম ওইরগা মাইগ্রেন্ত শিন্মীশিংগী স্কিলিং প্রোগ্রামশিংদা মথৌ তাবা চৎনগদবা কাংলওনশিং অদু সব মিসন ওন এগ্রিলচরেল মেকানাইজেসন (এস.এম.এ.এম.)দা ওপরেস্নেল গাইদলাইনশিং হাপখি। ওপরেস্নেল গাইদলাইনগী কোপী ৱেব পোর্তেলদা ফংগনি http://farmech.dac.gov.in/

*********