কোবিদ-১৯গী অনাবশিং ফগৎলকপগী চাং হেনগৎপা অমসুং মালেমগী চাংচত্তগী তাথনা লৈবা কেস ফেতেলিতী রেত্তা লৈরিবা অচৌবা মায় পাকপগী থৌওং অনিসিনা মরম ওইদুনা ভারতনা কোবিদ-১৯ লাকশিনবগী লম্বীদা নীংথিনা চৎলি। অহানবা অসিনা খ্বাইদগী ফবা ৬৮%গী চাংদা অমসুং অকোনবা অসিনা খ্বাইদগী নেম্বা ২.০৫%দা লৈরি। হায়রিবা মওং অসিনা চান্ননা চৎপদগী নাবা ফরবা মীওই অমসুং এক্তিব কেসকী মশিংগী অহাঙবা (লাখ ৭.৭ হেনবা) অসি য়াম্না হেনগৎলক্লি।

হৌখিবা পুং ২৪দা মীওই ৪৯,৭৬৯ নাবা ফদুনা অপুনবা নাবা ফরবা মীওইগী মশিং ১৩,৭৮,১০৫ নাবা ফখ্রে।

হোস্পিতালগী ইনফ্রস্ত্রকচরশিং ফগৎহনবা অমসুং হেনগৎহনবা অমদি কেন্দ্র সরকারগী ক্লিনিকেল ত্রীতমেন্ত প্রোতোকোলগী কাঙলোন ইনবা স্তেন্দর্দ কেয়রগী খুত্থাংদা হোস্পিতালদা লৈরিবা অনাবশিংবু নীংথিনা লায়েংবগী থৌশিল অসিনা নাবা ফবা মীওইগী মশিং হেনগৎহনবা ঙম্লিবনি। হৌখিবা চয়োল অনিদা নোঙমদা নাবা ফবগী চাংচৎ (নুমিৎ ৭নিগী ওইনা পাবদা) অসি কেস ২৬০০০দগী কেস ৪৪০০০দা হেনগৎলে।

কেন্দ্র অমসুং রাজ্য সরকারনা শরুক য়ামিন্নদুনা কন্তেনমেন্ত তৌবদা মিৎয়েং চংবা, পাক শন্না তেস্ত তৌবগা লোয়ননা আইসোলেসন তৌবদা য়েংশিনবা অমসুং অনাবশিংবু নীংথিনা লায়েংবগী পথাপ্তা য়ুম্ফম ওইদুনা পাঙথোকপা থৌওংশিং অসিনা এক্তিব কেসকী চাদা ওইবা মশিং হন্থহল্লি অমসুং নাবা ফবগী চাদা ওইবা মশিংনা হেনগৎলক্লিবনি।

নোঙমদা নাবা ফবা কেস মশিংসু লেপ্তনা অমসুং মশক থোকপা মওংদা হেনগৎলক্লি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

****