ਭਾਰਤ ਨੇ ਪਿਛਲੇ 24 ਘੰਟਿਆਂ ਵਿਚ ਕਿਸੇ ਇਕ ਦਿਨ ਵਿਚ ਸਭ ਤੋਂ ਵੱਧ ਰਿਕਵਰੀਆਂ ਦਾ ਰਿਕਾਰਡ ਕਾਇਮ ਕੀਤਾ। 51,706 ਕੋਵਿਡ-19 ਮਰੀਜ਼ਾਂ ਦੇ ਠੀਕ ਹੋਣ ਨਾਲ ਰਿਕਵਰੀ ਰੇਟ ਇਕ ਨਵੀਂ ਉਚਾਈ 67.19% ਉੱਤੇ ਪਹੁੰਚ ਗਿਆ ਅਤੇ ਰੋਜ਼ਾਨਾ ਇਸ ਵਿਚ ਸੁਧਾਰ ਹੋ ਰਿਹਾ ਹੈ। ਹੁਣ ਤਕ ਕੁਲ 12,82,215 ਮਰੀਜ਼ ਠੀਕ ਹੋ ਚੁੱਕੇ ਹਨ। ਇਹ ਗਿਣਤੀ ਸਰਗਰਮ ਕੇਸਾਂ ਤੋਂ ਦੁੱਗਣੀ ਤੋਂ ਜ਼ਿਆਦਾ ਹੈ।

ਕੋਵਿਡ-19 ਮਰੀਜ਼ਾਂ ਦੇ ਠੀਕ ਹੋਣ ਦੀ ਗਿਣਤੀ ਵਿਚ ਵਾਧਾ ਹੋਣ ਨਾਲ ਪਿਛਲੇ 14 ਦਿਨਾਂ ਵਿਚ ਕੇਸਾਂ ਵਿਚ 63.8% ਦਾ ਰਿਕਵਰਡ ਵਾਧਾ ਹੋਇਆ ਹੈ। ਇਸ ਤੋਂ ਸੰਕੇਤ ਮਿਲਦਾ ਹੈ ਕਿ ਕੋਵਿਡ-19 ਪ੍ਰਤੀ ਹੁੰਗਾਰਾ ਅਤੇ ਪ੍ਰਬੰਧਨ ਨਾਲ ਕੇਂਦਰ ਸਰਕਾਰ ਦੀ "ਟੈਸਟ, ਟ੍ਰੈਕ, ਟ੍ਰੀਟ" ਰਣਨੀਤੀ ਦੇ ਨਤੀਜੇ ਸਾਹਮਣੇ ਆ ਰਹੇ ਹਨ।

ਟੈਸਟਿੰਗ ਵਿਚ ਤੇਜ਼ੀ ਆਉਣ ਅਤੇ ਹਸਪਤਾਲਾਂ ਦੇ ਢਾਂਚੇ ਵਿਚ ਜਨਤਾ ਅਤੇ ਨਿੱਜੀ ਖੇਤਰ ਦੇ ਸਾਂਝੇ ਯਤਨਾਂ ਨਾਲ ਹੋਏ ਸੁਧਾਰ ਨੇ ਰਿਕਵਰੀ ਰੇਟ ਵਿਚ ਵਾਧਾ ਯਕੀਨੀ ਬਣਾਇਆ ਹੈ ਜੋ ਕਿ ਪਿਛਲੇ 14 ਦਿਨਾਂ ਵਿਚ 63%  ਤੋਂ ਵਧ ਕੇ 67% ਤੇ ਪਹੁੰਚ ਗਿਆ ਹੈ।

ਰਿਕਵਰੀਆਂ ਵਿਚ ਨਿਰੰਤਰ ਤੌਰ ਤੇ ਵਾਧਾ ਹੋਣ ਨਾਲ ਠੀਕ ਹੋਏ ਮਰੀਜ਼ਾਂ ਅਤੇ ਸਰਗਰਮ ਕੋਵਿਡ-19 ਕੇਸਾਂ ਵਿਚਲਾ ਖੱਪਾ ਤਕਰੀਬਨ 7 ਲੱਖ ਤੇ ਪਹੁੰਚ ਗਿਆ ਹੈ। ਰਿਕਾਰਡ ਸਰਵਉੱਚ ਰੋਜ਼ਾਨਾ ਰਿਕਵਰੀਆਂ ਕਾਰਣ ਸਰਗਰਮ ਕੇਸਾਂ ਦੀ ਗਿਣਤੀ ਘਟ ਕੇ 5,86,244 ਤੇ ਆ ਗਈ ਹੈ (ਜੋ ਕਿ ਕਲ੍ਹ ਰਿਕਾਰਡ ਕੀਤੀ 5,86,298 ਗਿਣਤੀ ਤੋਂ ਘੱਟ ਹੈ) ਅਤੇ ਇਹ ਸਾਰੇ ਮਰੀਜ਼ ਮੈਡੀਕਲ ਨਿਗਰਾਨੀ ਹੇਠ ਹਨ।

"ਟੈਸਟ, ਟ੍ਰੈਕ. ਟ੍ਰੀਟ" ਰਣਨੀਤੀ ਨੂੰ ਕੇਂਦਰ ਅਤੇ ਰਾਜ/ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਸਰਕਾਰਾਂ ਨੇ ਪੂਰੇ ਤਾਲਮੇਲ ਨਾਲ ਲਾਗੂ ਕਰਕੇ ਇਹ ਯਕੀਨੀ ਬਣਾਇਆ ਹੈ ਕਿ ਸੀਐਫਆਰ ਹੁਣ ਵਿਸ਼ਵ ਦੀ ਸਥਿਤੀ ਨਾਲੋਂ ਘਟ ਹੈ ਅਤੇ ਇਸ ਵਿਚ ਲਗਾਤਾਰ ਕਮੀ ਆ ਰਹੀ ਹੈ। ਕੇਸ ਮੌਤ ਦਰ ਅੱਜ 2.09 ਫੀਸਦੀ ਉੱਤੇ ਖੜੀ ਹੈ।

ਕੋਵਿਡ-19 ਨਾਲ ਸੰਬੰਧਤ ਤਕਨੀਕੀ ਮੁੱਦਿਆਂ, ਦਿਸ਼ਾ ਨਿਰਦੇਸ਼ਾਂ ਅਤੇ ਮਸ਼ਵਰਿਆਂ ਬਾਰੇ ਸਾਰੀ ਪ੍ਰਮਾਣਕ ਅਤੇ ਢੁਕਵੀਂ ਜਾਣਕਾਰੀ ਲਈ ਕਿਰਪਾ ਕਰਕੇ ਨਿਯਮਤ ਤੌਰ ਤੇ  https://www.mohfw.gov.in/ ਅਤੇ @MoHFW_INDIA ਵੇਖੋ।

ਕੋਵਿਡ-19 ਨਾਲ ਸੰਬੰਧਤ ਤਕਨੀਕੀ ਸਵਾਲ technicalquery.covid19[at]gov[dot]in ਅਤੇ ਹੋਰ ਸਵਾਲ  ncov2019[at]gov[dot]in ਅਤੇ @CovidIndiaSeva ਤੇ ਭੇਜੇ ਜਾ ਸਕਦੇ ਹਨ।

ਕੋਵਿਡ-19 ਨੂੰ ਲੈ ਕੇ ਜੇ ਕੋਈ ਸਵਾਲ ਹੋਵੇ ਤਾਂ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ ਦੇ ਹੈਲਪਲਾਈਨ ਨੰਬਰ + 91-11-23978046 ਜਾਂ 1075 (ਟੋਲ ਫਰੀ) ਉੱਤੇ ਕਾਲ ਕਰੋ। ਰਾਜਾਂ/ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਹੈਲਪਲਾਈਨ ਨੰਬਰਾਂ ਦੀ ਲਿਸਟ ਵੀ https://www.mohfw.gov.in/pdf/coronvavirushelplinenumber.pdf ਉੱਤੇ ਮੁਹੱਈਆ ਹੈ।

ਐਮਵੀ /ਐਸਜੀ