নোংমদা অনাবা ফগৎলকপগী চাং অসি ইন্দিয়ানা খ্বাইদগী ৱাংবা ওইদুনা পুং ২৪গী অসিগী মনুংসিদা রেকোর্দ থমখ্রে। কোভিদ-১৯গী অনাবশিং ফগৎলকপা ৫১,৭০৬তা খঙহেন হেনগৎতুনা অনাবা ফগৎলকপগী চাং অসি ৬৭.১৯% য়ৌরে অমসুং নুমিৎ খুদিংগী ফবা হেনগৎলক্লি। হৌজিক ফাওবদা পুন্না ১২,৮২,২১৫ নাবা ফগৎলক্তুনা এক্তিব কেস্তগী শরুক অনি থোক্না হেল্লী।

কোভিদ-১৯ অনাবশিং ফগৎলকপা অসি অশুম হেনগৎলক্তুনা ফগৎলকপগী চাং নুমিৎ ১৪ অসিদা ৬৩.৮% য়ৌখ্রে অমসুং কোভিদ-১৯গী শিল-লাংলিবশিংনা থম্লিবা পান্দম “তেস্ত, ত্রেক, ত্রীত” অসি মপুং ফানা চৎথরি।

মীয়াম অমসুং লনাই পুন্না হোৎনমিদুনা মতিক চারবা হোস্পিতালদা নমদুনা তেস্ত তৌদুনা অনাবা ফগৎলকপগী চাং অসি নুমিৎ ১৪নি অসিদা ৬৩%দগী ৬৭%দা য়ৌরকখিবনি।

অসুম্না লেপ্তনা ফগৎলকপগী চাং হেনগৎলকপনা কোভিদ-১৯গী অনাবা ফগৎলকপা অসি লাখ ৭ হেন্না খেৎনরে। ফগৎলকপা চাং অসি য়াম্না হেনগৎলকপনা এক্তিব কেসকী মশিং অসি ৫,৮৬,২৪৪দা হন্থখ্রে (৫,৮৬,২৯৮ ঙরাংগী রেকোর্দতগী তানা) অমসুং পুম্নমক মেদিকেলগী মিয়েং মখাদা চৎথবনি।  

য়ুনিয়ন অমসুং স্তেত/য়ু.তিয় সরকারনা চৎথরিবা “তেস্ত, ত্রেক, ত্রীত” লালোং অসিনা থাজবা থম্লি মদুদি সি.এফ.আর. অসি মালেমগী লৈরিবা অসিগা য়েংনবদা য়াম্না নেম্লি অমসুং তপ্না তপ্না তাথরক্লি। ঙসিগী কেস ফেতেলিতি রেত অসি ২.০৯%নি।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

****