থংনা-থংননা নুমিৎ নিনিদা ভারতনা কোবিদ-১৯গী সেম্পল লাক ৬ হেন্না তেস্ত তৌরি। কোবিদ-১৯গী পোজিতিব কেসশিং ঙন্না খঙদোক্নবা অমসুং লায়েংনবা/য়ুমদা আইসোলেসন তৌনবা অহানবা মরু ওইবা খোঙথাং ওইনা তেস্ত তৌবা কনশিন্নবা কেন্দ্র অমদি রাজ্য/য়ু.তি. সরকারশিংনা রারেপ লৌবনা ভারত্তা নোংমদা তেস্ত তৌবগী মশিং অসি লেপ্তনা হেনগৎলিবনি।

তেস্ত তৌনবা লালোংদা গ্রেদেদ ওইরকপা অমদি ফগৎলকপনা লৈবাক অসিগী তেস্তিং নেৎৱার্ক অসি তপ্না-তপ্না চাউথোরক্লি। হৌখিবা পুং ২৪দা তেস্ত ৬,১৯,৬৫২ তৌখিবগা লোয়ননা ঙসি ফাওবদা পুন্না তেস্ত তৌখিবগী মশিং অসি ২,১৪,৮৪,৪০২ য়ৌখ্রে। তেস্ত পর মিলিয়ন অসি ১৫৫৬৮তা খঙহেন হেনগৎখ্রে।

তেস্ত, ত্রেক অমসুং ত্রীৎ”কৌ লালোং পাকশন্না শীজিন্নবগা লোয়ননা লৈবাক অসিগী তেস্তিং লেবকী নেৎৱার্ক অসি লেপ্তনা মপাঙ্গল কনখৎলক্লি। সরকারগী লেব ৯২০ অমদি লনাই লেব ৪৪৬ শুবগা লোয়ননা ঙসি ফাওবদা লৈবাক অসিদা লেব নেৎৱার্ক ১৩৬৬ লৈরে। মসিদা য়াওরিবশিং অদুদি:

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৬৯৬ (লৈঙাক্কী: ৪২১ + লন্নাইগী: ২৭৫)
• ত্রুনেতদা বেজ তেস্তিং লেব: ৫৬১ (লৈঙাক্কী: ৪৬৭ + লন্নাইগী ৯৪)
• সি.বি.এন.এ.এ.তি.দা বেজ তেস্তিং লেব: ১০৯ (লৈঙাক্কী ৩২ + লন্নাইগী ৭৭)

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

********