ବିଗତ 24 ଘଣ୍ଟା ମଧ୍ୟରେ ରେକର୍ଡ ସଂଖ୍ୟକ 6,61,892ଟି କୋଭିଡ-19 ନମୁନା ପରୀକ୍ଷା ହୋଇଥିଲା । ଏହାକୁ ମିଶାଇ ସମୁଦାୟ 2,08,64,750ଟି ନମୁନା ପରୀକ୍ଷା କରାଯାଇ ସାରିଲାଣି ଏବଂ ନିୟୁତ ପିଛା ନମୁନା ପରୀକ୍ଷଣ 15,119କୁ ପହଞ୍ଚିଛି ।

କୋଭିଡ-19 ସଂକ୍ରମିତଙ୍କୁ ଶୀଘ୍ର ଚିହ୍ନଟ ଏବଂ ଏକାନ୍ତବାସର ଲକ୍ଷ୍ୟ ନେଇ କେନ୍ଦ୍ର ଏବଂ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ମିଳିତ ପ୍ରୟାସର ଫଳସ୍ଵରୂପ ଦେଶରେ ନମୁନା ପରୀକ୍ଷା ସଂଖ୍ୟା ବୃଦ୍ଧି ପାଇଛି । ଆଇସିଏମଆର ଉନ୍ନତ ପରୀକ୍ଷଣ ରଣକୌଶଳ ଦ୍ଵାରା ଭାରତରେ ପରୀକ୍ଷଣ ନେଟୱାର୍କ ବୃଦ୍ଧି ପାଇଛି ।

ବିଶ୍ଵ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ଏହାର ମାର୍ଗଦର୍ଶିକାରେ “କୋଭିଡ-19 ପ୍ରସଙ୍ଗରେ ଜନସ୍ୱାସ୍ଥ୍ୟ ଏବଂ ସାମାଜିକ ମାପଦଣ୍ଡ ନିୟନ୍ତ୍ରଣ କରିବା ପାଇଁ ଜନସ୍ୱାସ୍ଥ୍ୟ ମାନଦଣ୍ଡ” ଉପରେ ସନ୍ଦିଗ୍ଧ ମାମଲାଗୁଡ଼ିକ ପାଇଁ ବ୍ୟାପକ ନଜର ରଖିବାକୁ ପରାମର୍ଶ ଦେଇଛି । ଡବ୍ଲୁଏଚଓ ପରାମର୍ଶ ଦେଇଛି ଯେ, ଗୋଟିଏ ଦେଶ ପ୍ରତି ନିୟୁତ ଜନସଂଖ୍ୟାରେ ଦିନକୁ 140 ପରୀକ୍ଷା କରିବା ଆବଶ୍ୟକ ।

ଭାରତ ପ୍ରତି ନିୟୁତ ଜନସଂଖ୍ୟାରେ ଦିନକୁ ହାରାହାରି 479 ପରୀକ୍ଷଣ କରିବା ବେଳେ 28ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକ ପ୍ରତି ନିୟୁତ ଜନସଂଖ୍ୟାରେ ଦିନକୁ 140ଟି ନମୁନା ପରୀକ୍ଷା କରୁଛନ୍ତି, ଯାହା ଡବ୍ଲୁଏଚଓର ନିର୍ଦ୍ଧାରିତ ସଂଖ୍ୟା ।

ଦିନକୁ 10 ଲକ୍ଷ ପରୀକ୍ଷା କରିବାର ଲକ୍ଷ୍ୟରେ ପରୀକ୍ଷଣ କ୍ଷମତା ବୃଦ୍ଧି କରାଯାଉଛି । ବର୍ତ୍ତମାନ ଦେଶରେ ପରୀକ୍ଷାଗାର ସଂଖ୍ୟା 1356 ରହିଛି, ଯେଉଁଥିରେ 917ଟି ସରକାରୀ ଏବଂ 439ଟି ବେସରକାରୀ ପରୀକ୍ଷାଗାର ରହିଛି । 

• ଏଥିରେ ରିଅଲଟାଇମ୍‌ ପିସିଆର ଭିତ୍ତିକ 691ଟି ଲ୍ୟାବ ରହିଛି । ସେଥିରେ 420  ସରକାରୀ ଓ 271 ବେସରକାରୀ ।
• ଟ୍ରୁ ନ୍ୟାଟ୍‌ ଭିତ୍ତିକ ଲ୍ୟାବ୍‌ ସମଗ୍ର ଦେଶରେ 558 ରହିଥିବାବେଳେ ସେଥିରୁ 465ଟି ସରକାରୀ ଏବଂ 93ଟି ବେସରକାରୀ ।
• ସେହିଭଳି ଦେଶରେ 107ଟି ସିବିନାଟ୍‌ ଟେଷ୍ଟିଂ ଲ୍ୟାବ ରହିଛି । ସେଥିରୁ 32ଟି ସରକାରୀ ଏବଂ 75ଟି ଘରୋଇ ।

କୋଭିଡ୍‌ ଜନିତ ସମସ୍ତ ପ୍ରକାର ବୈଷୟିକ ପ୍ରସଙ୍ଗରେ ନିର୍ଭୁଲ ଏବଂ ସର୍ବଶେଷ ତଥ୍ୟ, ନିର୍ଦେଶାବଳୀ ଓ ପରାମର୍ଶ ପାଇଁ ଭିଜିଟ୍‌ କରନ୍ତୁ: https://www.mohfw.gov.in/ and @MoHFW_INDIA ।

କୋଭିଡ୍‌ ସଂକ୍ରାନ୍ତ ବୈଷୟିକ ପ୍ରଶ୍ନ ପଠାଇବା ପାଇଁ covid19[at]gov[dot]in ଏବଂ ଅନ୍ୟାନ୍ୟ ପ୍ରଶ୍ନ ncov2019[at]gov[dot]in and @CovidIndiaSeva ।

କୋଭଡ-19 ସଂକ୍ରାନ୍ତ କୌଣସି ପ୍ରଶ୍ନ ମଧ୍ୟ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟର ହେଲ୍‌ପଲାଇନ ନଂ: +91-1123978046 କିମ୍ବା 1075 (ନିଃଶୁଳ୍କ)କୁ ପଚରା ଯାଇପାରିବ ।

ରାଜ୍ୟଗୁଡିକର ହେଲ୍‌ପଲାଇନ ନଂ: https://www.mohfw.gov.in/pdf/ coronvavirushelplinenumber.pdf ରେ ଉପଲବ୍ଧ ।

**********