ایم ایس ایم ای کے مرکزی وزیر جناب نتن گڈکری نے کل کھادی اینڈ ولیج آیوگ (کے وی آئی سی) کے ذریعے تیار کردہ گفٹ باکس کاآغاز کیا۔ گفٹ باکس میں مختلف رنگوں اور پرنٹوں میں ریشم کے ماسک ہوتے ہیں۔ ماسک کو سنہرا، اُبھری ہوئی پرنٹنگ کے ساتھ ایک خوبصورتی کے ساتھ تیار کئے گئے ہاتھ سے بنائے گئے کالے رنگ کے پیپر باکس میں پیک کیا گیا ہے۔

جناب گڈکری نے گفٹ باکس کی تعریف کرتے ہوئے کہا کہ یہ تحفظ کو یقینی بنانے کے ساتھ تیوہاروں کا جشن منانے کا ایک بہترین پروڈکٹ ہے۔ انہوں نے کے وی آئی سی کی ماسک بنانے کی پہل کی ستائش کرتے ہوئے کہا کہ اس سے کاریگروں کو کورونا وبا کے سب سے مشکل دور کے دوران مقامی روزی روٹی حاصل ہوتی ہے۔

ریشم ماسک گفٹ باکس کی قیمت صرف 500 روپئے فی باکس ہے اور اب دہلی این سی آر میں  کے وی آئی سی کی سبھی دوکانوں پر دستیاب ہے۔

کے وی آئی سی کے صدر جناب ونے کمار سکسینہ نے کہا کہ گفٹ باکس لانچ کرنے کے پیچھے کا خیال غیرملکی بازار اور تیوہاروں کے موسم کے دوران اپنے عزیز واقارب کیلئے مناسب قیمت کے تحائف کی تلاش کررہے ایک بڑی ہندوستانی آبادی کی مانگ کو پورا کرنا ہے۔

گفٹ باکس میں ایک پرنٹیڈ ریشم ماسک اور تین دیگر ماسک ٹھوس جاذب نظر رنگوں میں ہوں گے۔ یہ تین سطح والے  ریشم ماسک جلدوں کے موافق، دھونے کے قابل، دوبارہ استعمال کرنے کے قابل اور بایوڈی گریڈیبل ہیں۔ ریشم ماسک میں تین چنّٹ ہوتے ہیں اور کان میں لگانے والے لوپ کو آسانی سے ایڈجسٹ کیا جاسکتا ہے۔ اس میں 100 فیصد کھادی، سوت، کپڑے کی دو داخلی پرتیں اور ریشم کپڑے کی ایک اعلیٰ پرت ہے۔

-----------------------

م ن۔م ع۔ ع ن

U NO: 4282