হকশেল অমসুং য়াইফ-য়ুম্বাল মন্ত্রালয়
কেস ফেতেলিতী হন্থরকপগা লোয়ননা কেন্দ্রগী সেকারনা ভেন্তিলেতরশিং মপালদা থাদোকপদা অয়াবা পীনবা ৱারেপনখ্রে
Posted On:
01 AUG 2020 4:53PM by PIB Imphal
কোবিদ-১৯গী গ্রুপ ওফ মিনিস্তর (জি.ও.এম.)না হকশেল অমসুং য়াইফ য়ুম্বাল মন্ত্রালয়গী ভারত্তা শাজবা ভেন্তিলেতরশিং মপালদা থাদোক্নবগী প্রপোজেল অদু খন্নখ্রে অমসুং অয়াবা পীখ্রে। ৱারেপ অসিগী মতাংদা লমদম অসিদা শাজবা ভেন্তিলেতরশিং মপালদা থদোকপদা মথৌ তাবা থবক লৌখৎনবা দিরেক্তর জেনরেল ওফ ফোরেন ত্রেদ (দি.জি.এফ.তি.)দা পাও পীখ্রে।
শীংথানিংঙাই ওইবা ৱারেপ অসি লৌখিবগী মরমদি ভারতনা কোবিদ-১৯গী কেস ফেতেলিতীগী চাং লেপ্তনা হন্থরকপা অসিনা ওইরি, হৌজিক মসি ২.১৫%দা লৈরি, মসিনা তাক্লি মদুদি ভেন্তিলেতরদা লৈবা এক্তিব কেসকী মশিং অসি য়ামদে। জুলাই ৩১, ২০২০ ফাওবদা লৈবাক শিনবা থুবগী ভেন্তিলেতরদা লৈরিবা এক্তিব কেস অসি ০.২২% খক্তনি। মসিগী মথক্তা, লৈবাক অসিদা শাজবা ভেন্তিলেতরগী চাং অসি অঙকপা ফংনা হেনগৎলক্লি। জনুৱারী ২০২০গা চাংদম্নবদা, লৈবাক অসিদা ভেন্তিলরগী মেন্যুফেকচরর ২০ হেন্না হৌজিক লৈরে।
কোবিদ-১৯ মপুং ফানা লান্থেংনবা ঙম্নবা লৈবাক অসিদা ভেন্তিলরগী অৱাৎপা লৈতনবা মার্চ ২০২০দা ভেন্তিলেতর মপালদা পুথোকপদা অথিংবা থমখিবনি।দি.জি.এফ.তি.গী নোতিফিকেসন নম্ব ৫৩গী মতুং ইন্না ২৪.০৩.২০২০দগী হৌনা মখল পুম্নমক্কী ভেন্তিলেতর মপালদা থদোকপদা অথিংবা থমখি। হৌজিক ভেন্তিলেতর মপালদা থদোকপা য়াহনবগা লোয়ননা, লৈবাক অসিদা শাজবা ভেন্তিলেতরশিং অসিনা মপাল লৈবাক্কী কৈথেলশিংদা ভারতকী ভেন্তিলেতরনা মফম অমা কনবা ঙম্লগনি।
*****
(Release ID: 1642898)
Visitor Counter : 216
Read this release in:
Punjabi
,
English
,
Urdu
,
Hindi
,
Marathi
,
Bengali
,
Assamese
,
Odia
,
Tamil
,
Telugu
,
Kannada
,
Malayalam