কৃশি বিগ্যান কেন্দ্রশিং (কে.ভি.কে.শিং)গী ওইবা নুমিৎ হুমনিগী জোনেল ৱার্কসোপ অমা মধ্য প্রদেশ অমসুং ছত্তিসগরদা ২০২০গী অগস্তকী ২৯দগীনা ৩১ ফাওবা পাংথোকখ্রে। মীওই শুনা য়াওরবা মীফম মদুদা কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল মন্ত্রী শ্রী নরেন্দ্র সিংহ তোমারনা হায় মদুদি লৌউ-শিংউনবগী অমসুং খুঙ্গংগী লমশিংদা খুদোংথিবা অমদগী নান্থোক্তুনা লৈবাক অসিবু চিংখৎনবা থায়নদগী লৈদরক্লবা অঙম্বা লৈজৈ। লায়চৎ অসিবু নাথৈদুনা অফবা লৌরোক অমসুং খারিফ মহৈ-মরোং থাবগী থবক চৎথরিবা অসিগীদমক অপেনবা ফোংদোক্লদুনা, শ্রী তোমারনা হায়খি মদুদি মতুংদসু ভারতকী খুঙ্গংশিং অমসুং লৌমীশিংনা প্রধান মন্ত্রী শ্রী নরেন্দ্র মোদীগী পান্দম ওইরিবা আত্মানির্ভর ভারতপু মংফাওনহনবদা মাংজিল থানা থৌদাং লৌগনি। পুৱারিনা সাখিনি মদুদি লৈবাক্কী লৌমীশিং অমসুং খুঙ্গংগী শেল-থুমগী ফিভমদা অৱাবা কয়া তারবসু মায় লৈদুনা চেনখিদ্রি। প্রধান মন্ত্রীনা পীরিবা খোলাও “ভোকেল ফোর লোকেল” অসি খুঙ্গংশিং চাওখৎনবগীদমক্তা য়াম্না চাওবা মরী অমা লৈরি।

কেন্দ্রগী লৌউ-শিংউবগী মন্ত্রীনা হায় মদুদি কে.ভি.কে.শিং অমসুং এগ্রিকলচরেল সাইন্তীসশিংনা  লৈবাক্কী লৌউ-শিংউবা চাওখৎনবা য়েংশিনবদা অচৌবা মথৌদাং লৌরি। লৌউ-শিংউবগী পোত্থোক হেনগৎহনবা অমসুং নহাশিংদা লৌউ-শিংউববু হিংননবগী পাম্বৈ অমনি হায়না পুক্নিং থৌগৎপিগদবনি। কে.ভি.কে.শিংনা লম য়াম্না চাওনা লৈজদবা লৌমীশিংগীদমক্তা মখোয়গী লৈজরিবা লম খর অদুদগী মতৌ করম্না অঙম্বা থাক্তা শেন্দোং ফংননবা তাকপিদুনা মতেং পাংগদবনি। আই.সি.এ.আর. অমসুং কে.ভি.কে.শিংনা লৌমীশিংদা হায়খিবশিং অসি লৌউ-শিংউবগী চাওখৎনবা এরিয়া-ৱাইজ মোদেলশিং শেমগৎকদবনি।   

ওর্গানিক অমসুং মহৌশাগী ওইবা লৌউদা হেন্না মরুওইবা পীদুনা, শ্রী তোমারনা হায়খি মদুদি হায়রিবশিং অসি ঐখোয় মীওইব অমসুং শাশিংগী মশা ফননবা খক্ত নত্তনা অফবা লৈহাও ওইহনবা অমসুং অকোইববু শেংনা থমদুনা অমদি মপাল লমদা পোত্থোক থাদোকপা হেনগৎহন্দুনা শেন্দোং লৈবা লৌউ-শিংউব অমা ওইহনবা হায়ব অসিসু য়াম্না মরু ওই। লৈবাক-লৈহাওবু মশা ফনা থম্বা অমসুং ক্লাইমেতকী অহোংবা লাকপা অসিবু শেননবা অসি সাইন্তিসশিংগী য়াম্না মরুওইবা মায়োক্নবা অমনি। মধ্য প্রদেশ অমসুং ছত্তিসগর অসি য়াম্লবা ত্রাইবেল মশিং তাবা অমসুং মখোয় অসিনা হাননা কেমিকেল ফর্তিলাইজর অমসুং পেস্তিসাইত শিজিন্নদনা লৌউ-শিংউবগী থবক পায়দুনা লাক্লি হায়দুনা মিনিস্তরনা পল্লী অমসুং লৌউ-শিংউবগী সাইন্তিসদা মখোয়বু ওর্গানিক ওইবা লৌউদা হেন্না মরুওইবা পীদুনা অমসুং শা-শন লোয়বদা শেন্দোং লৈনবা মতেং পাংনবা কন্না তকশিনখ্রে।    

শ্রী তোমারনা হায়খি মদুদি হন্দক্তা পুন্না লৌউবা অমসুং লৌমীশিংবু মখোয়না পুথোক্লিবা পোত্থোকশিং অদুবু শেন্দোং লৈনা য়োনবা ঙম্নবা ওর্দিনান্স অমা শেমখ্রে। লৌউবা শিংউবগী অমসুং খুঙ্গংশিং চাওখৎনবা প্রাইবেত ওইবা শেন্থং পীবনা মরু ওইনা লৌদুনা মহাক্না হায় সরকার অসিনা সেল্প-রেলিএন্ত ইন্দিয়াগী পান্দম ফংনবা এগ্রি ইনফ্রাস্ত্রকচর ফন্দ লুপা লাখ করোর অমশু লাওথোকখ্রে। ফার্মর প্রোদুসর ওর্গানাইজেসন ১০০০০গী চৎন-পথাপ শেম্দুনা, হায়রিবা অসি  মহৈ-মরোং হুনবদগীনা য়োনবা ফাওবা সরকারনা কুপ্না য়েংশিনগনি। কন্না হোৎনদুনা স্কীম অসিগী মখাদা অপিকপা লৌমীশিং য়াম্না পুথোকপা অসিনি।    

মধ্য প্রদেশ অমসুং ছত্তিসগরগী আই.সি.এ.আর.গী দাইরেক্তর জেনেরেল দাঃ ত্রিলোচন মহাপত্র, এগ্রিকলচর এক্সতেন্সনগী দিপুতি দাইরেক্তর জেনেরেল দাঃ এ.কে. সিংহ, আই.সি.এ.আর.গী জোনেল ইনচার্জ এ.দি.জি. (এ.জি. এক্সতেন্সন) দাঃ ভি. পি. চাহাল, এস.এ.য়ুগী ভাইস চানসেলরশিং, আই.সি.এ.আর. ইন্সতিত্যুতগী দাইরেক্তরশিং, এৱার্দ ফংখ্রবা লৌমীশিং, ফার্ম ইন্নোভেতরশিং, এগ্রিপ্রীনর্শিপ্তা, কে.ভি.কেগী মকোকশিংনা ভিদিও-কনফরেন্সিংগী খুত্থাংদা শরুক য়াখি। 

******