কেন্দ্রগী হকশেল অমসুং য়াইফ য়ুম্বাল মন্ত্রী দা. হর্শ বর্ধন্না কোবিদ-১৯গী মতাংদা ১৯শুবা অৱাংবা থাক্কী গ্রুপ ওফ মিনিস্তরস (জি.ও.এম.)গী মীফমদা ভিদিও-কনফরেন্সকী থোংদা ঙসি চ্যের লৌদুনা পাঙথোকখ্রে। মপাল থৌরম পুবা মন্ত্রী দা. এস. জাইশঙ্কর, সিবিল এভিএসনগী মন্ত্রী শ্রী হর্দীপ এস. ওউরি, শিপ্পিং (ইন্দিপেন্দেন্ত চার্জ), কেমিকেলস অমসুং ফর্তিলাইজর্সকী মিনিস্তর ওফ স্তেৎ শ্রী মনসুখ লাল মন্দাবিয়া,  হকশেল অমসুং য়াইফ য়ুম্বালগী মিনিস্তর ওফ স্তেৎ শ্রী অশ্বিনি কুমার চৌবে অমসুং হোম পুবা মিনিস্তর ওফ স্তেৎ শ্রী নিৎয়ানন্দ রাইনা মীফম অসিদা শরুক য়াখি।

থৌরম হৌদৌবদা জি.ও.এম.দা হৌজিক ভারত্তা লৈরিবা কোবিদ-১৯গী ফীভম অসিগী মতাংদা তেন্তক্না থমখি। দা. হর্শ বর্ধন্না হায় “ভারতনা ফগৎখিবশিংগী মশিং অসি কোতি ১ হেনবা ঙমখ্রে মসিনা ফগৎখিবগী চাং ৬৪.৫৪% য়ৌহনখি। মসিনা উৎলি মদুদি হৌজিক লায়েং চত্থরিবা এক্তিব কেস অসি ৩৩.২৭% খক্তা ওই নত্রগা অপুনবা পোজিতিব কেসকী শরুক অহুম থোকপগী অমনি। ভারতকী কেস ফেতেলিতী রেৎ অসিসু  লেপ্তনা হন্থরক্লি অমসুং হৌজিক্কী ওইনা ২.১৮%দা লৈদুনা মালেমগী ওইনা খ্বাইদগী নেম্বা ওইরি।”

ভারত্তা থেংনবা অরুবা কেসশিংগী মতাংদা ৱা ঙাংলদুনা দা. হর্শ বর্ধন্না হায় মদুদি, “অপুনবা এক্তিব কেসকী মনুংদা মীওই ০.২৮% খক্তা ভেন্তিলেতর শীজিন্নরি, মীওই ১.৬১%না আই.সি.য়ু. সপ্পোর্ত মথৌ তারি অমসুং মীওই ২.৩২%না ওক্সিজেন সপ্পোর্ত মথৌ তারি।” ভারতকী তেস্ত তৌবগী চাং অসি লেপ্তনা হনগৎলিবা অসিদা কেন্দ্রগী হকশেল মন্ত্রীনা হায় ঙসি ফাওবদা, লেব ১৩৩১গী নেৎৱার্ক অমগী খুত্থাংদা (সরকারগী লেব- ৯১১ অমসুং লনাই লেব ৪২০) ভারত্তা হৌখিবা পুং ২৪দা তেস্ত ৬,৪২,৫৮৮ তৌদুনা খ্বাইদগী য়াম্না  তৌবা ওইখ্রে। মসিনা তেস্ত তৌখিবগী অপুনবা মশিং কোতি ১.৮৮ হেনখ্রে।

পি.পি.ই.শিং, মাস্কশিং, ভেন্তিলাতরশিং অমসুং ঐচ.সি.ক্যু গুম্বা দ্রগশিং শারিবা তোঙান তোঙানবা সেক্তরশিংনা পুথোকপা ঙম্বগী চাংশিং হেনগৎলকপ অসিগী মতাংদসু জি.ও.এম.দা খঙহনখি। হেল্থক্যের লোজিস্তিকশিংগী ওইনা পুন্না এন৯৫ মাস্ক লাখ ২৬৮.২৫, পি.পি.ই. লাখ ১২০.৪০ অমসুং ঐচ.সি.ক্যু. তেব্লেৎ লাখ ১০৮৩.৭৭ রাজছশিং/য়ু.তি.শিং অমসুং সেন্ত্রেল ইন্সতিত্যুসনশিংদা য়েন্থোকখি।

নেস্নেল সেন্তর ফোর দিজিস কন্ত্রোল (এন.সি.দি.সি.)গী দিরেক্তর দা. সুজীৎ কে সিংহনা মালেমগী ওইনা কেস লোদ খ্বাইদগী ৱাংবা লৈবাক ১০গী নোংমগী কেস, শীখিবা অমসুং হেনগৎলকপগী চাং অদু চাংদম্নদুনা উৎখি। জি.ও.এম.দা ভারতকী অপুনবা ফগৎখিবগী চাং অসি ৬৪.৫৪% ওইবগা লোয়ননা দিল্লীনা ফগৎখিবগী চাং ৮৯.০৮% ওইদুনা খ্বাইদগী য়াম্বা ওইখি, মথংদা হরিয়ানা (৭৯.৮২%) ওইখি। কর্নতকনা ফগৎপগী চাং খ্বাইদগী নেম্মী। ভারতকী খুঙ্গং অমসুং সহরগী মফমশিংগী কন্তেনমেন্ত জোনশিংদা লৈরিবা লৈকাই লৈকাইগী কনফর্ম তৌখিবা কেসশিং অমসুং এক্তিব কেসশিংগী মতাংদা জি.ও.এম.দা খঙহনখি। এন.সি.দি.সি.গী দিরেক্তরনা রাজয় ১২ (মহারাস্ত্র, তামিল নাদু, দিল্লী, অন্ধ্র প্রদেশ, কর্নতক, উত্তর প্রদেশ, ৱেস্ত বেঙ্গল, গুজরাত, তেলঙ্গনা, বিহার, রাজাস্থান অমসুং অসাম)গী হেনগৎলক্লিবা মশিংগী মতাংদা; রাজ্যশিং/য়.তি.শিংগী তেস্ত তৌখিবগী মশিং অমসুং পোজিতিব ওইখিবগী মশিং; মকোক থোংলিবা দিস্ত্রিক্ত ২০গী এক্তিব কেসশিং অমসুং শীখিবা মশিং অমসুং দিস্ত্রিক্তশিংগী কন্তেনমেন্ত জোনশিংগী মতাংদা জি.ও.এম.না খঙহনখি।

কেস লোদ ৱাংবা দিস্ত্রিক্তশিং/সহরশিংদা শীবগী চাং হন্থহন্নবা অমসুং পুনে, থানে, বেঙ্গলুরু, হাইদ্রবাদবচিংবা মশিং হেনগৎল্লিবা সহরশিংদা লৌখৎলিবা খোঙথাংশিং মহাক্না খঙহনখি। হেন্না কনবা পরিমিতর কন্ত্রোল তৌবা; রেপিদ এন্তিজেন তেস্ত পাকশন্না তৌবা; ইন্তেনসিব অমসুং য়ুম অমদগী অমদা থিদোকপা; চিংনবশিং/কেসশিংগী অহেনবা আইসোলেসন ফেসিলিতীশিং শেম্বগী খুত্থাংদা কন্তেনমেন্ত জোনশিংগী মপুং ফানা য়েংশিনবা; প্লান তৌরবা সেরো-সর্ভেগী খুত্থাংদা ওক্সিজেন সপ্পোর্ত য়াওবা ফমুংশিং অমসুং ভেন্তিলেতরশিং অমসুং লৈরিবা ফীভম য়েংশিনবা হেনগৎহন্দুনা সস্তেনদর্দ কেস মেনেজমেন্ত প্রোতোকলশিং য়াওনবা লালোং হেনগৎনবা খোঙথাংশিং লৌখৎলি। আই.ই.সি. কেম্পেনশিং অমসুং জন ভাগিদরি (মীয়াম য়াওনা হোৎনবা)গী খুত্থাংদা জন চেতনাগী খোঙথাং লৌখৎকনি।

ময়াই ওইবা কেস লোদ দিস্ত্রিক্তশিং/শহরশিংদা খোংথাং অসিগী পান্দমদি অৱাংবা মফমশিংদগী পাক-শন্না শন্দোরকপা থীংবা; লোকেল ওইনা শন্দোকপা থীংবা; কেসশিং ঙন্না খংদোকপা; তেক্নোলোজী শিজিন্নবগা লোয়ননা কন্তেক্ত ত্রেসিং হেনগৎহনবা; অমসুং কম্ম্যুনিতী য়াওহনবা।

মশিং য়ামদবা দিস্ত্রিক্তশিংগী ওইনা খোংথাংশিং অসিনা অতোপ্পা মফমশিংদগী মীয়ামগী মরক্তা লায়না শন্দোকপা থিংনবা পান্দম থম্মি; ইনফ্লুয়ঞ্জা লাইক ইলনেস (আই.এল.আই.)/ সিবিয়র রেস্পেরেতরী ইলনেস (সারি)গী সর্ভিলেন্স অমসুং তার্গেতেদ তেস্তিং হেনগৎহনবা; লোকেল এদমিনিস্ত্রেতিবনা তার্গেৎ থম্বগা লোয়ননা কন্তেক ত্রেসিং কন্না পাংথোকপা (>১৫-২০ কন্তএক/কেস); খুদোংথীবা য়াবা মীয়াম ঙন্না খংদোকপা।  

শ্রী. অমিৎ য়াদব, দি.জি.এফ.তি.না কোবিদ-১৯ লাইচৎ মনুংদা এক্সপোর্তকী অথিংবা মখাদা লৈবা তোঙান তোঙান পোৎশিংগী অমসুং মখোয়গী হৌজিক লৈরিবা ফীভমদা জি.এম.ও.গী অকুপ্পা ৱারোল থমখি। জি.ও.এম.না এয়রপোর্ত্তা প্রোতোকোলশিং ঙাক্না চৎনবা অমসুং থুংলবা পেসেঞ্জরশিংগী কন্না য়েংশিন্নবা থবক পাইখৎনবা অকনবা ৱাফম থমখি। 

কুমারী প্রীতি সুদান, হেল্থ সেক্রেতরী, শ্রী ভুশন, ও.এস.দি. (এম.ও.ঐচ.এফ.দবল্যু.), শ্রী. পি.দি. ভাগেলা, সেক্রেতরী (ফার্মা), শ্রী. প্রদীপ সিংহ খরোলা, সেক্রেতরী (সিভিল এভিয়েসন), শ্রী অনুপ ৱাধৱন, সেক্রেতরী (কম্মর্স), শ্রী রবী কাপূর, সেক্রেতরী (তেক্সতাইল্স),দা. বলরাম ভার্গাবা, দি.জি. (আই.সি.এম.আর.), দা. রাজীব গর্গ, দি.জি.ঐচ.এস., লেপ্তনেল জেনেরেল অনুপ বেনর্জি, দি.জি., এ, এফ. এম.এস., শ্রী দাম্মু রবী, এদিস্নেল সেক্রেতরী (এম.ই.এ.), শ্রী.পঙ্কজ অগর্ৱাল, এদিস্নেল সেক্রেতরী (কেবিনেৎ সেক্রেতরিয়েৎ) শ্রী অনিল মালিক, এদিস্নেল সেক্রেতরী (হোম এফিয়র্স), কুমারী আর্তি অহুজা, এদিস্নেল সেক্রেতরী (এম.ও.ঐচ.এফ.দবল্যু.) আই.তি.বি.পি., দি.জি.এফ.তি., এম.ই.এ., এম/ও দেফেন্সকী মীহুৎশিং অমসুং লৈঙাক্কী মকোকথোংবা ওফিসিএলশিংনা ভর্চ্যুল মেদিয়াগী থোংদা শরুক য়াখি।

*********