লৌউ-শিংউ মন্ত্রালয়

ভারত সরকারনা লৌউ-শিংউগী লমদা লৌউবশিংগী শেন্থোক হেনগৎহন্নবা অমসুং নহাশিংদা থবক্কী খুদোংচাবা পীনবা থোক্লকপা স্তার্ত-অপশিংবু পুক্নিং থৌগৎলিঃ কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল মন্ত্রী শ্রী নরেন্দ্র সিংহ তোমার

রাস্ত্রিয় কৃশি বিকাস য়োজনাগী শরুক ওইরিবা অনৌবা থৌওং পাংথোকপা অমসুং এগ্রিপ্রীনর্শিপকী মখাদা লৌউ-শিংউ মন্ত্রালয়না স্তার্ত-অপশিংদা শেল পীরি

অহানবা তাঙ্কক্কী ওইনা এগ্রো প্রোসেসিং, ফুদ তেক্নোলোজী অমসুং বেল্যু হাপ্পগী লমদা লৈবা স্তার্ত-অপ ১১২দা লুপা লাখ ১১৮৫.৯০গী শেনফম পীরগনি

Posted On: 31 JUL 2020 12:05PM by PIB Imphal

কেন্দ্র সরকারনা লৌউ-শিংউবগী হীরমদা য়াম্না মরু ওইবা পীরি। লৌউবশিংগী শেন্থোক হেনগৎহন্নবা খুদোংচাবা পীবা অমসুং নহাশিংদা থবক পীবগী হীরমদা হকথেংননা অমসুং নাকোয়ননা তেংবাংনবা হায়দুনা স্তার্ত-অপশিংদা পুক্নিং থৌগৎলি। কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল, খুঙ্গং চাউখৎপা অমসুং পঞ্চায়তী রাজ মন্ত্রী শ্রী নরেন্দ্র সিংহ তোমারনা হায়খিবদা প্রধান মন্ত্রী শ্রী নরেন্দ্র মোদীনা মরু ওইনা হায়বগী মতুং ইন্না স্তার্ত-অপ অমসুং এগ্রিপ্রীনর্শিপকী খুত্থাংদা লৌউ-শিংউ অমসুং মসিগা মরী লৈনবা হীরমদা অনৌবা তেক্নোলোজী কয়া খুমাং চাউশিলহন্নবা হোৎনগদবনি হায়খি। মরম অদুনা রাস্ত্রিয় কৃশি বিকাস য়োজনাগী মখাদা অনৌবা থৌওং পাংথোকপা অমসুং এগ্রিপ্রীনর্শিপকী পোৎলমশিং অসি খুমাং চাউশিলহল্লি। ইং ২০২০-২১গী অহানবা তাঙ্কক্কী ওইনা এগ্রো প্রোসেসিং, ফুদ তেক্নোলোজী অমসুং বেল্যু হাপ্পগী লমদা লৈবা স্তার্ত-অপ ১১২দা লুপা লাখ ১১৮৫.৯০গী শেনফম পীরগনি অমসুং মসিনা লৌউবশিংগী শেন্থোক হেনগৎহবদা তেংবাংগনি। শেন্থং অসি ইন্সতোলমেন্ততা পীগনি।

শ্রী তোমারনা হায়খিবদা থা অসিগী অহৌবদা ভারতকী এগ্রিকলচর রিসর্চ, এস্কতেন্সন অমসুং মহৈ-তম্বীবগী খুমাং চাউশিনবগী ফিভম য়েংশিনবা মতমদা প্রধান মন্ত্রী শ্রী নরেন্দ্র মোদীনা লৌ-শিংউবা অমসুং মরী লৈনবা হীরমশিংদা অনৌবা থৌওং অমসুং তেক্নোলোজী শিজিন্নহনগে হায়রবদি স্তার্ত-অপ অমসুং এগ্রিপ্রীনরশিং অসি পুক্নিং থৌগৎকদবনি হায়না হায়খ্রবনি হায়খি। মহাক্না লৌউবশিংদা দিমান্দগী ই-পাউ ফংহন্নবা ইনফোর্মেসন তেক্নোলোজী শিজিন্নবগী কান্নবগী তঙাই ফদবশিংগী মতাংদা পনখি। ভারতকী খুন্নাইশিংগী নাৎকী ওইবা লৌশিং অসি তেক্নোলোজী অমসুং নহাশিং অমসুং এগ্রিকলচর ক্রেজুএৎশিংগী মহৈ-মশিংগা পুনশিন্নদুনা ভারতকী লৌউ-শিংউদা লৈরিবা অপুনবা মতিক অসি শিজিন্নদুনা খুঙ্গংগী মফমশিং অসি শেমদোকপা ঙমগনি হায়না প্রধান মন্ত্রীনা হায়খি। মশক খঙলবা খুদোংচাদবশিংগী ৱারোয়শিন পীবা অমসুং লৌউ-শিংউবগী থবক্তা থিলহল্লিবা কয়া অসি হন্থহন্নবা চানবা খুৎশু-খুৎলায়গী মওং শাবগী হেক্কাথোনশিং অসি চহিদা অনিরক শিন্নবসু মহাক্না হায়খি।

কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল মন্ত্রীনা লৌউ-শিংউবা অসিদা চাংয়েংনবা লৈবা, মসিদা য়ুম্ফম ওইবা থবকশিংদা নীংথিনা তাকপী তম্বীবা অমসুং য়াম্না থুনা অনৌবা তেক্নোলোজী শিজিন্নবদা অকনবা মিৎয়েং চংখি। লৌউ-শিংউবদা লন্নাইগী মীওইশিংনা শেল থাদরকপা হেনগৎলক্লিবা অসি পল্লদুনা শ্রী তোমারনা বেল্যু হাপ্পা অমসুং স্তার্ত-অপশিংগী তঙাই ফদবশিংগী মতাংদা পনখি। মহাক্কী মংলান্দি নহাশিংবু লৌউ-শিংউবদা পুক্নিং চিংশিন্দুনা শেক্তর অসিবু ইনোৎ হাপ্পনি। লৌউ-শিংউবা অমসুং মরী লৈনবা হীরমশিং অমসুং খুঙ্গংগী শেন্মিৎলোন্দা চাউখৎপা পুরক্নবা ভারত সরকারগী খোঙথাং কয়া অসি য়েংদুনা লৌউ-শিংউবা অমসুং মসিগা মরী লৈনবা হীরমশিং মপাঙ্গল হেনগৎহনবগী পান্দম লৈরিবা রাস্ত্রিয় কৃশি বিকাস য়োজনাসু নৌনা শেমদোকখ্রে।

শেমদোক্লবা স্কিম অসিগী মখাদা অনৌবা থৌওং পুথোকপা অমসুং এগ্রি-ওন্তোপ্রীনর্শিপ দিবেলপমেন্ত প্রোগ্রাম অমা স্তার্ত-অপ অমসুং এগ্রিপ্রীনর্শিপ্তা শেল থাদদুনা চাউখৎহন্নবা অমসুং ইঙ্ক্যুবেসন ইকোসীস্তেম হিংহনবগী থৌওং অমা লোঞ্চ তৌখ্রে। দি.এ.সি. অমসুং এফ.দবল্যু.না লৈবাক শিনবা থুংনা এদবর্তাইজ তৌবা অমসুং য়াম্না কুপ্পা খনবগী থৌওং অমগী তুংদা নোলেজ পার্ত্নর (কে.পি.) ৫ অমসুং আর.কে.ভি.ৱাই.-আর.এ.এফ.তি.এ.এ.আর. এগ্রিব্যুজিনেস ইঙ্ক্যুবেতর (আর.-এ.বি.আই.) ২৪বু সেন্তর ওফ এক্সেলেন্স ওইনা খনখ্রে।

তোঙান তোঙানবা নোলেজ পার্ত্নর অমসুং এগ্রিব্যুজিনেস ইঙ্ক্যুবেতরশিংনা এগ্রো প্রোসেসিং, ফুদ তেক্নোলোজী অমসুং বেল্যু হাপ্পগী লমদা খনগৎলবা স্তার্ত-অপ ১১২দা অহানবা তাঙ্কক্কী ওইনা  লুপা লাখ ১১৮৫.৯০গী শেনফম পীরগনি। মসিগী শেন্থংশিং অসি ইন্সতোলমেন্ততা পীগনি। মসিগী স্তার্ত-অপশিং অসি ভারতকী তোঙানবা মফমশিংদা লৈবা এগ্রিব্যুজিনেস ইঙ্ক্যুবেতর (কে.পি. অমসুং আর.এ.বি.আই.) ২৯দা থা অনিগী ত্রেনিং পীখি। স্তার্ত-অপশিং অসিনা নহাশিংদা থবক পীগনি। মসিগী মথক্তা মখোয়না লৌউবশিংদা খুদোংচাবা কয়া পীদুনা মখোয়গী শেন্থোক হেনগৎহনবদা হকথেংননা অমসুং নাকোয়ননা তেংবাংগনি। এগ্রি-ওন্তোপ্রিনর্শিপকী মতাংদা অকুপ্পা ৱারোল খংনবগীদমক্তা আর.কে.ভি.ৱাই.গী ৱেবসাইৎ https://rkvy.nic.in দা চংদুনা খঙবা য়াগনি।

*****



(Release ID: 1642550) Visitor Counter : 31