কেন্দ্রগী য়ুম্লৈ-কৈরৈ মন্ত্রী শ্রী অমিৎ শাহনা 'নেসনেল এজুকেসন পোলিসী ২০২০' তরাম্না ওকখ্রে। য়ুম্লৈ-কৈরৈ মন্ত্রী অসিনা ত্বীৎ অমদা হায়খি, "মহৈ-মশিং তম্বা হায়বসিনা লৈবাক অমগী চাউখৎনবগী য়ুম্বীনি, অমসুং চহী ৩৪ অসিদা ভারতনা তুংগী ওইবা পোলিসী অমা শেম্বগী তঙাইফদবদু লৈরম্বনি। ঐহাক্না প্রধান মন্ত্রী শ্রী নরেন্দ্র মোদী অমসুং কেন্দ্রগী এজুকেসন মন্ত্রী দা. রমেশ পোখ্রিয়াল নিশাঙ্কপু অসিগুম্বা "অনৌবা ভারত" অমা শাগৎনবা হোৎনবদা চাউরবা থৌদাং অমা লৌগদৌরিবা পুৱারীদা লৈহৌরগদবা ৱারেপ অসিগীদমক থাগৎপা ফোংদোকচরি।

শ্রী অমিৎ শাহনা মখা তানা হায়খি, ভারতকী এজুকেসন সিস্তেমগীদি নুমিৎ অসি নিংশিংদুনা লৈহৌরগনি। মঙম শানবা ঐখোয়গী প্রধান মন্ত্রী মোদীগী লুচিং মখাদা কেন্দ্রগী মন্ত্রী মন্দল মীফম্না ঙসি এন.ই.পি. ২০২০বু ২১শুবা চহী চা অসিদা স্কুল অমসুং হাইয়র এজুকেসন্দা তঙাই ফদবা শেমদোক শেমজিন কয়াগা লোইননা অয়াবা পীখ্রে।

কেন্দ্রগী য়ুম্লৈ-কৈরৈ মন্ত্রীনা মহাক্কী ত্বীত্তা মসিমসু পনখি, " মালেমদা লৈরিবা লৈবাক অমত্তনা মখোয়গী নাৎ অমসুং ভেল্যুশিংবু লংথোক্লগা চাউখৎপা পুরকপা য়ারোই। প্রধান মন্ত্রী মোদীগী এন.ই.পি. ২০২০ অসিগী পান্দমদি ভারতকী ইথোস্তা য়াওরিবশিংনা য়োম্লবা এজুকেসন সিস্তেম অমা শাগৎনবা অমসুং মীপুম খুদিংমক্তা অফবা মহৈ মশিং পীবীদুনা ভারতপু মালেমদা ৱাখল লৌশিং ৱাংবা লম অমা ওইনা শাগৎপনি।"

কেন্দ্রগী য়ুমৈ-কৈরৈ মন্ত্রীনা হায়খি, 'নেসনেল এজুকেসন পোলিসী ২০২০ অসি সমাজ অসিদা লৈরিবা কাংলুপ খুদিংমক্কী অঙাং পুম্নমক্তা য়ৌহল্লগনি অমসুং হায়রিবসিমক ফংহন্নবগীদমক অখন্নবা জোইন্ত তাস্ক ফোর্স অমা শেম্লগনি। শ্রী অমিৎ শাহনা মসিমসু হায়খি, লেপ্পা লৈতবাই অমসুং থৌসিল নীংথীনা শেম্লবা খোংথাংশিং হাইয়র এজুকেসনদা গ্রোস এনরোলমেন্ত রেসিও (জি.ই.আর.) হেনগৎনবগীদমক লৌখৎখৎলগনি।

কেন্দ্রগী য়ুম্লৈ-কৈরৈ মন্ত্রীনা মখা তানা, "অনৌবা এজুকেসন পোলিসী ২০২০ অসিনা স্কুল এজুকেসন্দা ৫+৩+৩+৪গী সিস্তেম পুশিল্লক্লে, অনৌবা চহী মরিগী কোর্স অমা হৌদোক্লে, সিঙ্গল পোইন্ত কম্মন রিগুলেতরী সিস্তেম, ফী ফিক্সেসন অমসুং কম্মন নোর্মশিং বোর্দ রিগুলেতরী ফ্রেমৱার্ক অমগীমখাদা মশীং থীঙমদনা হাইয়র এজুকেসন্দা চঙবা অমসুং থোকপা য়াহনলে।"

কেন্দ্রগী য়ুম্লৈ-কৈরৈ মন্ত্রীনা হায়রি মদুদি অনৌবা এজুকেসন পোলিসী ২০২০ অসিদা একাদেমিক ক্রেদিৎ বেঙ্ককী ৱাফমসু য়াওরি, মসিনা এজুকেসন সিস্তেমদা শেল থাদবা হেনগৎহল্লগনি, খুদোংচাবা ফংদ্রবা কাংবুগী অখন্নবা এজুকেসন জোনশিং, কসতুরবা গান্ধী বালিকা বিদ্যালয়বু গ্রেদ ১২ ফাওবা হাপকৎপা, অমসুং লোক বিদ্যাদা থম্বা মীৎয়েং হেনগৎহনবা অমসুং তেক্নোলোজী শীজিন্নবগী চাং হেনগৎহনবা য়াওরি।

শ্রী অমিৎ শাহনা মখা তানা, "নেসনেল এজুকেসন পোলিসী ২০২০ অসিগী পান্দম অসি ভারতকী এজুকেসন সিস্তেমদা লৈরিবা মশা পুম্বা কোনশিনবা অমসুং দিসিপ্লিন য়াম্বা খোংথাং অমদা ভারতকী এজুকেসন সিস্তেম্বু শেমদোক্নবগীদমক্তিনি। তোঙান-তোঙানবা হীরমশিংদা মীৎয়েং চঙবসিনা মরম ওইদুনা অঙাংশিংদা অপুনবা ওইনা চাউখৎপা পুরক্লগনি"

*******