বিহারদা নেস্নেল  ফুদ সেক্যুরিতী এক্ত, ২০১৩ (নফসা)গী রেসন কার্দশিং পীনবা কান্নবা ফংগদবা মীওইশিং মশক খঙদোকপদা অরানবা তৌরে অমসুং মীচং-মীখাই নাইরে হায়না মীদিয়াদা পাউ খর ফোঙলকপদা, কঞ্জুমর এফেয়ার্স, ফুদ অমসুং পব্লিক দিস্ত্রিবুসন মিনিস্ত্রিগী ফুদ অমসুং পব্লিক দিস্ত্রিবুসন দিপার্তমেন্তনা শেংদোক্লি মদুদি অকক্নবা চৎন-পথাপদা য়ুম্ফম ওইরগা নফসাগী কান্নবা ফংগদবা মীওইশিং খনবনি অমসুং মসিগী থৌদাং রাজ্য সরকারশিংগীনি। বিহারদা নফসাগী কান্নবা ফংগদবশিং মশক খঙদোকপদা অরানবা নৎত্রগা মীচং-মীখাই নাইবা অমতা তৌখিদে। নিয়মশিংগী মতুংইন্না কান্নবা ফংগদবশিং খঙদোকপগী থবক রাজ্যশিং/য়ু.তিশিং চপ মান্নৈ।

নেস্নেল  ফুদ সেক্যুরিতী এক্ত, ২০১৩না বিহারদা অপুনবা ওইনা মীওই করোর ৮.৭১ কান্নবা ফংহল্লি ,মসিদা অন্তয়োদ্যা অন্না য়োজনাগী ইমুং লাখ ২৫ রোম য়াওরি।

ফুদ অমসুং পব্লিক দিস্ত্রিবুসন দিপার্তমেন্তগী মতুংইন্না, ২০২০গী মে থাদা, নফসাগী মখাদা মীওই চাদা ১০০ (করোর ৮.৭১)কোনশিন্নবা থাগী চাকথুং হেনগৎহন্নবা বিহারনা দিপার্তমেন্তদা হায়জরকখি। বিহারনা হায়জরকপা অদুগী পাউখুম ওইনা রাজ্য অসিগী নসফাগী কান্নবা ফংগদবা মীওই মশিং খ্বাইদগী য়াম্না করোর ৮.৭১ ফাওবা ওইবা কেন্দ্র সরকারনা অয়াবা পীখি।

হন্দক ফুদ অমসুং পব্লিক দিস্ত্রিবুসন দিপার্তমেন্তনা বিহারদা নফসাগী কান্নবা ফংলবশিংগী রিপোর্ত অমা পীরক্নবা খঙহনখি অমসুং রাজ্য অদুদা মথৌ তৌদ্রবা রেসন কার্দ লাখ ১৫ লৈ অমসুং নিয়মগী মতুংইন্না মখোয় চুমথোকপগী থবক চৎথরি হায়না পাউখুম পীরকখি। হৌজিক রেসন কার্দ করোর ১.৪১ লৈরিবা অসিগী মথক্তা অনৌবা রেসন কার্দ লাখ ২৩.৩০ পীখ্রে হায়না রাজ্য অসিনা খঙহল্লকখি। ২০২০ জুলাই থাগী য়েন্থোকপা লোইরবা মতুংদা নফসাগী কান্নবা ফংগদবা মীওইশিংগী অরোইবা লিস্ত শেম্বা লোইরগনি হায়না রাজ্য অসিনা খঙহল্লকখি অমসুং পি.দি.এসকী মখাদা চেঙ য়েন্থোক্নবা রাজ্য অসিগী মশাগী ওইবা স্কিম লৈজদে হায়না ফোঙদোরকখি।

নফসাগী মখাদা কেন্দ্র সরকারনা বিহারদা চহি অমদা চেঙ মেত্রিক তন লাখ ৫৫.২৪ পীরি, মসিদা লুপা করোর ১৬,৫০০ রোমগী ফুদ সবসিদি য়াওরি। মসিগী মথক্তা, পি.এম.জি.কে.এ.ৱাইগী মখাদা ২০২০গী এপ্রিল-নবেম্বরগী ওইনা লুপা করোর ১২,০৬১গী অহেনবা ফুদ সবসিদি য়াওনা চাউরাক্না চঙ মেত্রিক তন লাখ ৩৪.৮ পীখ্রে। মখা তানা, অত্মা নির্ভর ভারত পেকেজগী মখাদা থা অনিগী ওইনা লুপা করোর ৩২২গী সবসিদি য়াওনা অহেনবা চেঙ মেত্রিক তন লাখ ৮৬,৪০০ ফংহনখ্রে।

বিহারদা ফংফম থোকপা লায়রবা ইমুংশিংদা ফুদ সবসিদিগী কান্নবশিং ফংহন্নবা কেন্দ্র সরকারনা থবক খুদিংমক পায়খৎলি হায়না ফুদ অমসুং পব্লিক দিস্ত্রিবুসন দিপার্তমেন্তনা শেংদোক্লি।

****