কেমিকেলস অমসুং ফর্তিলাইজর্স মন্ত্রালয়গী মখাদা লৈবা পি.এস.য়ু. অমা ওইরিবা ফর্তিলাইজর্স এন্দ কেমিকেলস ত্রাবনকোর লিমিতেদ (এফ.এ.সি.তি.)না লৈবাক অসিগী নোংপোক অমসুং নোংচুপকী সমুদ্র খোঙবানদা হারশিং পুনবা অনৌবা মখলগী পুথোক-পুশিন তৌনবা পাম্বৈ ওইনা কোস্তেল শিপ্পিং শীজিন্নবা হৌখ্রে।

এফ.এ.সি.তি.না পীরকপা ৱারোলগী মতুং ইন্না, এফ.এ.সি.তি.কী সি.এম.দি. শ্রী কিশোর রুঙ্কতানা কোচিন পোর্ত ত্রস্তকী চ্যেরপর্সন ওইরিবা আই.এ.এস. দা. বীনাগা পুন্না এম্মোনিয়ম সলফেৎকী এম.তি. ৫৬০গা লোয়ননা অহানবা তাঙ্কক্কী কন্তেনরশিং এফ.এ.সি.তি. উদিওগমন্দল কমপ্লেক্সতা পাঙথোকপা থৌরম অমদা লমথাখ্রে।

ৱেস বেঙ্গলগী লৌমীশিংদা য়েন্থোক্নবা এম্মোনিয়ম সলফেৎকী অপুনবা কন্তেনর ২০ হাল্দিয়াগী হীথাংফমদা থারগনি হায়রি। “এস.এস.এল. বিসাখাপতনম” কৌবা জহাজ অসিনা এম্মোনিয়ম সলফেৎকী এম.তি. ৫৬০গা লোয়ননা কোচিনগী হীথংফমদগী জুলাই ৩০দগী হী থৌবা হৌরবা য়াই।

মসি পাঙথোক্নবা হোৎনবদা এফ.এ.সি.তি.না কোচিন পোর্ত ত্রস্ততগী মতেং ফংলি। কোস্তেল শিপ্পিংগী খু্ত্থাংদা পুরকপা হারশিং মখা তানা রেলগী খুত্থাংদা পুদুনা য়ৌহনগদবা মফমশিংদা য়ৌনবা পুগনি।

থৌরম অসিদা কোচিন পোর্ত ত্রস্তকী দিপুতী চ্যেরমেন শ্রী এ.কে. মেহেরা, ত্রাফিক মেনেজর বিপিন আর মেনোথ, এদবাইজর তু সি.পি.তি. গৌতম গুপ্তা অমসুং এফ.এ.সি.তি.কী চীফ জেনরেল মেনেজর (মার্কেতিং) অনিল রাঘবন শরুক য়াখি।

মরু ওইনা কোবিদ-১৯গী লায়চৎ মনুং অসিদা হারশিং শিপ্পিংগী খুত্থাংদা ঈশিংগী লম্বেলদা পুবনা রেল অমসুং লম্বীদা হারশিং পুবগী অৱাবা অদু চাউনা হন্থহল্লি। কোস্তেল শিপ্পিংনা সমুদ্র খোঙবানদা লৈবা রাজ্যশিংগী লৌমীশিংদা চাই নাইনা সপ্লাইশিং পীবা ঙমহল্লগনি।

*****