(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

· ভারতকী কেস ফেতেলিতী রেৎ অসি মখা তানা ২.২৫%দা হন্থখ্রে।

· অপুনবা ফগৎলকখিবশিং অসি লেপ্তনা হেনগৎলক্তুনা লাখ ৯.৫ হেনখ্রে ।

· ঙরাং ৩৫,০০০ হেন্না ফগৎলকখিবগী রেজিস্তর তৌখ্রে; ফগৎলকপগী চাং ৬৪.২% য়ৌখ্রে।

· মশিং য়াম্না কোবিদ তেস্ত তৌবা ঙমগদবা ফেসিলিতীশিং কোলকাতা, নোইদা অমসুং মুম্বাইদা প্রধান মন্ত্রীনা হাংদোকখ্রে।

· হৌজিক্কী ওইনা অপুনবা এক্তিব কেস মশিং ৪,৯৬,৯৮৮ ওইরি।

· ভারত্তা নুমিৎ নিনি থংননা নোংমদা কোবিদ-১৯ তেস্ত লাখ ৫দগী হেন্না তৌখ্রে; হৌজিক ফাওবদা সেম্পল কোতি ১.৭৩ তেস্ত তৌখ্রে।

ভারতকী কেস ফেতেলিতী রেৎ (সি.এফ.আর.) অসি মখা তানা ফগৎলক্লি অমসুং ২.২৫%দা হন্থখ্রে;অপুনবা ফগৎলকখিবশিং অসি লেপ্তনা হেনগৎলক্লি, ঙসি লাখ ৯.৫ হেনখ্রে; ঙরাং ৩৫,০০০ হেন্না ফগৎলকখিবগী রেজিস্তর তৌখ্রে

ভারতকী কেস ফেতলিতী রেৎ (সি.এফ.আর.) অসি লেপ্তনা হন্থরক্তুনা হৌজিক ২.২৫% ওইরে। মালেমগী ওইনা শীবগী চাং খ্বাইদগী নেম্বা লৈবাক অমা ওইনা ভারতনা লেপ্তনা চংশিল্লি। সি.এফ.আর. অসি জুনগী ময়াই চল্লকপদা ৩.৩৩% ওইরম্বদগী ঙসি ২.২৫%তা হন্থরে। থংনা-থংননা মঙানি শুবা ওইনা ভারতনা নোংমদা ফগৎলকখিবশিংগী মশিং অসি ৩০,০০০ হেনখ্রে।

ফগৎলকপগী চাং অসি জুনগী ময়াই চল্লকপদা ৫৩% রোম ওইরম্বদগী খঙহেন হেনগৎলক্তুনা ঙসি ৬৪% ওইরে। হৌখিবা পুং ২৪ অসিদা অনাবা মীওই ৩৫, ১৭৬ দিচার্জ তৌখিবগা লোয়ননা অপুনবা ফগৎখিবা মশিং ৯.৫২,৭৪৩ শুখ্রে। নোংমদা ফগৎলকপগী মশিং অসি হেনগৎলকপগা লোয়ননা, ফগৎখিবা কেসশিং অমসুং এক্তিব কেসশিংগী মরক্তা লৈবা খেৎনবা অসি লেপ্তনসু হেনগৎলক্লি। হৌজিক্কী ওইনা ৪,৫৫,৭৫৫ ওইরি। মসিগী অর্থদি অশেংবা এক্তিব কেস লোদ অসি হৌজিক্কী ওইনা ৪,৯৬,৯৮৮ অমসুং মখোয় পুম্নমক মেদিকেল সুপর্ভিজনগী মখাদা লৈরো।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641785

ভারত্তা নুমিৎ নিনি থংন-থংননা নোংমদা তেস্ত লাখ ৫ হেন্না তৌখ্রে ঙসিফাওবগী ওইনা সেম্পল কোতি ১.৭৩ তেস্ত তৌখ্রে
"তেস্ত, ত্রেক, ত্রিৎ" খোংথাংগী মখা তারকপা ওইনা, ভারত্তা নুমিৎ নিনি থংননা নোংমদা কোবিদ-১৯ তেস্ত লাখ ৫দগী হেন্না তৌখ্রে। জুলাই ২৬তা ভারত্তা অপুনবা ওইনা সেম্পল ৫,১৫,০০০ তেস্ত তৌখি অমসুং জুলাই ২৭তা অপুনবা ওইনা সেম্পল ৫,২৮,০০০ তেস্ত তৌখি। মথং মনাও নাইনা তপ্না তপ্না চাউখৎলক্তুনা লৈবাক অসিগী তেস্তিং নেৎৱার্কসু পাকথোক-চাউথোক্লক্লি, অমসুং হৌজিক ফাওবদা অপুনবা ওইনা তৌখ্রবা তেস্তকী মশীং অসি কোতি ১.৭৩ য়ৌখ্রে। মিল্লিয়ন অমদা তৌবা তেস্তকী মশীংনা ১২,৫৬২ য়ৌখ্রে। লৈবাক অসিগী তেস্তিং লেব নেৎৱার্ক অসি অপুনবা ওইনা লেব ১৩১০ লৈদুনা মপাঙ্গল কনখৎলক্লি; সরকারগী লেব ৯০৫ অমসুং প্রাইবেৎ লেব ৪০৫ শুরে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641827

মশিং য়াম্না কোবিদ তেস্ত তৌবা ঙমগদবা সেন্তরশিং কোলকাতা, নোইদা অমসুং মুম্বাইদা প্রধান মন্ত্রীনা হাংদোকখ্রে

সি ভিদিও কনফরেন্সকী খুৎথাংদা প্রধান মন্ত্রী নরেন্দ্র মোদীনা মশিং য়াম্না কোবিদ-১৯ তেস্ত তৌবা ঙমগদবা লেবোরেতোরি অহুম হাংদোকখ্রে। হায়রিবা লেবোরেতোরিশিং অদু কোলকাতা, নোইদা অমসুং মুম্বাইদা লৈবা ইন্দিয়ান কাউন্সিল ওফ মেদিকেল রিছর্সকী নেসনেল ইন্সতিতুৎশিংদা হাংদোকপনি । প্রধান মন্ত্রীনা হায়খি হায়রিবা অফব মখলগী তেস্ত তৌনবা লেবোরেতোরিশিং অসিনা সহর অহুম অসিদা নোংমদা সহর অমমমদা তেস্ত ১০,০০০ তৌবা ঙমগনি। মশিং য়াম্না চাংয়েং তৌবা অসিনা ঙন্না খঙদোকপা অমসুং লায়েংবদা মতেং পাংদুনা ভাইরস অসি শন্দোরকপা থিংবদা মতেং পাংগনি।হায়রিবা লেবোরেতোরিশিং অসিনা কোবিদ খক চাংয়েং তৌনবা ওইরোই, তুংদা, মসি হেপাতাইতিস বি অমসুং সি, ঐচ.আই.ভি, দেঙ্গু অমসুং অতোপ্পা লায়না কয়া তেস্ত তৌবা ঙমগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641550

আই.সি.এম.আর.গী লেব ৩দা কোবিদ-১৯ মশিং য়াম্না তেস্ত তৌনবা খুদোংচাবশিং হাংদোকপা থৌরমদা প্রধান মন্ত্রীনা পীখিবা ৱারোলগী ইংলিশ ৱাহন্থোক

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641551

সংসদকী মেম্বরশিংগী মরক্ত ৱাখল তাহন্নবা “মালেমগী হেপাতাইতিস নুমিৎ” লাকপদা দোক্তর হর্স ভরধন অনিসুবা ইম্পেথি ই-কনক্লেব শরুক য়াখ্রে

মালেমগী হেপাতাইসিস নুমিৎ থৌরমদা লোক সভাগী স্পিকর ওম বিরলানা চীফ গেস্ত অমসুং লো অমসুং জজতিসকী য়ুনিয়ন মিনিস্তর রবি সনকার প্রাসাদ অমসুং হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন্না গেস্ত ওফ ওনরশিং ওইনা শরুক য়াখি। থৌরম হৌদোকলদুনা স্পিকর ওম বিরলানা হায়খি ২০৩০ ফাওবগী মনুংদা হেপাতাইসিস সি অমসুং বি মুৎথৎনবা দবল্যু.ঐচ.ওনা পান্দম থম্লিবা অসি ফংনবা ঐখোয়না থবক পায়খৎলি। মীয়াম তরাম্না ওক্লদুনা , দোক্তর হর্স ভরধন্না হায়খি, চহি অসিগী পান্দম ‘কোবিদ মতমদা অদোমগী লিভর ফনা থম্বা’ হায়বনি, মসি য়াম্না চুনবা , তেস্ত তৌবা মতমদা য়াম্না মরুওই অমসুং মরী লৈনৈ। প্রধান মন্ত্রী নরেন্দ্র মোদীগী লুচিং মখাদা অকনবা থবকশিং পায়খৎপদগী ঐখোয়না কোবিদ-১৯ শন্দোরকপা লাকশিনবা ঙম্লে। কোবিদ-১৯না শিহনবগী চাং চাদা ২দগী চাদা ৩ ফাওবগী মনুংদা লৈরি অমসুং কেস য়াম্বা লাইওং উৎতবা ঙাক্তনি। অতৈ অনাবশিং হায়বদি দাইবেতিস, নোইবা, লিভর চাউখৎপা, লিভরগী অরিবা অনাবা লৈবা মীওইশিংনা থেংনরিবা খুদোংথিনিংঙাই ওইবশিং অদু খঙহনবা দরকার ওই।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641742

কোবিদ-১৯গা মরী লৈনবা খুদোংচাদবশিং লৈরবসু মমাং চহিগী চাংদগী পোৎপুবগী ত্রাফিক অসি মিসন মোদতা রেলৱেজনা ফগৎহনখ্রে

কোবিদ-১৯গা মরী লৈনবা খুদোংচাদবশিং লৈরবসু ইন্দিয়ন রেলৱেজনা পোৎপুবগী ত্রাফিক অসি মমাং চহিদগী হেন্না হেন্দুনা অচৌবা মায় পাকপা অমা পুরকখ্রে। ২০২০গী জুলাই ২৭দা লোদ তৌখিবা পোৎচৈ অসি নুমিৎ অসিমক্কী মমাং চহিদগী হেন্দুনা এম.তি. ৩.১৩ ওইখ্রে। রেলৱেজনা হায়রিবা মতম অসিদা ইনফ্রাস্ত্রকচরগী থবক ২০০ ময়া নক্না লোয়শিনখ্রে। পোৎ পুবা ত্রেনগী জুলাই ২৭, ২০২০গী খোঙজেলগী চাংচৎ অসি পুং অমদা কি.মি. ৪৬.১৬ ওইখি মসি মমাং চহিগী নুমিৎ অসিমক্তদা ওইখিবা (পুং অমদা কি.মি. ২২.৫২) অদুগী শরুক অনি ওইখি। পোৎ পুবা ত্রেনগী জুলাই থাগী খোঙজেলগী চাংচৎ অসি পুং অমদা কি.মি. ৪৫.০৩ ওইখি মসি মমাং চহিগী চপ মান্নবা থা অসিমক্তদা ওইখিবা (পুং অমদা কি.মি. ২৩.২২) অদুগী শরুক অনি ওইখি। জুলাই ২৭, ২০২০দা পোৎ পুবা ত্রেন্দা অপুনবা লোদ তৌখিবা অসি মিলিয়ন তন ৩.১৩ ওইখি মসি মমাং চহিগী নুমিৎ অসিমক্তা ওইখিবা অদুদগী হেন্না য়ামখি। চেং-হৱাইগী রেক ৭৬, হারগী রেক ৬৭, স্তীলগী রেক ৪৯, সিমেন্তগী রেক ১১৩, আইরন ওরগী রেক ১১৩ অমসুং কোইলাগী রেক ৩৬৩ য়াওনা ইন্দিয়ন রেলৱেজকী পোৎ পুবা ত্রতেনগী অপুনবা রেক ১০৩৯ জুলাই ২৭, ২০২০দা লোদ তৌখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641826

কোবিদ-১৯ অনাবা মীওইশিং খঙদোক্নবা অমসুং কয়া য়াম্না খুদোংথিনিঙাই ওইরবগে হায়বা য়েংশিন্নবা মোবাইল এপ বেঙ্গলোরদা লৈবা স্তার্তঅপনা পুথোক্লে

পাক-শন্না স্ক্রিন্নিং তৌনবা, লায়না অসি ঙন্না খঙদোকপা অমসুং খুদোংথিনিংঙাই কয়া য়াম্না ওইরবগে হায়বা থিজিন্নবা অনৌবা পাম্বৈশিং শীজিন্নবা অসি কোবিদ-১৯ লাইচৎ লাকশিনবগী অরুবা শিংনবা অমা ওইরে । লাইচৎ অসি লাকশিন্নবা তেক্নোলোজি শীজিন্নদুনা হকশেলগী মীওইশিংনা থেংনরিবা খুদোংচাদবশিং হন্থহন্দুনা য়াংনা তেস্ত তৌবা য়াগনি। সাইন্স অমসুং তেক্নোলোজি দিপার্তমেন্তগী মখাদা লৈবা সেন্তর ফোর অগমেন্তিং ৱার ৱিথ কোবিদ-১৯ হেল্থ ক্রাইসিস(কাৱাচ)না লিফাস কোবিদ স্কোর কৌবা কোবিদ য়েংশিন্নবা প্রোফাইল অমা পুথোক্নবা বেঙ্গলোরদা লৈবা স্তার্দঅপ এক্কুলি লেব খল্লে। এক্কুলি লেবনা য়াম্না ঙন্না কোবিদ-১৯ খঙদোক্নবা দিজিতেল ওইনা থবক তৌবা বাইওমেকর স্মার্দফোন তুল পুথোকলে অমসুং মসিগী লায়না অসি য়ুমদা য়েংশিন্নবা লিফাস কোবিদ স্কোর হায়না অমুক হন্না শেমদোকপনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641755

সরকারগী এমপ্লোয়ীশিংনা কোবিকী লাইচৎ আসিগী মনুংদা থবক্তগী পোত্থাখিবশিংনা মখোয়গী রিগুলর পেন্সন পেমেন্ত ওর্দর থোক্ত্রিবফাওবা “প্রোভিজনেল” পেন্সন ফংগনি: দা. জিতেন্দ্র সিংহ

সরকারগী এমপ্লোয়ীশিংনা কোবিকী লাইচৎ আসিগী মনুংদা থবক্তগী পোত্থাখিবশিংনা মখোয়গী রিগুলর পেন্সন পেমেন্ত ওর্দর (পি.পি.ও.) থোক্ত্রিবফাওবা অমসুং অতোপ্পা ওফিসিয়েল ফোর্মেলিতীশিং লোইশিন্দ্রিফাওবা “প্রোভিজনেল” পেন্সন ফংগনি। পর্সোনেলগী মন্ত্রালয়দা এফিলিয়েত তৌবা, দিপার্তমেন্ত ওফ পেন্সননা থোকপা ও.এম. (ওফিস মেমোরেন্দম)গী মতুং ইন্না, “প্রোভিজনেল পেন্সন”গী পেমমেন্ত অদু অহানবগী ওইনা থবক্তগী পোত্থাখিবা নুমিৎ অদুদগী থা তুরক্কী মতম ফাওবগী ওইনা চত্থগনি অমসুং “প্রোভিজনেল পেন্সন”গী মতম অসি অখন্না কেস খরদা চহি অমা ফাওবগী ওইনা মখাতানা শাংদোকপা য়াই। হায়রিবা ইন্সত্রক্সনশীং অসি সরকারগী থবক তৌবা অমনা থবক্তগী পোত্থাবা মতমদা নত্রগা সুপরএনুৱেশন তৌবা মতমদা হায়বদি এফ.আর. ৫৬কী মখাদা ভোলন্তরী রিতায়রমেন্ত তৌবা অসিনচিংবা কেসশিংদা চৎনবা য়াগনি। দা. জিতেন্দ্র সিংনা হায়খি, মসিগী ৱারেপ অসি লাইচৎ অমসুং লোকদাউনগী অথিংবা-অপনবশিং লৈরিবশিং অসিগী মতাংদা খন্থরগা লৌখিবনি, সরকারগী থবক তৌবা অমনা হেদ ওফিস্তা মহাক্কী পেন্সন ফোর্মশিং থাজিনবদা অৱাবা অমা ওইবা য়াই নত্রগা মরু ওইনা হায়রিবা ওফিস অনিমক অসি অতোপ্পা সিতীশিংদা লৈবা তারবদি, মতম চানা মরী লৈনবা পে অমসুং একাউন্তস ওফিস্তা সার্বিস বুক্কা লোইননা মহাক্কী ক্লেম ফোর্ম অদু হার্দ কোপী ওইনা থাজিনবা ঙমদবা য়াই।

অকুপ্পা ৱারোলগীদমক: https://pib.gov.in/PressReleasePage.aspx?PRID=1641560

শ্রী রাম বিলাস পাসৱননা ‘বি.আই.এস. কেয়র’ কৌবা বি.আই.এস.মোবাইস এপ অমা অমসুং স্তেন্দরাইজেসন, কনফোর্মিতী এসেসমেন্ত অমসুং ই-বি.আই.এস.কী ত্রেনিং পোর্তেল হৌদোকখ্রে

কঞ্জুমর এফিয়র্স, ফুদ অমসুং পব্লিক দিস্ত্রীবুসন য়ুনিয়ন মিনিস্তর শ্রী রাম বিলাস পাসৱন ঙরাং কঞ্জুমরশিংগী ব্যুরিও ওব ইন্দিয়ন স্তেন্দার্দ ‘বি.আই.এস. কেয়র’ কৌবা বি.আই.এস.মোবাইল এপ অমা অমসুং স্তেন্দরাইজেসন, কনফোর্মিতি এসেসমেন্ত অমসুং ই-বি.আই.এস.কী ত্রেনিং পোর্তেলশিং লোঞ্চ তৌখ্রে। মোবাইস এপ বি.আই.এস. কেয়র অসি এন্দ্রোইদ ফোন্দা শিজিনবা য়াই। মসিগী এপ অসি হিন্দী অমসুং ইংলীস লোন্দা শিজিন্নৈ অমসুং ইরাই লাইনা গুগল প্লে স্তোরদগী পৈশা তিংদনা লৌথবা য়াই। কঞ্জুমরশিংনা পোত্থোকশিং অমগী আই.এস.আই মার্কাগী অশেংবা অমসুং হোলমার্ক য়েংথোকপা য়াই অমসুং এপ অসি শিজিনন্দুনা ৱাকৎ থাংগৎপা য়াই। মিনিস্তরনা মখা তারদুনা হায় মদুদি বি.আই.এস.না কঞ্জুমর ইনগেজমেন্তকী পোর্তেল শেমগৎলিবা অসিনা কঞ্জুমর গ্রুপকী ওনলাইন রেজিস্ত্রেসন তৌবা, প্রপোজেল থাজিনবা অমসুং এপ্রোবেল লৌবা অমসুং কমপ্লেন্ত মেনেজমেন্ত তৌবদা লায়থোকহনগনি।

শ্রী পাসৱন মখাতানা হায় মদুদি এম.এস.এম.ই.শিংবু মতেং পাংবগী তঙাইফদবা লৈ অমসুং কোভিদ-১৯বু লাকশিন্নবা এম.এস.এম.ই.শিংবু কোমথোকহনখি। মহাক্না হায় মদুদি মার্কিং ফী অসি য়ামদ্রবদা ৪০%হন্থবতা নত্তনা মখোয়দা ফী থিবগী অপাম্ব অসি ইন্সতোলমেন্ত অনি থোক্না থিবা য়ানবা পীরি। হৌজিক ওইরিবা কোভিদ-১৯ লায়চৎ মনুং অসিদা বি.আই.এস.না কোভিদকা চুনবা কোবর-ওল অমসুং ভেন্তিলেতর এন.৯৫ মাস্কশিং, সর্জিকেল মাস্কশিং অমসুং মীৎ ঙাকথোক্নবাশিং নোর্ম মতুং ইন্না শেমগৎলি। মসিনা আই.এস.আই. মার্ক তৌবা পি.পি.ই পোৎলমশিং পুথোকপা হেলগৎহল্লি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641559

ইন্দস্ত্রীএল ক্লিয়ারেন্স অমসুং এপ্রুবেলগী সিঙ্গল ৱিন্দো সীস্তেম অমা য়াম্না থুনা শেম্লগনি

সরকারনা য়াম্না অথুবা মতমদা লৈবাক অসিদা ইন্দস্ত্রীশিংগী ক্লিয়ারেন্স অমসুং এপ্রুবেল পীনবা সিঙ্গল ৱিন্দো সীস্তেম অমা শেম্লগনি। কম্মর্স অমসুং ইন্দস্ত্রী মন্ত্রী শ্রী পিয়ুশ গোয়লনা হায়রিবা সীস্তেম অসি তশেংনা সিঙ্গল ৱিন্দো ওইগনি অমসুং পথাপ অসিগী মনুংদা রাজ্য অমসুং কেন্দ্রগী মন্ত্রালয় খুদিংসু লৈগনি হায়না ঙরাং ফোঙদোকখি। শ্রী পিয়ুশ গোয়লনা লেন্দ বেঙ্ক অমা শেম্নবা সরকারনা হোৎনরি অমসুং মসিগী ওইনা রাজ্য তরুক্না হান্ননা অয়াবা পীরকখ্রে হায়নসু হায়খি। শেল থাদরক্কদবা মীওইশিং অসিনা লাপ্না লৈবা মখোয়গী লোয়শংশিংদগী লেন্দ বেঙ্কশিং অসিগী মশক অমসুং লৈফম খংবা ঙমগনি অমসুং লমগী মপু ওইবা এজেন্সীশিংদা তোয়না চত্ত্রবসু য়ারগনি হায়না মহাক্না হায়খি।

শ্রী পিয়ুশ গোয়লনা সরকারনা হিংবদা অচুম্বা মিৎয়েং চংলি অমসুং মালেমদা খ্বাইদগী কনবা লোকদাউন থমখি। মসিগী থৌওং অসিনা তুংদদি কোরোনাগী লায়চৎ অসি হেন্না নিংথিনা শেন্নবা ঙমহন্দুনা য়াম্না কান্নবা অমা ওইরকখি। হৌজিক্তি লৈবাক অসিনা পুন্সি অমসুং পুন্সি মহিংদা মিৎয়েং চংলি অমসুং অনলোক্কী তাঙ্কক্তা য়ৌশিল্লক্লবনি। ইন্দিকেতর কয়া অমনা উৎপগী মতুং ইন্না শেন্মিৎলোনগী থবকশিং অসি অফবা থাক্তা লৈরে। লোকদাউন মনুংদা ভারতনা হেলথ ইনফ্রাস্ত্রকচর কয়া শেম-শাবা ঙমখি অমসুং হায়রিবা অসি লমদমসিদা ৱাত্ত-পাদনা শিজিন্নবা কোন্ননবা পি.পি.পি.ই. অমসুং বেন্তিলেতর পুথোকচবা অমসুং নোংমদা কোবিদ তেস্ত মশিং কয়া অমা পাংথোকপা ঙম্বা অসিদা উবা ফঙই।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1641556

ফিল্দ ওফিসশিংদগী ফংবা পাউ

• পঞ্জাব: মিসন ফতেহগী মখাদা কোবিদ-১৯ লাকশিন্নবা লেপ্তনা কেম্পেন চত্থরকপা ওইনা পঞ্জাব সরকারনা অহোংমা মমলদা সরকারগী প্লাসমা বেঙ্কতগী লনাই হোস্পিতালশিংদা প্লাসমা পীনবা ৱারেপ লৌখ্রে।
• হরিয়ানা: লায়না অসিনা নাবদগী হৌজিক লায়েং চত্থরিববা মীওইশিং থুনা ফগৎনবা হরিয়ানাগী হকশেলগী মন্ত্রী মিস্তর অনিল বিজনা কোবিদ-১৯ নরুবদগী ফগৎলকখ্রবা মীওইশিংনা থোরক্তুনা মখোয়গী প্লাসমা দোনেৎ তৌনবা হায়জখি।
• মহারাস্ত্র: হৌখিবা চয়োলদা অনৌবা কেস অমসুং শীখিবগী মশিং হাপচনখিবগা লোয়ননা নিংথৌকাবা নুমিত্তা রাজ্য অমসুং সহরদা কোবিদ-১৯গী কেসশিং হন্থবগী রেকোর্দ তৌখি। লোয়ননা য়াম্না তাংনা থোকপা ওইনা নিংথৌকাবা নুমিত্তা দিচার্জ তৌখিবগী মশিংনা অনৌবা কেসতগী হেনখি। রাজ্য অসিনা নিংথৌকাবা নুমিত্তা অনৌবা কেস ৭,৯২৪ থেংনখি মসি নুমিৎ ১৩নি অসিদা খ্বাইদগী নেম্বা ওইখি, মসিগী মনুংদা কেস ১,০৩৩দি মুম্বাইদগী ওইখি। রাজ্য অসিদা অপুনবা কেস লাখ ৩,৮৩ রিপোর্ত তৌরকপদা অপুনবা এক্তিব কেস অসি হৌজিক লাখ ১.৪৭ ওইরি। প্রধান মন্ত্রী শ্রী নরেন্দ্র মোদীনা মুম্বাইগীআই.সি.এম.আর.গী নেস্নেল ইন্সতিত্যুৎ ফোর রিসর্চ ইন রিপ্রদক্তিব হেল্থদা ভর্চ্যুএল মোদতা হায় থ্রুপুৎ তেস্তিং ফেসিলিতী অমা হৌদোক্তুনা কোবিদ-১৯ তেস্ত তৌবগী লম অসি ফগৎহনখ্রে
• গুজরাত: গুজরাততা কোবিদ কেস ১,০৫২ অমসুং শীখিবা ২২ রিপোর্ত তৌরকখি মসিনা শীখিবা মীগী মশিং ২,৩৪৮ শুহনখ্রে অমসুং রিপোর্ত তৌরকখিবা কেস ৫৬,৮৭৪ শুহনখ্রে। রাজ্য অসিনা সেম্পল ২৫,৪৭৪ নোংমদা  তেস্ত তৌদুনা অনৌবা রেকোর্দ অমা থমখি লোয়ননা হৌজিক ফাওবদা তেস্ত তৌখিবা অপুনবা সেম্পলগী মশিং অসি লাখ ৬.৬৭ শুখ্রে। চৈরক অসিদা অচৌবা সহর ৮দা লৈরম্বা কোবিদ কেসকী মশিং অসি ৮০%দগী ৫১%দা থা অমা অসিদা হন্থরকখ্রে।
• রাজাস্থান:  অহানবা ওইনা রাজাস্থানদা এক্তিব কেস অসি ১০,০০০ লানখ্রে লোয়ননা থংনা-থংননা নুমিৎ হুমনি অসিদা নোংমদা মশিং খ্বাইদগী য়াম্না হেনগৎপগী রেকোর্দ থমখ্রে। রাজ্য অসিদা অনৌবা কেস ১,১৩৪ রিপোর্ত তৌরক্তুনা রাজ্য অসিগী অপুনবা মশিং ৩৭,৫৬৪ শুখ্রে অমদি এক্তিব কেসকী মশিং ১০,০৯৭ ওইরি। রাজ্য সরকারনা কোবিদ কেস হেনগৎলকপা অসি য়েংলগা বুন্দি জিলাদা নুমিৎ ৭নিগী লোকদাউন লাউথোকখ্রে।
• মধ্য প্রদেশ: নিংথৌকাবা নুমিত্তা মধ্য প্রদেশতা কোবিদ-১৯দগী পোজিতিব ওইবা অনৌবা মীওই ৭৮৯ থেংনবগা লোয়ননা পোজিতিব ওইবা মীওইগী অপুনবা মশিং অসি ২৮,০০০ লানখিদুনা ২৮,৫৮৯ শুখ্রে। রাজ্য অসিদা এক্তিব কেসকী মশিং অসি ৭,৯৭৮ ওইরি মসিদা নিংথৌকাবা নুমিত্তা ৬৫৯ ফগৎপগী রিপোর্ত তৌরকখি।
• ছত্তিসগর: নিংথৌকাবা নুমিত্তা ছত্তিসগরদা অনৌবা পোজিতিব কেস ৩৬২ রিপোর্ত তৌরকখি। হৌজিক রাজ্য অসিগী কোবিদ-১৯গী অপুনবা মশিং ৭,৯৮০ শুখ্রে অমসুং এক্তিব কেসকী মশিংনা ২,৭৬৩ ওইরি।
• কেরেলা: কেপিতেল ওইরিবা জিলাগী সমুদ্রগা খোঙবালগী মফমশিংদা ভাইরস অসি শন্দোকপা হেনগৎলক্তুনা অককনবা কম্ম্যুনিতী ক্লস্তর ওইরমবদগী লেপ্পা লৈতনা হেনগৎলকপনা অচৌবা কম্ম্যুনিতী ক্লস্তর ওইরক্কদৌরে। তিরুভনন্দপুরমদা লোকদাউন মখা চত্থনবা অরোইবা ৱারেপ অমা ঙসি নুংমিদাং রাইরমদা খঙলগনি। ইত্তুমনুরগী মনা-মশিং য়োনবা কৈথেলদা মীওই ৪৬ ভাইরস অসিগী এন্তিজেন তেস্ত তৌবদা কনফর্ম ওইবগা লোয়ননা কত্তয়মদা চেকশিন্না লৈনবা খঙহনখ্রে। চৈরক অসিদা ঙসি কোবিদনা মরম ওইরগা শীখিবা অহুম রাজ্য অসিদা রিপোর্ত তৌরকখি। শীখিবা অসি তিরুভনন্দপুরম, এলাপুলা অমসুং কসরগুদতা থোকখিবনি। ওফিসিএল ওইনা শীখিবা মীগী মশিং অসি ৬৩নি। মঙানিশুবা নুমিৎকী ওইনা রাজ্য অসিদা থেংনবা অনৌবা কেস অসি ৬,০০০ ওইখি, ঙরাংগী নুমিত্তা অনৌবা কেস ৭০২ থেংনবদা ফগৎখিবগী মশিংনা ৭৪৫ ওইখি। হৌজিক্কী ওইনা অনাবা মীওই ৯,৬০৯ লায়েংলি অমসুং তোঙান তোঙানবা জিলাশিংদা মীওই লাখ ১.৫৫ অন্দর ওবজর্বেসন্দা থম্লি।
• তামিল নাদু: হান্নগী পুদুচেরীগী এম.এল.এ. অমসুং এন.আর. কোংগ্রেসকী লুচিংবা ভি ভালন কোবিদ-১৯দগী লৈখিদ্রে। পুদুচেরীগী সি.এম., স্পিকর, মন্ত্রীশিং, এম.এল.এ.শিং তেস্ত তৌবদা নেগেতিব ওইখি, অতোপ্পা তরুক অমনা পোজিতিব ওইখি; তেস্ত অসি এন.আর. কোংগ্রেস লেজিসলেতর এন.এস. জয়াবাল ভাইরস অসিনা পোজিতিব ওইরকপদগী পাঙথোকখিবনি। পব্লিক দিস্ত্রিব্যুসন সিস্তেমগী খুত্থাংদা তি.এন. সি.এম.না ফেস মাস্কশিং ইমুং কোতি ২.০৮কী মীওই কোতি ৬.৭৬দা লেম্না য়েন্থোকখি।  মদুরাইগী কোবিদ কেসকী মশিং ১০,০০০ হেনখ্রে; কোবিদকী পোজিতিব কেস ১০,০০০ হেন্না রিপোর্ত তৌরকপা চেন্নাই, চেঙ্গলপত্তু অমসুং তিরুভলুরগী মথংদা মসিনা রাজ্য অসিগী মরিশুবা জিলা ওইখ্রে। তি.এন.দা ঙরাং অনৌবা কেস ৬৯৯৩ অমসুং শীখিবা ৭৭ রিপোর্ত তৌরকখি। অপুনবা কেস: ২,২০,৭১৬; এক্তিব কেস: ৫৪,৮৯৬; শীখিবা: ৩৫৭১; চেন্নাইগী এক্তিব কেস: ১৩,০৬৪।
• কর্নতক: হৌজিক ওইরিবা কোবিদকী ফীভম অসি য়েংলগা কর্নতক ঐচ.সি.না রাজ্য সরকারদা সি.ই.তি. জুলাই ৩০-৩১দা তৌনবা লেপলিবা অসি খন্থনবা খঙহনখ্রে। এক্তিব কেস ৬১,৮১৯ লৈবগা লোয়ননা কোবিদকী এক্তিব কেসতা য়েংবদা মহারাস্ত্রগী মথংদা কর্নতকনা হৌজিক অনিশুবা ওইরি। ঙাংদা দিচার্জ তৌখিবা ১৮৪৭ অমসুং শীখিবা ৭৫ রিপোর্ত তৌরকখি; বেঙ্গলোর সহরদা কেস ১৪৭০। অপুনবা কেস: ১,০১,৪৬৫; এক্তিব কেস: ৬১,৮১৯; শীখিবা: ১৯৫৩; দিচার্জ তৌখিবা: ৩৭,৬৮৫।
• অন্ধ্র প্রদেশ: রাজ্য অসিনা দিস্ত্রিক্ত হোস্পিতাল ১২৮ খন্দোকখ্রে লোয়ননা মখোয়দা ফমুং লিশিং ৩২ লৈগনি। কোবিদ-১৯ নারবা মীওইশিংগী মিং চনবগী থবক পুম্নমক মিনিৎ ৩০গী মনুংদা লোইশিন্নবাসি.এম.না ওফিসিএলশিংদা খঙহনখ্রে। তোঙান তোঙানবা দিস্ত্রিক্ত হোস্পিতালশিং অমসুং রাজ্যগী থাক্তা লৈরিবা কোবিস হোস্পিতাল ১০দা ফমুং হাংবগী মতাংদা ই-পাউ অদু থেৎলগা থম্নবা সি.এম.না খঙহনখি মহাক্না হায় রাজ্য অসিনা নোংমদা তৌবা কোরোনাগী তেস্ত অসি খ্বাইদগী য়াম্লি লোয়ননা ৯০%দি কোবিদ হোৎস্পোৎ ক্লস্তরশিংদা ওইরি। রাজ্য অসিগী কোরোনাভাইরসকী কন্তেনমেন্তকী কেন্দ্রনা পীবা ফন্দিংগী মতাংদা হ্বাইৎ পেপর পুথোক্নবা সরকারদা তি.দি.পি.না দিমান্দ তোরি। অনৌবা কেস ৬০৫১, দিচার্জ তৌখিবা ৩২৩৪ অমসুং শীখিবা ৪৯ ঙরাং রিপোর্ত তৌরকখি। অপুনবা কেস: ১,০২,৩৪৯; এক্তিব কেস: ৫১,৭০১; শীখিবা: ১০৯০।
• তেলঙ্গনা: চীফ সেক্রেতরী সোমেশ কুমার তেলঙ্গনাগী ঐচ.সি.গী মমাংদা পুথোকখ্রে। মহাক্না ঐচ.সি.দা অনৌবা এপ অমগী মতাংদা ফোঙদোকখি – হোম আইসোলেসন অমসং তেলিমেদিসিন (হিতম)—মসিগী খুত্থাংদা দোক্তরশিংনা কোবিদ পোজিতিব ওইবা মীওইশিং হীদাক থাবা য়াগনি, অনাবা মীওইশিংনা এম্বুলেন্স কৌবা য়াগনি অমসুং করিগুম্বা ফীভম লুরবদি হোস্পিআতলদা পুখৎকনি। রাজ্য সরকারনা কোবিদ-১৯গী লায়েংনবা লনাই ফমুংশিংগী দেতা পীরকখ্রে; লনাইদা ফমুং ১৪৬৫রোম অমসুং সরকারগী ফেসিলিতীদা ফমুং ৬২০৫ হাংলি। রাজ্য অসিদা হৌখিবা পুং ২৪দা অনৌবা কেস ১৬১০, ফগৎখিবা ৮০৩ অমসুং শীখিবা ০৯ রিপোর্ত তৌরকখ্রে; কেস ১৬১০গী মনুংদা কেস ৫৩১না জি.ঐচ.এম.সি.দগী রিপোর্ত তৌরকখিবনি। অপুনবা কেস: ৫৭,১৪২; এক্তিব কেস: ১৩,৭৫৩; শীখিবা: ৪৮০।
• অরুনাচল প্রদেশ: হৌখিবা নুমিৎ নিনি অসিদা অরুনাচল প্রদেশকী কেপিতেল ইতানগরগী রিজনদা এন্তিজেন তেস্ত ৩১২৬ তৌখি অমসুং পোজিতিব কেস ৫২ থেংনখি।
• অসাম: অসাম তর্গেতেদ সর্ভিলেন্স প্রোগ্রামগী মখাদা ঙসি ফাওবদা রাজ্য অসিগী মফম পুম্নমক্তা কোবিদ-১৯গী তেস্ত পুন্না লাখ ৮তৌখ্রে হায়না হকশেল মন্ত্রী হিমন্তা বিস্বা সর্মনা ত্বিৎ তৌরকখি।
• মনিপুর: ফমুং ৩০০ থাবা অনৌবা কোবিদ ক্যের সেন্তর অমা মনিপুর ত্রেদ এন্দ এক্সপো সেন্তর, লমবুইখোংনাংখোংদা নুমিৎ ৩গী মনুংদা শেম্লগনি।
• মিজোরাম: মিজোরামগী অপুনবা কোবিদ-১৯ এক্তিব কেস ১৮৬ ওইরি। অপুনবা কেস ৩৮৪ অমসুং ফগৎখিবা ১৯৮ ওইরি।
• নাগালেন্দ: নাগালেন্দদা অনৌবা কোবিদ-১৯ কেস ৭৫ থেংনখি। কোহিমাদা ৫১, ফেক্তা ১০, ৱোখাদা ৭, মোন অমসুং দিমাপুরদা ৩-৩ অমসুং তুইসঙ্গ জিলাদা ১নি। অপুনবা পোজিতিব কেস ১৪৫৯ শুখ্রে লোয়ননা এক্তিব কেস ৮৮৫ অমসুং ফগৎখিবা ৫৬৯ ওইরি।

*****