ত্রাইবেল এফিয়র্স মন্ত্রালয়
তি.আর.আই.এফ.ই.দি., এম/ও ত্রাইবেল এফিয়র্সনা ত্রাইবেল কম্মর্স য়োকখৎনবা লম পুম্নমক থুংবা দিজিতাইজেসন দ্রাইব অমা হৌখ্রে
তি.আর.আই.এফ.ই.দি.না ত্রাইবেলশিংদগী য়োলহৌদবা পোৎলম লাখ অমা হেন্না ওনলাইদা মমল তানা য়োন্নবা লৈশিনখ্রে
Posted On:
28 JUL 2020 12:31PM by PIB Imphal
পুন্সিগী হীরম পুম্নমক ওনলাইন ওনখ্রবা মতম অসিদা, ত্রাইবেল কম্মর্স য়োকখৎনবা ত্রাইবেল এফিয়র্সকী মন্ত্রালয়গী মখাদা তি.আর.আই.এফ.ই.দি.না লম পুম্নমক্তা থুংবা দিজিতাইজেসন দ্রাইফ অমা লৌখৎখ্রে। দ্রাইফ অসিনা খুঙ্গংদা য়ুম্ফম ওইবা ত্রাইবেলগী পোত্থোকশিং পুথোক্লিবশিংগা খুৎহৈবশিংগা পুনশিন্নদুনা অমসুং মরী থমহন্দুনা লৈবাক অসিগী অমসুং মালেমগী কৈথেলশিংদা খ্বাইদগী নৌবা ই-প্লেৎফোর্মশিং মালেমগী থাক য়ৌনা শেমগৎখ্রে। ললোং অসিনা ত্রাইবেল কম্মর্স মপুং ফানা য়োকখৎনবা পান্দম থম্লি।
জিতাইজেসন তৌনবা তি.আর.আই.এফ.ই.দি.না থবক পায়খৎলি। প্রধান মন্ত্রী শ্রী নরেন্দ্র মোদীগী “অত্মানির্ভর অভিয়ানগী খোঙথাংগী” মখাদা হায়রিবা মীওইশিং অসিদা কান্নবশিং ফংহনবদা মতেং পাংনবা জি.আই.এস. তেক্নোলোজী শীজিন্নদুনা ত্রাইবেল ক্লস্তর পুম্নমক খঙদোক্তুনা অমসুং মেপ তৌনবা দিজিতাইজেসন অসিনা হোৎনরি।
অৱাবা তারিবা তানফম অসিদা “গো ভোকেল ফোর লোকেল”গী লাইৱা অসি শীজিন্নদুনা “গো ভোকেল ফোর লোকেল গো ত্রাইবেল – মেরা ভন মেরা ধন মেরা উদিয়ম” ওন্থোক্তুনা তি.আর.আই.এফ.ই.দি.না হৌজিক লৈরিবা অচৌবা প্রোগ্রামশিং অমসুং ইমপ্লিমেন্তেসনশিং মসিগী মথক্তা থোইদোক হেন্দোক্না শীংথানিংঙাই ওইবা খোঙথাং কয়া লৌখৎলি, অসিগুম্বা মতম অসিদা অৱাবা মায়োক্নরিবা ত্রাইবেলশিংনা শীদ হীদাক অমা ওইরি। হৌখিবা থাশিং অসিদা তি.আর.আই.এফ.ই.দি.না লৌখৎখিবা শীংথানিংঙাই ওইবা থবকশিংনা অৱাবা তারিবা মতম অসিদা ত্রাইবেল মীয়ামদা থবক পীবা অমসুং হিংনবগী পাম্বৈশিং ফংহনবদা মতেং পাংখি।
লায়চৎ অসিনা খঙহৌদনা ঐখোয়গী পুন্সি অসি খুদুম চনশিনখিবা অমসুং খুদক্তা লোকদাউন তৌখিবনা মরম ওইরগা ত্রাইবেল খুৎহৈবশিংগী লুপা কোতি ১০০ রোম ওইগদবা স্তোক য়োনবা ঙমদনা লৈরি। স্তোকশিং অসি য়োন্নবা অমসুং য়োল্লিবা পুম্নমক শোকহল্লবা ত্রাইবেলগী ইমুংশিংদা ফংহন্নবা তি.আর.আই.এফ.ই.দি.না পোৎলম লাখ ১ হেন্না লৈশিনখ্রে অমসুং য়োনবা ঙমহৌদ্রবা পোৎলমশিং অসি মখোয়গী ত্রাইবেল ইন্দিয়াগী ৱেবসাইৎ অমসুং এমাজোন, ফ্লিপকার্ত অমসুং জি.ই.এম.গুম্বা অতোপ্পা রিতেল প্লেৎফোর্মগী খুত্থাংদা ওনলাইনদা (অতাবা মমলশিংদা) য়োন্নবা অকনবা থৌরাং অমা পায়খৎলি।
লৈবাক পুম্বদা কোবিদ-১৯গী লায়চৎ অসিনা মীয়ামগী পুন্সিদা অকায়বা থোকহল্লিবা অসি থা মরি ফরে (অমসুং মখা তানা থোকহল্লি)। মীয়াম্না মখোয়গী পুন্সি অমসুং হিংনবগী পাম্বৈশিং ফগৎনবা হোৎনরিবা অসিদা তি.আর.আই.এফ.ই.দি.গী মীওইশিংগী তিমনা লেপ্পা লৈতনা মাংজিল থাদুনা ত্রাইবেল মীয়ামগী পুন্সি মপুং ওইনা ফগৎনবা হোৎনরি।
********
(Release ID: 1641773)
Visitor Counter : 120