মালেমগী হেপাতাইসিস নুমিৎ থৌরমদা লোক সভাগী স্পিকর ওম বিরলানা চীফ গেস্ত অমসুং লো অমসুং জজতিসকী য়ুনিয়ন মিনিস্তর রবি সনকার প্রাসাদ(দিজিতেল ওইনা শরুক য়াবা) অমসুং হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন্না গেস্ত ওফ ওনরশিং ওইনা শরুক য়াখি। থৌরম অদু সংসদকী মেম্বরশিংগী মরক্ত ৱাখল তাহন্নবা ইন্সতিতুৎ ওফ লিভর এন্দ বিলিয়ারি সাইন্সেসনা এয়রপোর্ত ওথোরিতি ওফ ইন্দিয়াগা লোয়ন্না শীনবনি।

অহৌবদা ইন্সতিতুৎ ওফ লিভর এন্দ বিলিয়ারি সাইন্সেসকী দিরেক্তর দোক্তর এস.কে সারিননা লিভর ফনা থম্বগী মরুওইবগী মতাংদা ৱা ঙাংখি অমসুং লৈবাক শীনবা থুংনা মীওই কাংলুপ কয়া য়ৌনবা এ.এ.আইগা লোয়ননা ইন্সতিতুৎ ওফ লিভর এন্দ বিলিয়ারি সাইন্সেসনা পায়খৎলিবা  “হেপাতাইতিস লাকশিন্নবা মীয়াম খঙহনবা: ইম্পেথি কেম্পেন”গী মতাংদা ৱা ঙাংখি।

থৌরম হৌদোকলদুনা স্পিকর ওম বিরলানা হায়খি চহি অনি থংন-থংননা ঐনা মালেমগী হেপাতাইতিস নুমিৎ থৌরম শরুক য়াবা অসি ঐ হরাওই। ভারত অমসুং মালেম্না হৌজিক লাইচৎ মায়োক্নরিবা মতম অসিদা ঐখোয়গী কৎথোকপা অমসুং অনিংবনা মরম ওইদুনা মসিগী ই-কনক্লেব অসিদা ঐখোয় পুনবা ঙম্বনি। ২০৩০ ফাওবগী মনুংদা হেপাতাইসিস সি অমসুং বি মুৎথৎনবা দবল্যু.ঐচ.ওনা পান্দম থম্লিবা অসি ফংনবা ঐখোয়না থবক পায়খৎলি। ঐখোয়না ভারতকী মীয়ামগী মীহুৎশিং ওইনা, মসিগী লায়না অসিগী মরমদা মীয়াম খঙহন্নবা অমসুং মীয়ামগী খোঙজং অমা ওইহন্নবা অচৌবা থৌদাং অমা লৈরি।

মীয়াম তরাম্না ওক্লদুনা , দোক্তর হর্স ভরধন্না হায়খি, চহি অসিগী পান্দম ‘কোবিদ মতমদা অদোমগী লিভর ফনা থম্বা’ হায়বনি, মসি য়াম্না চুনবা , তেস্ত তৌবা মতমদা য়াম্না মরুওই অমসুং মরী লৈনৈ। প্রধান মন্ত্রী নরেন্দ্র মোদীগী লুচিং মখাদা অকনবা থবকশিং পায়খৎপদগী ঐখোয়না কোবিদ-১৯ শন্দোরকপা লাকশিনবা ঙম্লে। কোবিদ-১৯না শিহনবগী চাং চাদা ২দগী চাদা ৩ ফাওবগী মনুংদা লৈরি অমসুং কেস য়াম্বা লাইওং উৎতবা ঙাক্তনি। অতৈ অনাবশিং হায়বদি দাইবেতিস, নোইবা, লিভর চাউখৎপা, লিভরগী অরিবা অনাবা লৈবা মীওইশিংনা থেংনরিবা খুদোংথিনিংঙাই ওইবশিং অদু খঙহনবা দরকার ওই। অসিগুম্বা অনাবশিং খঙদোক্নবা অয়ুসমান ভারতকী হেল্থ অমসুং ৱেলনেস সেন্তরশিংনা চোকথবা লৈতনা থবক পায়খৎলি।

মীয়াম পাক-শন্না খঙহনবদা থেংনরিবা অৱাবশিংগী মতাংদা দোক্তর হর্স ভরধন্না হায়খি, হেপাতাইতিস অসি মালেমগী হকশেলগী অৱাবা অমা ওইরে। ভাইরসনা থোকহনবা হেপাতাইতিস অসি ভারত্তা য়াম্না নাগনবা অমসুং শাথিবা লায়না ওইরে অমসুং মসিগী মতাংদা হকশেলগী থবক তৌরিবশিং অমসুং মীয়াম্না নিংথিনা খঙদ্রি। হেপাতাইতিস সি অমসুং বি অনাবা মীওইশিং লিভর কেন্সর অমসুং লিভর নাবগী চাং য়াম্না ৱাংই অমসুং হেপাতাইতিস নারিবা মীওইশিংগী মনুংদা চাদা ৮০না মখোয় নারে হায়বা খঙদে। মীয়াম খঙহন্নবা লাইৱাদি “ ৱারি শাবা, তেস্ত তৌবা অমসুং লায়েংবনি” অমসুং মসিগী খোঙজং অসিদা ইন্দস্ত্রিশিং, এন.জি.ওশিং অমসুং অতোপ্পা লুপশিংনা ইন্সতিতুৎ ওফ লিভর এন্দ বিলিয়ারি সাইন্সেস মতেং পাংনবা ঐনা হায়জরি। অরোনবা লাইচৎ অমা ওইরিবা হেপাতাইতিস সি অমসুং বিগী মতাংদা মীয়ামদা খঙহন্নবা অমসুং হায়রিবা লায়নাশিংগা শাগোন্নরিবা মীওইশিং নোক্নবা থিংনবা এম্বেসেদর/চেম্পিয়ন অমা ওইনা থবক তৌনবা ঐনা ঐগী মরুপশিংদা হায়জরি।

ইন্সতিতুৎ ওফ লিভর এন্দ বিলিয়ারি সাইন্সেসনা পায়খৎলিবা থবকশিংগী মতাংদা, দোক্তর হর্স ভরধন্না হায়খি ইন্সতিতুৎ ওফ লিভর এন্দ বিলিয়ারি সাইন্সেস অসি দবল্যু.ঐচ.ওগা পুন্না থবক তৌমিন্নবা সেন্তর অমনি। মসিনা ২০১৮গী জুলাই ২৮দা নেসনেল ভাইরেল হেপাতাইতিস প্রোগ্রাম হৌদোকপদা মতেং পাংখি। মসিদা মালেমদা খ্বাইদগী চাউবা হেপাতাইতিস সি অমসুং বি লায়েংনবা থবকনি । মীয়ামগা লোয়ননা থবক তৌমিন্নবা ঐখোয়না খুমাঙ চাউশিল্লে অমসুং হৌজিক রাজ্য খুদিংমক্তা মোদেল ত্রিৎমেন্ত য়ুনিতশিং হাংদোকলে।

হৌখিবা থা মরি অসিদা সার্স-কোব-২ সেম্পলশিং তেস্ত তৌদুনা কোবিদ-১৯ লাইচৎ লাকশিন্নবা মখোয়না চোকথবা লৈতনা থবক পাংথোকপগীদমক দোক্তর হর্স ভরধন্না দোক্তর এস.কে সারিন অমসুং ইন্সতিতুৎ ওফ লিভর এন্দ বিলিয়ারি সাইন্সেসগী কাংবু থাগৎখি। মহাক্না হায়খি লৈবাক অসিগী খ্বাইদগী অহানবা প্লাজমা বেঙ্ক ইন্সতিতুৎ ওফ লিভর এন্দ বিলিয়ারি সাইন্সেসতা থবক হৌবা অসি তশেংনা চাউথোকচনিংঙাইনি। প্লাজমা লান্মীশিংনা মতেং পাংবদগী ভারত্ত অনাবা ফগৎলকপগী চাং হেনগৎলক্লে।

থৌরমগী অরোইবদা, কোবিদ-১৯ লাইচৎ মনুংদা লিভর ফনা থম্নবা শরুক য়াখিবশিংনা “ অফবা লিভর-মশা-মউ ফবা ভারত”কী ৱাশক লৌখি অমসুং পাউজেল অসি য়ামদ্রবা মীওই ১০দা শন্দোক্নবা থাজবা পীখি। থাগৎ ৱাহৈশিংগা লোয়ননা থৌরম অদু লোইশিনখি।

সিয়ারো(দবল্যু.ঐচ.ও)গী রিজনেল দিরেক্তর, দোক্তর পুনম খেত্রপাল, দিল্লীগী চীফ সেক্রেতরী বিজয় কুমার দেব, এ.এ.আই.গী চেয়রমেন অর্বিন্দ সিংহ অমসুং অতৈ সংসদকী মেম্বরশিং দিজিতেল প্লেতফোর্মশিংগী খুৎথাংদা শরুক য়াখি।

**********