কার্গিল লান্দা মথৌনা লৈনা লান শোক্নখিবা অমসুং থৱাই থাখ্রবা অথৌবা লান্মীশিংবু ইকাই খুম্নবা ওইনা ভারতকী রাস্ত্রপতী শ্রী রাম নাথ কোবিন্দনা ঙসি (জুলাই ২৬, ২০২০)দা লুপা লাখ ২০গী চেক অমা আর্মী হোস্পিতাল (রিসর্চ এন্দ রিফরেল), দিল্লীদা দোক্তর অমসুং পেরামেদিকশিংনা কোবিদ-১৯ লাইচৎ মায় পাক্না থেংননবা খুৎলাই লৈনবা খুদোল তমখ্রে। ঙসি অসি ভিজয় দিবস পালন হায়না পাঙথোকপা কার্গিল লানগী চহী ২১ শুরকপগী পালন নুমিৎনি।

রাস্ত্রপতীনা আর্মী হোস্পিতালদা পীরিবা মতেং অসি রাস্ত্রপতী ভাবন্দা চাদিং হন্থনা চৎনবা হোৎনখিবশিংদুনা পীবা ঙমখিবনি অমসুং মসিনা কোবিদ-১৯ লাকশিন্নবগী রিসোর্স হেন্না পীবা ঙমহল্লে। রাস্ত্রপতীনা মমাংদা রাস্ত্রপতী ভাবন্দা শেল চৎপা হন্থনবা খোংথাং খরা লৌখৎনবা য়াথং পীখিবনি। মসিগী খোংথাংশিং অসিগী মতুংদা লৌখৎলকপা শরুক অমা ওইনা মহাক্না অচৌবা থৌরমশিংদা শীজিন্ননবা লিমোজিন লৈনবগী হৌদোক্লকপা অমা য়ৈথখিবনি।

রাস্ত্রপতীনা আর্মী হোস্পিতালদা পীরিবা মতেং অসি মেদিকেল প্রোফেসনেলশিংনা সর্জরী তৌবদা ইনফেক্সন তৌহন্দনা নিংশা হোনবা য়ানবা অনৌবা ইক্বিপমেন্ত অমা ওইরিবা পি.এ.পি.আর. (পাৱর্দ এয়র প্যুরিফাইং রেস্পিরেতর)গী য়ুনিৎশিং লৈবদা শীজিন্নগনি। মসিনা অনাবশিং চেকশিন্না য়েংশিনবীনবা অমসুং শক উদবা য়েক্নবা অসিবু লান্থেংনবদা ঙাক শেনবীনবা শীজিন্নগনি।

মহাক্না আর্ম্দ ফোর্সেস্কী সুপ্রিম কম্মান্দর অমা ওইবগী থৌদাং অমা ওইনা রাস্ত্রপতীগী থৌদৌ অসিনা মমাং থাদুনা কোবিদ লান্থেংনরিবা আর্মী হোস্পিতালসিগী লান্মীশিংবু পুক্নিং থৌগৎপীরনি। মসিনা মতম শাংনা অশোই অঙম য়াওদবা, অপুনবা ওইনা তেংবাংমিন্নবা অকোইবা অমা শাগত্তুনা মখোয়না অঙম্বা থাক্তা থবক পাঙথোকপা ঙমহল্লগনি। অসিগুম্বা মওং মতৌ অসিনা অতোপ্পা মীওইশিংবু অমসুং ওর্গনাইজেসনশিংবু শেল য়াম্না চৎহন্দনবা অমসুং তুংশিনলবা শেলশিংবু কোবিদ লান্মীশিং মতেং পাংনবা শীজিন্ননবা হোৎনবদা ইথিল অমা পীরগনি।

আর্মী হোস্পিতাল (রিসর্স অমসুং রিফরেল) অসি ভারতকী আর্ম্দ ফোর্সেস্কী খ্বাইদগী ৱাংবা মেদিকেল কেয়র সেন্তর অমনি। ওফিসিএতিং কম্মান্দেন্ত মেজর জেনরেল সরত চন্দ্র দাশসু ও.পি. বিজয়দা শরুক য়াখিবা য়ুধ সেবা মেদল ফংখ্রবা মীশক অমনি। হৌজিক ওইরিবা ফিবম অসিদা, মখোয়গী দোক্তর, নর্স অমসুং পেরামেদিকেল স্তাফশিংনা পুংজা খুদিং চোকথবা নাইদনা হোৎনরি অমসুং খ্বাইদগী ৱাংবা অনা লাইয়েং কয়া মশাগী ওইজবা কত্থোক্তুনা হোৎনরি।

******