ত্রাইবেল এফিয়র্স মন্ত্রালয়

তি.আর.আই.এফ.ই.দি.না উন্নৎ ভারত অভিয়ান (য়ু.বি.এ.)গী আই.আই.তি. দিল্লীগা এম.ও.য়ু. খুৎয়েক পীনখ্রে


হিংনবগী শিনফমদা ত্রাইবেলশিং তাকপী তম্বীনবা ইন্সতিত্যুসন ২৬০০ হেনবনা তি.আর.আই.এফ.ই.দি.গা খুৎশম্নখ্রে

এম.ও.য়ু. অসিনা ত্রাইবেলশিংদা খ্বাইদগী নৌবা প্রোসেসিং তেক্নোলোজিশিং, প্রদক্ত ইনোবেসন, মেন্তরশীপ অমসুং ত্রান্সফোর্মেস্নেল দিজিতেল সিস্তেমশিং ফংহল্লগনি

Posted On: 25 JUL 2020 4:25PM by PIB Imphal

ত্রাইবেল মীয়ামগী য়াইফ থৌরাং অমসুং চাওখৎপা পুরক্নবা হোৎনরিবা মরু ওইবা ওর্গনাইজেসন অমা ওইরিবা ত্রাইবেল এফিয়র্স মন্ত্রালয়গী মখাদা লৈবা তি.আর.আই.এফ.ই.দি.না ত্রাইবেল মীয়ামগী মরু ওইবা চাওখৎ থৌরাং পুরক্নবা হোৎনবদা লেপ্তনা চংশিল্লি। হৌজিক লৌখৎলিবা খোঙথাংশিং অমসুং ইমপ্লিমেন্ত তৌরিবশিং অসিগী মথক্তা, ভারত সরকারগী হ্যুমেন রিসোর্স দিবেলপমেন্ত মন্ত্রালয়গী অচৌবা নেস্নেল প্রোগ্রাম অমা ওইরিবা উন্নৎ ভারত অভিয়ান (য়ু.বি.এ.)গীদমক তি.আর.আই.এফ.ই.দি.নাআই.আই.তি. দিল্লীগা লোয়ননা পার্তনর্শিপ ওইখ্রে।

পার্তনর্শিপ অসি মরা চেৎনবা অমসুং ফোর্মেল ওইহন্নবা তি.আর.আই.এফ.ই.দি., আই.আই.তি. দিল্লী (য়ু.বি.এ.গী মহুৎ শিন্দুনা নেস্নেল কো-ওর্দিনেতিং ইন্সতিত্যুৎ ওইনা) অমসুং ভিজনানা ভারতি (স্বাদেশি সাইন্সকী ইহৌ অমা ওইরিবা বিভা)গী নাকল অহুমগী মরক্তা এম.ও.য়ু. অমা ঙরাং আই.আই.তি. দিল্লীদা খুৎয়েক পীনখ্রে। তি.আর.আই.এফ.ই.দি.গী ভন ধন প্রোগ্রামগী মখাদা ত্রাইবেল ওন্তর্প্রিনোরশিংনা উন্নৎ ভারত অভিয়ান (য়ু.বি.এ.)গী মখাদা লৈবা একাদেমিয়া অমসুং রিসর্চ ইন্সতিত্যুসন ২৬০০+কী অপুনবা নেৎৱার্কতগী হৌজিক কান্নবা ফংলগনি।

https://static.pib.gov.in/WriteReadData/userfiles/image/image001IDTT.jpg

মরী লৈনবা মন্ত্রালয়শিং, দিস্ত্রিক্ত এদমিনিস্ত্রেসন, লোকেল পঞ্চায়ৎ রাজ ইন্সিতিত্যুৎশিং (পি.আর.আই.শিং), ভোলুন্তরী ওর্গনাইজেসনশিং, অতোপ্পা স্তেকহোল্দরশিং লোয়ননা শরুক য়ারিবা অতোপ্পা লোয়শঙশিংগী পুন্না চুংশিন্নবগী খুত্থাংদা ত্রাইবেলগী হিংনবগী পাম্বৈশিং অমসুং ইনকম লাকহন্নবা প্রোগ্রামশিং লৌখৎনবা উন্নৎ ভারত অভিয়ান (য়ু.বি.এ.)গী “নেস্নেল কোওর্দিনেতিং ইন্সতিত্যুৎ (এন.সি.আই.),আই.আই.তি. দিল্লীগা পুন্না তি.আর.আই.এফ.ই.দি.না হোৎনরি। মরু ওইনা, পার্তনর্শিপ অসিনা ভন ধন য়োজনাগী মখাদা লিংখৎখিবা ভন ধন বিকাস কেন্দ্রশিংগী খুত্থাংদা পুন্সি মহিং ফগৎনবা মতেং পাংগনি।

ত্রাইবেলগী চাওখৎ থৌরাংদা এগ্রীমেন্ত অসিগী কান্নবা অমসুং লৌগদৌরিবা মরু ওইবা থৌদাংগী মতাংদা ৱা ঙাংলদুনা তি.আর.আই.এফ.ই.দি.গী মেনেজিং দিরেক্তর ওইরিবা শ্রী প্রবির কৃষ্ণনা হায়, “তি.আর.আই.এফ.ই.দি.না তোঙান তোঙানবা মন্ত্রালয়শিংগা লোয়ননা ‘ত্রাইবেলশিংগী হিংনবগী পাম্বৈশিংগী স্কিল দিবেলপমেন্ত’ পুরক্নবা কন্না থবক পায়খৎলি। ত্রাইবেলশিংবু লৌউ-শিংউ, হোর্তিকলচর, ফ্লোরিকলচর, হীদাক্তা কন্নবা অমসুং মহাও লৈনবা শীজিন্নবা পাম্বীশিংদগী হৌদুনা মাইনর ফোরেস্ত প্রদক্তশিং ফাওবদা মখল কয়াগী শেন্মীৎলোন ফগৎনবা থবক থৌরমশিংদগী লৌখৎতুনা মখোয়দা ‘চহি চুপ্পা ইনকম লাক্নবা খুদোংচাবা’ ফংহনবা অসি মরু ওই। আই.আই.তি. দিল্লীগুম্বা জাতিদা কান্নবা পীরিবা লোয়শঙশিংগা লোয়ননা পুনশিনবা অসিনা ত্রাইবেলশিংগীদমক মতেং পাংনবা ঐখোয়গী পান্দমদা কান্নবা ওইরগনি মরমদি ঐখোয়না এম.ঐচ.আর.দি.গী অচৌবা প্রোগ্রাম ওইরিবা উন্নৎ ভারত অভিয়ানগী মখাদা লৈবাক অসি শিনবা থুংনা একাদেমিক অমসুং রিসর্চ তৌনবা লোয়শঙশিংগী অচৌবা নেৎৱার্ক শেমগৎপা ঙমলগনি। ”

আই.আই.তি. দিল্লী অমসুং উন্নৎ ভারত অভিয়ানগী পার্তনর্শিপকা লোয়ননা মাইনর ফোরেস্ত প্রদ্যুসকী পুথোক্লিবা উমংদা খুন্দারিবা ত্রাইবেলশিং অসি হেন্না নৌবা প্রোসেসিং তেক্নোলোজীশিং, প্রদক্ত ইন্নোবেসব, মেন্তরশীপ, ত্রান্সফোর্মেস্নেল দিজিতেল সিস্তেমশিং অমসুং হেন্দহোল্দিংগী খুদোংচাবা পীরগনি। এম.ও.য়ু. অসিনা লৈবাক অসিদা লৈবা ৱাখল লৌশিং খ্বাইদগী লৈবশিং অসি ত্রাইবেলগী হিংনবগী পাম্বৈশিংগী সমস্যাশিং কোকহন্ননবা লম্বী য়াৎনবা থোংশিং হাংদোক্লি।

থৌরম অসিদা ৱা ঙাংলদুনা আই.আই.তি., দিল্লীগী দিরেক্তর ওইরিবা শ্রী ভি. রামগোপাল রাওনা হায়: “আই.আই.তি.না মখল কয়াদা লম্বীশিংদা খুন্নাই অসি পুনশিন্নবা কন্না হোৎনরি। খুদম ওইনা, হোস্পিতালশিং, খুঙ্গংশিং নত্রগা ইন্দস্ত্রীদা থবক তৌরিবশিংগী ওইরবসু ঐখোয়গী ফেকল্তী মেম্বরশিং অমসুং মহৈরোয়শিং অসি সমস্যাশিং মায়োক্নরিবা মফমশিংদা থাজিন্নবা ইম্মর্সন প্রোগ্রামশিং লৈরি। অসুম্না মখোয়না সমস্যাশিং খঙদোক্লি অমসুং কেম্পসতা লৈরিবা রিসোর্সশিং সোলুসনশিং পুথোকপদা শীজিন্নরি।” লৌশিং লৈরবশিংদা তশেংনা থেংনরিবা সমস্যাশিং খঙহন্দুনা মদু কোকহন্নবা মখোয়না মতেং পাংনবা পার্তনর্শিপ অসিনা খুদোংচাবা অমা ফংহল্লি।

চহি কয়া অসিদা ভারত্তা সাইন্স অমসুং তেক্নোলোজীগী শীংথানিংঙাই ওইবা চাওখৎ থৌরাংগী অমসুং হৌজিক ওইরিবা ফীভম অসিদা লৌরিবা থৌদাং অমসুং পুন্সিগী হীরম পুম্নমক্তা সাইন্স অমসুং তেক্নোলোজী শীজিন্নদুনা মরোমদোম লেপচবা ভারত অমা ওইনবগী মতাংদা এৱের্নেস পীনবগী পান্দম থমদুনা ইরমদমগী ওইবা ৱাখল্লোনগা লোয়ননা সাইন্সকী ইহৌ অমা ওইরিবা ভিজনানা ভারতি ( বিভা) অসিদগী আই.আই.তি. দিল্লী-তি.আর.আই.এফ.ই.দি.গী পার্তনর্শিপ অসিনা কান্নবসু ফংলগনি। বিভানা মখোয়গী লোকেল চেপ্তরশিংগী খুত্থাংদা ভন ধন য়োজনা (ভি.দি.ৱাই.)গী মপাঙ্গল কনখৎহনবদা মীৎয়েং থমদুনা তোঙান তোঙানবা স্তেকহোল্দরশিং য়ৌনবা হোৎনরি। বিভানা তি.আর.আই.এফ.ই.দি., য়ু.বি.এ. অমসুং ত্রাইবেল মীয়ামগী মথৌ তাবশিং অমসুং মীৎয়েং চংবা য়াবশিংগী মরু ওইবা ই-পাউশিং খোমজিনবা অমসুং পীথোক পীশিন তৌবদা মতেং পাংগনি। ইনক্লুসিব অমসুং সস্তেনেবল দিবেলপমেন্তগী পুরক্তুনা গ্রাসরুৎকী থাক্তা লৈরিবা মখল কয়াগী সমস্যাশিংগী সাইন্তিফিক ওইবা, লাইনা ফংবা অমসুং সস্তেনেবল সোলুসনশিং পীবা ঙমহল্লিবা তেক্নোলোজী অসি মোবিলাইজ তৌনবা তেক্নোলোজী তেক্নোলোজী আউৎরিচকী খোঙথাং অমা ওইরিবা তেক৪সেবা ইনফোর্মেসন ই.আর.পি.পোর্তেল (সি.আই.এস.আর.-য়ু.বি.এ.-বিভা)দগী ভন ধন য়োজনদা য়াওবা ত্রাইবেল বেনিফিসরীশিংনা কান্নবসু লৌবা য়াগনি।

তোঙান তোঙানবা মাইনর ফোরেস্ত প্রদ্যুস (এম.এফ.পি.শিং)কা মরী লৈনবা দেকোরেতরশিং, কংহন্নবা মেছিনশিংগুম্বা এম.এফ.পি.শিংগী ভেল্যু এদিসনগী শেল চংদনা প্রোসেসিং তৌনবা তেক্নোলোজী য়াওনা ভন ধন বেনিফিসরীশিংদা হান্না ফংলবা তেক্নোলোজীশিংগী ত্রান্সফর তৌবগী খুদোংচাবা পীবা অসি এসোসিএসন অসিগী শরুক অমা ওইগনি।

ত্রাইবেল মেম্বর ৩০০ য়াওবা ভন ধন কেন্দ্রশিং শেমগৎতুনা এম.এফ.পি.শিংগী ভেল্যু এদিসন, ব্রান্দিং অমসুং মার্কেতিং তৌনবা প্রোগ্রাম অমা ওইরিবা ভন ধন য়োজনা (ভি.দি.ৱাই.), অসি তি.আর.আই.এফ.ই.দি.না ইমপ্লিমেন্ত তৌদুনা উমংদা লৈবা ত্রাইবেল গেদররশিংগী হিংনবগী পাম্বৈ ফংহন্নবা খুদোংচাবা লৈবাক শিনবা থুংনা ফংহল্লি। ভন ধন কেন্দ্র অমদা, ত্রাইবেল বেনিফিসরীশিংনা ইন্তর্প্রাইজ অমা শেমগনি মসিনা ফোরেস্ত প্রদ্যুস খোমগৎপা, ত্রাইবেল বেনিফিসরীশিংদা ত্রেনিং পীবা, ভেল্যু-এদিসন অমসুং প্রোসেস তৌবা, অমসুং পেকেজিং তৌবগী হীরমশিংগা মরী লৈনবা পুম্নমক্কী থবক পায়খৎকনি।

ভন ধন ভিকাস কেন্দ্রশিং অসি ত্রাইবেল গেদররশিং অমসুং উমংদা খুন্দারিবশিং ময়ুমদা থবক শুজবা খুৎশা হৈবা ত্রাইবেলশিংগী থবক পীনবা হৌরকফম অমা ওইনা থোরকখিবনি। হৌজিক ফাওবদা ১৮৫০০ স.ঐচ.জি. পুম্বদা ত্রাইবেল গেদরর লাখ ৩.৬তা অমসুং স্তেৎ ২২গী সেল্ফ-হেল্ফ গ্রুপশিংদা থবক্কী খুদোংচাবা পীনবা ত্রাইবেল এন্তর্প্রাইস ১২০৫ লিংখৎখ্রে। হৌখিবা থা খরা অসিদা লাকখিবা থৌনা অসি হন্থদনবা, চৎলিবা শেনবা চহি অসিদা, তি.আর.আই.এফ.ই.দি.না ৩০০০ ভি.দি.ভি.কে য়ৌনবা অহেনবা ভন ধন কেন্দ্র লিংখৎনবা শেম শারি।

এম.এফ.পি.গী এম.এস.পি.গা লোয়ননা ভন ধন য়োজনানা থবক অমসুং ইনকম অমসুং ওন্তপ্রিনোর্শীপ হেনগৎহন্নবা ত্রাইবেলশিংগী ওইবা অপুনবা দিবেলপমেন্ত পেকেজ অমা পীরি। ত্রাইবেল মীয়ামদা কান্নবা পীগদবা মসিগী পার্নর্শীপ অসি মায় পাক্না ইমপ্লিমেন্ত তৌখিবগা অমসুং লৌখৎকদবা খোংথাং কয়া পাইপলাইন্দা লৈবগা লোয়ননা তি.আর.আই.এফ.ই.দি.না ত্রাইবেল মীয়ামগী শোত্থরবা শেন্মীৎলোনগী ফীভম ফগৎহন্দুনা লৈবাক শিনবা থুংনা ত্রাইবেলশিংগী পুন্সি অমসুং হিংনবগী পাম্বৈশিংদা মপুং ফানা অওনবা পুরকপা হেনগৎলক্কনি হায়না থাজবা থম্মি।

উন্নৎ ভারত অভিয়ান (য়ু.বি.এ.) অসি অপুনবা ভারত অমগী আর্কিতেকচর অমা শাগৎপদা মতেং পাংনবা নোলেজ ইন্সতিত্যুসনশিং শিজিন্নরগা খুঙ্গং চাওখৎ থৌরাংগী থবকশিংদা চাওনা অহোংবা পুরক্নবা ভারত সরকারগী মিনিস্ত্রী ওফ হ্যুমন রিসোর্স দিবেলপমেন্ত (এম.ঐচ.আর.দি.)গী অচৌবা নেস্নেল প্রো্গ্রাম অমনি। https://unnatbharatabhiyan.gov.in/index#network. আই.আই.তি., দিল্লীদা লৈবা উন্নৎ ভারত অভিয়ান সেল অসি এদভাইজরী কম্মিতী অমা, একজিক্যুতি কম্মিতী অমা অমসুং ইন্সতিত্যুৎ অসিগী দিপার্তমেন্ত অমসুং সেন্তর কয়াদগী খনগৎলবা ফেকল্তী মেম্বর ৪০রোম্বনা শাবা কোর ৱার্কিং গ্রুপ অমা য়াওরি। সেন্তর ফোর রুরেল দিবেলপমেন্ত তেক্নোলোজী (সি.আর.দি.তি.)গা লোয়ননা আই.আই.তি. দিল্লীগী আর.য়ু.তি.এ.জি. গ্রুপনা উন্নৎ ভারত অভিয়ানগী থবক থৌরমশিংদা মপুংফানা শরুক য়ারি। মসিনা হকথেংননা মীৎয়েং চংনবা খুঙ্গংগী ক্লস্তর খরাসু খনগৎলে অমসুং শরুক য়ারিবা ইন্সতিত্যুসন অমসুং ভোলুন্তরী ওর্গনাইজেসন কয়ামরুমগা লোয়ননা নেতৱার্কিংগী প্রোসেসতা লৈরি।

আই.আই.তি. দিল্লীদা লৈবা সেন্তর ফোর রুরেল দিভেলপমেন্ত এন্দ তেক্নোলোজী অসি ১৯৭৯দা লিংখৎখিবা মমিং লৈরবা একাদেমিক য়ুনিৎশিংগী মরক্তা অমনি। সেন্তর অসিনা খুঙ্গংগী কম্ম্যুনিতীশিংনা মায়োক্নরিবা অৱাবশিং মায়োক্ননা অমসুং মখোয়গী হিংবগী মগুন হেনগৎহন্নবা আউত্রিস সেন্তর অমা ওইনা মথৌ তৌরি। সেন্তর অসি ইমিনেন্ত ফেকল্তী মেম্বর ২০গী মথক্তা, পোস্ত দোক্তরেল রিসর্চর ৬ অমসুং অপুনবা খুঙ্গংগী চাওখৎ থৌরাংগী লমদা কন্না হোৎনরিবা রিসর্চ স্কোলর ১০০গী মথক্না মতেং পাংলি। সি.আর.দি.তি.দা লৈবা ফেকল্তী মেম্বরশিং অমসুং রিসর্স তীমশিংনা সাইন্স অমসুং তেক্নোলোজীগী মখাদা য়েলহৌঙৈদগী লৈরক্লবা ৱাখল্লোনশিংগী অপুনবগী খুত্থাংদা হিংবগী ফিভমশিং অমসুং হিংনবগী পাম্বৈশিং পুথোক্নবা হীরম কয়াদা থবক পাইখৎলি। সেন্তর অসিগী ইম্পেক ৱাংবা পব্লিকেসন, রিপোর্ত অমসুং আর্তিকল ৩০০তগী হেন্না অমসুং পেতেন্ত ২৫ অমসুং স্তার্ত-অপ ২ লৈ।  

উন্নৎ ভারত অভিয়ান (য়ু.বি.এ.)গী মখাদা, আই.আই.তি. দিল্লীনা নোদেল ইন্সতিত্যুসন (আই.আই.তি.শিং, এন.আই.তি.শিং, দি.এস.তি., দি.বি.তি., আই.সি.এ.,আর. আই.সি.এম.আর., এম.জি.আই.আর.আই. সি.এস.আই.আর. লেবোরেতরীশিং, ইস্রো, দি.আর.দি.ও. অমসুং দিফেন্স লেবোরেতরীশিং অমসুং বি.এ.আর.সি.গুম্বা একাদেমিক অমসুং রিসর্স ইন্সতিত্যুসনশিং) কম্ম্যুনিতী ওর্গনাইজেসনশিং (এন.জি.ও.শিং, পি.আর.আই.শিং, অমসুং য়ু.এল.বি.শিং অমসুং অতোপ্পা কম্ম্যুনিতিদা য়ুম্ফম ওইবা ওর্গনাইজেসনশিং), সি.এস.আর. কন্সিয়স কোর্পোরেৎশিংগী মশিং ময়াম অমগা লোয়ননা অচৌবা স্ত্রকচরেল নেতৱার্ক অমা পুন্না শেমগৎখ্রে। হৌজিক্কী ওইনা য়ু.বি.এ. নেতৱার্ক্কী কেপাসিতিশিং শেমগৎনবা অমসুং সোলুসন পাম্লিবশিং হায়বদি ত্রাইবেল কম্ম্যুনিতীশিং পাউ ফাওননবা সবজেক্ত এক্সপর্ত গ্রুপশিং (এস.ই.জি.শিং.) অমসুং স্পিসিফিক এক্সপর্ত এদভাইজরশিং অমসুং পার্তিসিপেতিং ইন্সতিত্যুৎ (পি.আই.শিং.) ২৬০০ হেনবগা লোয়ননা সোলুসন পীরিবা রিজনেল কো-ওর্দিনেতিং ইন্সতিত্যুসনশিং (আর.সি.আই.শিং) ৪৪ লৈ।

*******



(Release ID: 1641277) Visitor Counter : 233