লো অমসুং জস্তিস মন্ত্রালয়
আই.তি.এ.তি.না তাতা এজুকেসন অমসুং দিবেলপমেন্ত ত্রস্তা লুপা কোতী ২২০ কোকপগী অয়াবা পীখ্রে
Posted On:
25 JUL 2020 12:36PM by PIB Imphal
আই.তি.এ.তি.গী অধ্যক্ষ জস্তিস পি.পি. ভত্ত য়াওবা ইনকম তেক্স এপ্পেলেৎ ক্রিবুনেল(আই.তি.এ.তি.) বেঞ্চনা তাতা এদজুকেসন অমসুং দিভেলপমেন্ত ত্রস্তকী চাওনা অৱা-তেংবাং ওইনা কম্মিস্নর ইনকম তেক্স(সি.আই.তি.)না তৌরকখিবা অপীল অদুগী মায়োক্তা ত্রস্তনা তৌখিবা অপীল অদুগী মীচংদা ৱারেপ পীরদুনা বিভাগ অসিদগী লুপা কোতী ২২০দগী হেনবা শেনফম পীনবা হায়রকখি। আই.তি.এ.তি. অসিনা মসিগা লোয়ননা খ্বাইদগী হন্থনা শেল থিবা য়াওহন্দনা ৱাফম অসি অথিংবা থমখি।
মসিগী ৱাফম অসি ভারতকী মহৈরোয়শিংদা স্কোলর্শিপ পীনবগীদমক্তা অমেরিকাগী কোর্নেল য়ুনিভর্সিতীদা এন্দোমেন্ত ফন্দ অমা শেমন্বগীদমক্তা ত্রস্তগী চাংদিং তৌখিবা শেনফম অমসুং তাতা হোল কৌবা একজিক্যুতিব বিল্দিং অমা শানমবগীদমক্তা হর্বর্দ বিজিনেস স্কুলদা পীখিবা শেলগী তেংবাংগী মতাংদা এসেসমেন্ততকী চহি ২০১১-১২ অমসুং ২০১২-১৩গা মরি লৈনৈ। মসিনা ২০১১-১২দা লুপা কোতী ১৯৭.৭৯ মসুং ২০১২-১৩দা লুপা কোতী ২৫.৩৭ কত্থোকখি।
মসিগী চয়েৎনবা অসি থোরকখিবদগী ২০১৮গী লোক সভাদা পব্লিক একাউন্ত কমিতী(পি.এ.সি.) শেমখ্রবা মতুংদা ৱাফম অসিগী মতাংদা থিজিন মথৌ তারকখি মরমদিহকথেংননা তেক্সকী বোদীনা কোকপীবগী অয়াবা পীবা অসি আই.তি. এক্ত অসিবু উশিৎ-থওইদবনি হায়না থাজখি।
ৱাফম অসি লোইশিন্নরদুনা ইনকম-তেক্স এপ্পিলেত ত্রিবুনেল(আই.তি.এ.তি.)না ইরাই নুমিত্তা অপীল অসিগী অতোপ্পা য়ুম্ফম ‘অরেম্বা, একাদমিক অমসুং মহৈ য়ান্দবা’ ওইগনি হায়না হায়খি। আই.তি.এ.তি.না হায়খি, ‘ঐখোয়না ৱারেপ অসি শেলশিং লেপ্লিবা অদুগী মীচংদা লাওথোকখি। লৌখি, মরম অসিনা অপীল অসিগী য়ুম্ফম অসি অয়াবা পীরে। ঐখোয়না তেক্স লেপ্লিবা অদুগী অকনবা ৱাফম অদু লেংদনা থম্লি। অমসুং কোকপিনবগী পুখৎলকখিবা ক্লেমদা অয়াবা পীখিদবা অদু চৎনররোই।
এপিলেত ত্রিবুনেলনা মহাক্কী ৱাফম অদুদা মসিমসু হায়খি, ‘ মসি জুদিসিএল ফোরমখক্কী মমাংদদা নত্তনা ৱা খন্নরিবা অরুবা মুকদমাশিংগী লম্বিদা অথিংবা পীবদা নত্তনা খুন্নাই অসিগী চাওনা করিসু কান্নবা তৌদবা ঐখোয়গী ইমাংদা লৈরিবা কনাগীসু কান্ননবা তৌদবা শেলশিং লেপকদৌরিবা অতাংবা রিসোর্সশিংদা হিরমশিং অদুগী মায়কৈদা ময়াম লৈথোকই পুম্বগী য়াইফনবা তৌবা লুপশিং মপুং ওইনা তৌদবা য়াবা নত্রগা ৱাহন্থোক লৈতবা মুকদমানি’। ভারত সরকানা অৱাংবা থাক্তা অসিগুম্বা মখলগী মীৎয়েং শানবা চৎন-কাংলোনশিং অসি খুমাং চাওশিলহন্নবগীদমক্তা থাগৎনিংঙাই ওইবা থবক পায়খৎলিবা অসিদা মরি লৈনবা ওফিসিএলশিংদা ৱাখল লৈনা গ্রাউন্দ লেভেলদা থোরক্কদবা অসিগুম্বা মফম-মরাং খংদবা ফীভমশিং অসিগী মরম্না করিসু অকাইবা লৈহন্দনবা খ্বাইদগী হন্থনা তৌগদবনি হায়না ত্রিবুনেলনা ৱাফম থম্লকখি। ত্রিবুনেলনা ৱাফম অসিসু ফোংদোরকখি, “তেক্স এদ্মিনিস্ত্রেসনগী থাক খুদিংমক্তা নুংঙাইনা অমদি নিংথিজবা মওংদা তেক্স থিগদৌরিবশিংদা নুংঙাইহন্নবা হোৎনগদবনি।”
এপ্পিলেত ত্রিবুনেলগী মরিক চুম্বা ৱারেপ অসি লিঙ্ক অসিদা ক্লিক তৌবিরগা clicking on link দা ক্লিক তৌরবা পাবা য়াগনি।
********
(Release ID: 1641254)
Visitor Counter : 199