রাস্ত্রপতিগী লোইশঙ

ভারতকী রাস্ত্রপতিনা অসম, বিহার অমসুং উত্তর প্রদেশতা ঈশিং-ঈচাওনা চৈথেং ফংহল্লবা মীশিংগীদমক্তা রেদ ক্রোস রিলিফ সপ্লাই লমথাখ্রে

Posted On: 24 JUL 2020 12:39PM by PIB Imphal

ভারতকী রাস্ত্রপতি শ্রী রাম নাথ কোবিন্দনা হকশেল অমসুং য়াইফ য়ুম্বাল মন্ত্রালয়গী কেন্দ্র মন্ত্রী দা. হর্শ বর্ধন য়াওরগা অসম, বিহার অমসুং উত্তর প্রদেশতা ঈশিং-ঈচাওনা চৈথেং ফংহল্লবা মীশিংগীদমক্তা ঙসি (জুলাই ২৪, ২০২০) রাস্ত্রপতি ভবন্দগী রেদ ক্রোস রিলিফ সপ্লাইগীদমক্তা ত্রক মাপল লমথাখ্রে। ভারতকী রাস্ত্রপতিনা ইন্দিয়ন রেদ ক্রোস সোসাইতী(আই.আর.সি.এস.)কী অধ্যক্ষনি।

অসম, বিহার অমসুং উত্তর প্রদেশতা ঈশিং-ঈচাওনা চৈথেং ফংহল্লবা মীশিংগীদমক্তা মসিগী রিলিফ সপ্লাইশিং অসি দেল্লীদগী মরি লৈনবা রাজ্যশিংনা ত্রেন্দা পুগনি অমসুং মরি লৈনবা রাজ্যশিংগী রেদ ক্রোসকী মশাশিংনা লৌগনি।

মসিগী রিলিফকী পোৎলমশিং অসিদা তাপোলিনশিং, তেন্তশিং, সারীশিং, ফৈজোমশিং, লশিংগী কম্বলশিং, কিতচন সেতশিং, কাংখলশিং, মোম্পাক ফীদকশিং, বালতিনশিং অমসুং ঈশিং চুমথোক্নবা য়ুনিৎ অনি য়াওরি। মসিদা নত্তনা কোবিদ-১৯ ঙাকথোক্নবগী পোৎলমশিং-সর্জিকেল মাস্কশিং, পি.পি.ই.কীৎশিং, গ্লোবশিং অমসুং ফেস শীলশিংনচিংবশিং অসিসু রিলিফকী পোৎলমশিংসু রাস্ত্রপতি কোবিন্দনা লমথাখি। মসিগী পোৎলমশিং রাজ্য অসিদা আই.আর.সি.এস. মেদিকেল সর্ভিসশিংদা হকশেলগী থবক তৌরিবশিংগা লোয়ন-লোয়ননা ঈশিং-ইচাওগী রিলিফ অমসুং রিহেবিলিতেসনগী ওইনা মমাং থানা থবক তৌরিবা ভোলুন্তিয়রশিং অসি শোক্তনা থম্বদা অমদি ঙাকথোকপদা মতেং ওইগনি।   মথক্কী পোৎলমশিং সপ্লাই তৌরিবা অসি রাজ্যগী রেদ ক্রোসকী মশাশিংনা চৈথেং ফংলবশিংদা আই.আর.সি.এস.না হান্ননা য়েন্থোককিবশিং অদুগী মখা তানা তৌবনি। লমথাবগী থৌরম অসি আই.আর.সি.এস.কী জেনরেল সেক্রতরী শ্রী আর.কে. জৈননা পায়খৎলিবা খোংথাংশিং অসিদা রাস্ত্রপতিদা মরিক চুম্না হায়রদুনা লৈবাক অসিগী তোঙান-তোঙানবা মফমদা আই.আর.সি.এস.না ঈশিং-ঈচাওনা অমসুং কোবিদ-১৯না শোকহল্লবা মীশিংগীদমক্তা তৌরিবা সেবাশিংগী মতাংদা হায়খি।

রাস্ত্রপতিগী সেক্রতরিএৎ অমসুং আই.আর.সি.এস.কী ওফিসিএলশিংনা থৌরম অদুদা য়াওখি।

********



(Release ID: 1640886) Visitor Counter : 6