ঙসি ফাইনান্স  অমসুং কোরপোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না স্পিসিএল ৱিন্দো ফোর এফোরদেবল এন্দ মিদ ইনকম হাওসিং (শ্বামিহ)গী ফিবম অমুক হন্না য়েংশিনখ্রে। হন্না য়েংশিনবা মীফম অদুদা ফাইনান্স মিনিস্ত্রীগী সেক্রেতরিশিং, স্তেৎ বেঙ্ক ওফ ইন্দিয়া, এস.বি.আই কেপিতেল মার্কেতস লিমিতেদ অমসুং এস.বি.আই কেপস ভেঞ্জরস লিমিতেদকী  সেনিয়র মেনেজরশিং য়াওখি। হৌজিক ফাওবদা প্রোজেক ৮১গী লুপা করোর ৮৭৬৭ থাদবদা  অয়াবা পীরে।

থবক ওইনা পাংথোক্নবা লাউথোকখিবা থৌশিল অমদগী শ্বামিহ ইনভেস্তমেন্ত ফন্দ ১ অসি ওইরকখিবনি। অয়াবা পীরবা প্রোজেক ৮১ অসিনা ভারত শীনবা থুংনা য়ুম ৬০,০০০ শাবা লোইশিনবা ঙমগনি। হায়রিবা প্রোজেকশিং অসি এন.সি.আর, এম.এম.আর, বেঙ্গালুরু, চেন্নাই, পুনে, কারনাল, পানিপাত, লাখনৌ, সুরত, দেরাদুন, কোতা, নাগপুর, জয়পুর, নাশিক, ভিজাক অমসুং চান্দিগরদা লৈরি (এন্নেক্সর ১)। প্রোজেকশিং অসিগী মনুংদা, প্রোজেক ১৮দা শেন থাদবগী অয়াবা পীখ্রে অমসুং তোঙান-তোঙানবা তাঙ্ককশিংদা লৈরিবা হাওসিং প্রোজেক ৭দা য়েন্থোকখ্রে(এন্নেক্সর ২)। পন্দুনা লৈরিবা প্রোজেক ৩৫৩গী এপ্লিকেসনশিং মতেং পাংনবা য়েংশিল্লি। স্পিসিএল ৱিন্দোনা য়ুম শাবা হৌবদা স্কিল অমসুং সেমি-স্কিল শিন্মী কয়া থবক ফংহনগনি। মতম শাংনা পন্দুনা লৈরিবা প্রোজেকশিংদা য়ুম লৈরুবা মীওই ১৫,০০০ হেনবদা মসিনা অৱাবা কোকহল্লগনি, মসিগী ৱাফম অসি ৱারোইশিন পুরক্নবা সুপ্রিম কোর্ততা লৈরিবনি।

স্পিসিএল ৱিন্দোনা পায়খৎলিবা থবকশিং হন্না য়েংশিনবদা, থবকশিং অদু ফাইনান্স মিনিস্তরনা থাগৎখি। ফন্দ অসিনা মরম ওইদুনা চঙগদবা শেনফমগী চাদা ১২ হন্থহন্দুনা স্পিসিএল ৱিন্দোগী মখাদা ফন্দ ফংবা য়ারবা প্রোজেক মশিং হেনগৎলে। স্পিসিএল ৱিন্দোনা পায়খৎলিবা থবকশিং খঙলদুনা ফাইনান্স মিনিস্তরনা হায়খি লনাই অমসুং সরকারগী বেঙ্কশিং, এন.বি.এফ.সিশিং অমসুং ঐচ.এফ.সিশিংনা স্পিসিএল ৱিন্দো অসি মরী লৈনবা অমা ওইনা লৌগদবনি অমসুং পন্দুনা লৈরিবা প্রোজেকশিং ঙন্না লোইশিন্নবা মতেং পাংবা হেনগৎলে।

প্রোজেকশিং খুমাং চাউশিনবা অমসুং থাদখিবা শেনফমশিং প্রোজেকশিংদা শীজিন্নরিবরা হায়না য়েংশিন্নবা থবকশিং ফন্দ অসিদা য়াওহনবদা কাংবু অদুনা ফাইনান্স মিনিস্তর থাগৎখি। মসিগী থবকশিং অসিনা প্রোজেকশিংদা শেন য়ৌহনবদা অরোন-অথুপ লৈহল্লোই অমসুং ফন্দ নারোন্দা থৈদোকপা থিংবা ঙমগনি।

ফন্দ অসি পন্দুনা লৈরিবা প্রোজেকশিংদা শোইদনা য়ৌহন্নবা শ্বামিহ ইনভেস্তমেন্ত ফন্দ ১গী ফিবম কুপ্না য়েংশিন্নবা মীফম অদুদা ফাইনান্স মিনিস্তরনা ইকোনোমিক এফেয়ার্স দিপার্তমেন্তদা খঙহনখি। য়ুম শাবগী প্রোজেকশিং অথুবদা লোইশিন্নবা মহাক্কী অপাম্বা শ্রীমতি সিতারমন্না থমখি। মসিগী ফন্দ অসিনা পীরিবা অখন্নবা খুদোংচাবশিং অসিনা খুদক্তা য়ুম লৈরিবশিংগী অৱাবা কোকহনগদবনি।  মহাক্না হায়খি মসিগী স্পিসিএল ৱিন্দো অসি রিএল স্তেৎ সেক্তর মতেং পাংনবা মমাংদা অমুক্তা পায়খৎখিদ্রিবা থবক অমনি অমসুং শেন-থুমগী ফিবম ফত্তবা মতম অসিদা মসিনা অওনবা অমা পুরক্লগনি।

*****