نئی دلّی ،23 جولائی  / جنوبی بحری کمان  کے کمانڈنگ اِن چیف  پی وی ایس ایم ، اے وی ایس ایم ، این ایم ، وی ایس ایم ، اے ڈی سی فلیگ آفیسر  ، وائس ایڈمیرل انل کمار چاولہ نے  22 جولائی ، 2020 ء کو ایزیمالا میں  بھارتی بحریہ اکیڈمی میں 3 میگا واٹ کے شمسی بجلی پلانٹ  کا آغاز کیا ۔  یہ اقدام  حکومتِ ہند کے 2022 ء تک  100 گیگا واٹ  شمسی بجلی   حاصل کرنے کے  قومی شمسی مشن  کے خطوط پر مبنی ہے ۔

          یہ شمسی پلانٹ بھارتی بحریہ کا سب سے بڑا پلانٹ ہے ، جس کی   25 سال  تک کارآمد رہنے کی امید ہے ۔   اس میں   9180 انتہائی موثر مونو کرسٹلائن  سولر پینل    جدید ترین ٹیکنا لوجی سے ملک میں  ہی تیار کئے گئے ہیں  ۔ اس پروجیکٹ کو کیرالہ اسٹیٹ  الیٹرانکس  ڈیولپمنٹ کارپوریشن لمیٹیڈ ( کیلٹرون ) نے  مکمل کیا ہے ۔

          بھاری مانسون اور کووڈ – 19 کی بندشوں کے باوجود  کیرالہ اسٹیٹ  الیکٹریسٹی  بورڈ  سمیت   تمام متعلقہ ایجنسیوں نے  کووڈ – 19 سے متعلق  تمام رہنما خطوط  / پروٹوکول   پر عمل کرتے ہوئے  اپنا کام جاری رکھا   اور اس کام کو   مقررہ وقت میں  مکمل کیا ۔

          شمسی بجلی پلانٹ کا پروجیکٹ   ایزیمالا بحری اسٹیشن   کو کاربن کے اخراج میں کمی کرنے  میں مدد کرے گا اور یہ  صاف ستھری اور سرسبز ماحولیات کی جانب بھار تی بحریہ کی اکیڈمی  کے ذریعے کئے جانے والے اقدامات  میں سے ایک ہے ۔  یہاں  پیدا ہونے والی  اضافی بجلی  کے ایس ای بی الیکٹرک  گرڈ کو دی جائے گی ۔  

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) 

U. No.  4102