ভাইস এদমিরেল অনিল কুমার চৌলা, পি.ভি.এস.এম., এ.ভি.এস.এম., এন.এম., ভি.এস.এম., এ.দি.সি. ফ্লেগ ওফিসর কম্মনাদিং-ইন-চীফ, সাদর্ন নেভেল কম্মান্দনা মেগাৱাৎ ৩গী সোলার পাৱর প্লান্ত অমা ইন্দিয়ন নেভেল একাদেমী, এঝিমলাদা জুলাই ২২, ২০২০দা ভর্চুএল কনফরেন্সকী খুথাংদা কম্মিসন তৌখ্রে। হায়রিবসি ভারত সরকারগী মীৎয়েং মখাদা পায়খৎপা 'নেসনেল সোলার মিসন'গী মখাদা ২০২২ ফাওবদা  মেগাৱাৎ ১০০গী সোলার পাৱর ফংনবগী পান্দমগা মরী লৈননা পায়খৎপনি।

মসিগী সোলার প্লান্ত অসিনা ইন্দিয়ন নেভীগী ওইনা খ্বাইদগী চাউবনি অমসুং মসিনা চহী ২৫গী মপুন্সি চৎকনি হায়না পানরি। মচাক খুদিংমক খ্বাইদগী নৌবা তেক্নোলোজীদা য়ুম্ফম ওইদুনা শাবা মোনোক্রিস্তেলিন সোলার পেনেল ৯১৮০ য়াওনা লমদম অসিদা ফংবা ঙাক্তনি। প্রোজেক্ত অসি কেরলা স্তেত ইলেক্ত্রোনিক দিবেলপমেন্ত কোরপোরেসন লিমিতেদ (কেলত্রোন)না পায়খৎপনি।

অকনবা মোন্সুন অমসুং কোবিদ-১৯না অথিংবা কয়া পীরবসু,  কেরলা স্তেৎ ইলেক্ত্রিসিতী বোর্দ (কসেব) য়াওনা মরী লৈনবা এজেন্সীশিংনা কোবিদ-১৯গী চৎন-কাংলোন/প্রোতোকোল পুম্নমক ঙাক্না প্রোজেক্ত অসিগীদমক থবক মখা চত্থখি অমসুং থবক খুদিংমক মতম চানা লোইশিনখি।

সোলার পাৱর প্লান্ত প্রোজেক্ত অসিনা নেভেল স্তেসন ইঝিমলাদা কার্বোন থাদোকপা হন্থহল্লগনি অমসুং মসিনা অশেংবা অমসুং অশংবা অকোইবা অমা ওইহন্নবা হোৎননবগীদমক লৌখৎলিবা আই.এন.এ.গী থৌরাংশিংগী মনুংদা অমা ওইরগনি। অহেনবা শুংলক্লিবা মৈশিংবুনা কসেব ইলিক্ত্রিসিতী গ্রিদতা পীগনি।

****