ଅର୍ଥ ମନ୍ତ୍ରଣାଳୟ
ଦ୍ଵିପାକ୍ଷିକ ତଥ୍ୟ ବିନିମୟ ଲାଗି ସିବିଆଇସି ଓ ସିବିଡିଟି ମଧ୍ୟରେ ବୁଝାମଣା ସ୍ଵାକ୍ଷରିତ
प्रविष्टि तिथि:
21 JUL 2020 12:40PM by PIB Bhubaneshwar
କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ଏବଂ କେନ୍ଦ୍ରୀୟ ଅପ୍ରତ୍ୟକ୍ଷ ଟିକସ ଓ ସୀମା ଶୁଳ୍କ ବୋର୍ଡ (ସିବିଆଇସି) ମଧ୍ୟରେ ତଥ୍ୟର ସୁବିନିମୟ ପାଇଁ ଆଜି (21.07.2020) ଏକ ବୁଝାମଣାପତ୍ର (ଏମଓୟୁ) ସ୍ଵାକ୍ଷରିତ ହୋଇଛି । ସିବିଡିଟି ପକ୍ଷରୁ ଏହାର ଅଧ୍ୟକ୍ଷ ପ୍ରମୋଦ ଚନ୍ଦ୍ର ମୋଦୀ ଏବଂ ସିବିଆଇସି ପକ୍ଷରୁ ଏହାର ଅଧ୍ୟକ୍ଷ ଶ୍ରୀ ଏମ. ଅଜିତ କୁମାର, ଉଭୟ ସଂଗଠନର ଅଧିକାରୀଙ୍କ ଉପସ୍ଥିତିରେ ଏହି ବୁଝାମଣାପତ୍ରରେ ସ୍ଵାକ୍ଷରିତ କରିଥିଲେ ।
ଏହି ଏମଓୟୁ ସ୍ଵାକ୍ଷରିତ ହେବା ଫଳରେ 2015ରେ ସ୍ଵାକ୍ଷରିତ ହୋଇଥିବା ବୁଝାମଣାପତ୍ର ବସ୍ତୁତଃ ଅକାମି ହୋଇଯାଇଛି । 2015 ପରେ ଜିଏସଟିର ପ୍ରବର୍ତ୍ତନ, ଜିଏସଟିଏନ ଅନ୍ତର୍ଭୂକ୍ତିକରଣ ଏବଂ ସିବିଇସିର ବିଭାଗ ପରିବର୍ତ୍ତନ ଭଳି ନୂତନ ବ୍ୟବସ୍ଥା ଯୋଗୁଁ ଏହି ବୁଝାମଣାପତ୍ର ସ୍ଵାକ୍ଷରିତ ହୋଇଛି । ଏଥିଯୋଗୁଁ ସିବିଡିଟି ଓ ସିବିଆଇସି ମଧ୍ୟରେ ନିୟମିତ ଓ ସ୍ଵୟଂକ୍ରିୟ ଭାବେ ତଥ୍ୟ ବିନିମୟ ହୋଇପାରିବ । ନିୟମିତ ତଥ୍ୟ ବିନିମୟ ସହ ଉଭୟ ସଂଗଠନ ଯେତେବେଳେ ଆବଶ୍ୟକ ଅନ୍ୟାନ୍ୟ ତଥ୍ୟ ମଧ୍ୟ ବିନିମୟ କରିପାରିବେ ।
ଏହି ବୁଝାମଣାପତ୍ର ସ୍ଵାକ୍ଷରିତ ହେବା ଦିନଠାରୁ ହିଁ ବଳବତ୍ତର ହୋଇଛି । ଗୋଟିଏ ତଥ୍ୟ ବିନିମୟ ସଂଚାଳନ ଗ୍ରୁପ ଏଥିପାଇଁ ତିଆରି ହୋଇଛି, ଯାହାକି ମଝିରେ ମଝିରେ ବୈଠକ ଜରିଆରେ ସେମାନଙ୍କର ତଥ୍ୟ ବିନିମୟ ସ୍ଥିତି ଓ ତଥ୍ୟ ଭାଗିଦାରୀ ବ୍ୟବସ୍ଥା ସମ୍ପର୍କରେ ତର୍ଜମା କରିପାରିବେ । ଏହି ବୁଝାମଣାପତ୍ର ଯୋଗୁଁ ସିବିଡିଟି ଓ ସିବିଆଇସି ମଧ୍ୟରେ ଏକ ନୂତନ ଯୁଗର ଅଭ୍ୟୁଦୟ ହୋଇଛି ବୋଲି କହିଲେ ଅତ୍ୟୁକ୍ତି ହେବନାହିଁ ।
**********
(रिलीज़ आईडी: 1640251)
आगंतुक पटल : 339